"Mac" (Contén)

PERSOEIRO

Pintor alemán. Recibiu a influencia do impresionismo en París, do fauvismo, do cubismo e especialmente de R. Delaunay. Xunto con V. Kandinskij e F. Marc participou no grupo Der Blaue Reiter, e en 1914 traballou con P. Klee en Tunes. A súa obra, figurativa en conxunto, revela unha temática contemporánea que está expresada mediante unha estilización das formas e unha harmonía contrastada de tons.

PERSOEIRO

Realizador cinematográfico estadounidense. Formou parte da xeración de 1950. Dirixiu, entre outros filmes, The Man in the White Suit (1951), Mandy (1952), Sweet Smell of Sucess (1957) e Don’t Make Waves (1967).

RIOS

Río dos Territorios do Noroeste, Canadá. Nace nas Montañas Rochosas, co nome de Athabasca, atravesa o lago homónimo e o Great Slave, e cando sae adquire o nome de Mackenzie. Recolle pola dereita as augas do escudo canadense e pola esquerda a das Montañas Rochosas setentrionais. Desemboca, tras un percorrido de 4.600 km, en forma dun extenso delta no mar de Beaufort, no Océano Ártico.

PERSOEIRO

Explorador escocés. En 1789 descubriu o río que leva o seu nome, desde onde chegou ata o Océano Ártico. Nunha expedición a través das Montañas Rochosas (1792-1793) chegou ata o litoral do Océano Pacífico. Publicou Voyages from Montreal at the River St Lawrence through the Continent of North America to the Frozen and Pacific Oceans (1801).

PERSOEIRO

Novelista e xornalista británico. Comezou a escribir a peza de teatro The Gentleman in Grey (1907), pero inclinouse pola novela, como The Passionate Elopement (1911), Carnival (1912), Extremes meet (1928) e Extraordinary women (1928), así como unha triloxía sobre as súas experiencias na Primeira Guerra Mundial.

PERSOEIRO

Xeógrafo británico. Foi especialista en xeografía política, e deu moita importancia ao espazo ruso-asiático. Da súa obra destaca Britain and the British Sears (1902), The Pivot of History (1904) e The Rhine, its Valley and History (1908). Recibiu o título de sir.

PERSOEIRO

Bioquímico estadounidense. Foi profesor de neurobioloxía molecular e biofísica na Rockefeller University. En 2003 recibiu, xunto con P. Agre, o Premio Nobel de Química, polos seus descubrimentos relacionados coas canles nas membranas celulares, en particular polos seus estudios sobre a estrutura e o mecanismo das canles de ión potasio.

PERSOEIRO

Arquitecto e deseñador escocés. Foi director da Escola de Glasgow, e en 1923 instalouse en Londres, onde deseñou mobles e tecidos e pintou acuarelas. Xunto con Herbert Mac Nair e os irmáns Mac Donald, constituíu o grupo The Four. A súa obra intensificou a articulación interna dos espacios e amosou unha clara ordenación cubista asimétrica en que destacou os elementos construtivos. Realizou o edificio para o diario Glasgow Herald (1894), a Glasgow School of Art (1898-1909) e a casa de campo Hill House (1903).

PERSOEIRO

Arquitecto e deseñador. En 1882 fundou a Century Guild, que editou The Hobby Horse, co que pretendeu renovar a tipografía e a ilustración segundo as presentacións de Arts and Crafts. Deseñou papeis pintados e tecidos con paxaros e flores. A partir de 1904, dedicouse a expoñer as súas teorías sociais.

1. Agregado cristalino regular que está constituído por dous cristais asociados simetricamente, de xeito que un deles pode estar colocado paralelo ao outro mediante unha reflexión sobre unha cara común, denominada plano de macla, ou ben mediante un xiro de 180° ao redor dunha recta común denominada eixe de macla. As maclas teñen a miúdo nomes específicos que fan referencia á súa forma característica, á localidade onde se atopou por primeira vez, ou ben, ao mineral que presentan máis a miúdo. Moitos minerais importantes, como a ortosa, a microclina, os plaxioclasios e a calcita, son a miúdo maclas.

2. Deformación da estrutura cristalina dun metal en que unha zona ben definida desta, toma unha orientación diferente pero constante e cunha relación determinada co resto do cristal. As maclas prodúcense por esforzos mecánicos (maclas mecánicas), ou ben aparecen na operación de recocido (maclas de recocido).

PERSOEIRO

Matemático escocés. Na súa obra fundamental A Treatise of Fluxions (1742), prolongou, con métodos orixinais os cálculos do seu mestre I. Newton sobre determinadas cuestións aínda non aclaradas, como a figura de equilibrio dunha masa fluída en rotación ou a atracción que exerce por un elipsoide homoxéneo sobre puntos da súa superficie ou do seu interior. Estableceu tamén a fórmula Maclaurin.

PERSOEIRO

Actriz estadounidense. Coñecida como Shirley MacLaine, foi cantante e bailarina, e a súa grande expresividade permitiulle interpretar tanto comedias coma dramas. Da súa filmografía destacan Ask Any Girl (Silbenen Bär en Berlín, 1959), The Apartament (Premio en Venecia, 1960), Irma, la Douce (1963), Desperate Characters (Silbenen Bär en Berlín, 1971), The Turning Point (1977), Terms of Endearment (1983, Oscar á mellor actriz, 1984), Madame Sousatzka (Premio en Venecia, 1988), Steel Magnolias (1989), Bruno (2000) e Carolina (2003).

PERSOEIRO

Poeta e dramaturgo estadounidense. Foi delegado cultural da ONU. Destacan as súas obras The Happy Marriage (1924), Streets on the Moon (1926) e J. B.: A Play in Verse (1959). Obtivo en dúas ocasións o premio Pulitzer (1933 e 1959).

PERSOEIRO

Médico escocés. Dirixiu na Universidade de Toronto (Canadá) os estudios sobre a acción dos extractos pancreáticos que o levaron, xunto con F. G. Banting e C. Best, ao descubrimento da insulina (1921). Das súas obras destacan Practical Physiology (1902) e Physiology and Biochemistry in modern Medicine (1918). En 1923 recibiu, xunto con Banting, o Premio Nobel de Fisioloxía e Medicina, polo descubrimento da insulina.

FAMILIAS

Familia de editores ingleses fundada por Daniel Macmillan (1813-1857). Asociado co seu irmán Alexander Macmillan (1818-1896), adquiriron diversas librerías e conseguiron extraordinarios éxitos con obras de Ch. Kingsley, A. Huxley, L. Carrol e Th. Hugues, entre outros. Converteuse, como sociedade limitada (1893), nunha das editoriais máis importantes do mundo.