"CIO" (Contén)

Cada unha das reaccións en que unha molécula monomérica se converte nun polímero. Existen dous tipos fundamentais de polimerización: por condensación e por adición. A polimerización por condensación, ou policondensación, ten lugar a través da interacción entre pares de grupos funcionais pertencentes a dúas moléculas diferentes con eliminación dunha molécula pequena, e o polímero formado contén grupos funcionais non presentes nas moléculas do monómero. A polimerización por adición ten lugar mediante a interacción de enlaces múltiples presentes nas moléculas do monómero, e o polímero resultante ten a mesma composición ca o monómero do que procede. Deste tipo son a polimerización vinílica, en que o monómero é un derivado do etileno, a polimerización diénica, en que o monómero é un derivado do 1,3-butadieno, e a polimerización a través de enlaces múltiples entre átomos de elementos distintos. Un terceiro tipo xeral...

Transferencia do pole desde os estames ata os pistilos. Se o pole provén da mesma flor, hai autopolinización, e se procede doutras flores, hai polinización cruzada, que ofrece máis posibilidades de recombinación xénica. Hai diversos axentes polinizadores como o vento, a auga e algúns animais.

Modificación da dotación cromosómica dunha célula.

Acción e efecto de politizar.

Desintegración mecánica das partes moles dos vexetais, ata reducilas ao estado de polpa.

Conxura organizada por un grupo de católicos ingleses contra Xaime I de Inglaterra. Pretendían voar o Parlamento o día da sesión inaugural (5 de novembro de 1605). Robert Catesby e catro conspiradores máis, co fin de enfrontar a intolerancia relixiosa, escavaron un corredor debaixo de Westminster, onde colocaron máis de 20 barrís de pólvora, pero o seu complot foi descuberto a véspera, e os organizadores xulgados e executados.

Antropónimo masculino procedente do nome latino Pontius, que pode derivar do numeral osco pomtis, análogo ao latín quinque ‘cinco’, ou do sabino pompe ‘cinco’, de onde vén Pompeo. Outra hipótese sinala a palabra pontus ‘mar, onda’ ou ‘mariño, o que pertence ao mar’. Ademais da creación do apelido Pons, converteuse en nome común coa forma poncio que, familiarmente, significa ‘gobernador dunha provincia, persoa importante a escala local’.

(? 260) Diácono. Foi discípulo de san Cibrán de Cartago e acompañou o seu bispo no exilio durante a persecución de Valeriano. A súa festividade celébrase o 14 de maio.

Enfrontamentos entre as tropas invasoras francesas e os labregos. A depredación que practicaban os franceses a comezos de 1809 na rexión comprendida entre Betanzos e Ferrol, esixindo contribucións de cebada, palla, trigo e viño, e tomándoo pola forza no caso de non recibilo, provocou a resistencia dos labregos, que adoptaron o sistema de guerrillas. O día 6 de febreiro capturaron algúns soldados franceses das tropas do mariscal Ney e queimáronos en Andrade (Pontedeume). Entre o 20 e o 21 de febreiro de 1809 os habitantes da zona realizaron un ataque durante a noite e mataron a todos os oficiais e á tropa francesa. Posteriormente enterráronos nos piñeirais, mentres que os cabalos foron conducidos ata Ribadavia e entregados ao marqués de La Romana.

Construción situada en Pontevedra. Datada no último terzo do s XIX, foi realizada por A. e Domingo Rodríguez Sesmero. De planta rectangular, elévase sobre un podio con escaleira de acceso na fachada principal e na posterior. Construíuse en estilo renacentista con reminiscencias barrocas e clasicistas, e ten un xogo de entrantes e saíntes que lle dá á fachada sensación de movemento. No corpo central ten columnas con capiteis xónicos na planta baixa e dóricos na parte superior, e arcos de medio punto en fiestras e portas. Este corpo remata en claraboias e un frontón triangular en que se sitúa o escudo da Deputación Provincial de Pontevedra.

Acción e efecto de popularizar ou popularizarse.

Acción e efecto de porfirizar.

Entidade sen ánimo de lucro con sede na Coruña, fundada en 1983 como asociación. En 1987 constituíuse como fundación e, ao ano seguinte, foi declarada Cultural e de Interese Galego pola Xunta de Galicia. Entre os seus obxectivos destaca a protección e o fomento das ideas de liberdade e tolerancia, o respecto aos dereitos humanos e o apoio ao progreso de Galicia en todos os campos.