"SS" (Contén)

PERSOEIRO

Filósofo, xeógrafo e historiador grego. Formouse en Atenas, no Liceo de Aristóteles, onde se relacionou con Teofrasto e estudiou temas vinculados coa moralidade. Membro da escola peripatética, dentro da súa concepción filosófica a alma é o resultado da harmoniosa organización do corpo, así como a política o é da síntese harmónica de democracia, aristocracia e monarquía. Destacou como xeógrafo e cartógrafo; elaborou o primeiro método xeométrico para determinar a medida da circunferencia da Terra, que estableceu en 54.000 km. Posteriormente, cando deseñou un planisferio no que representaba o mundo coñecido polos gregos da época, rectificou os seus cálculos e determinou a circunferencia en 39.600 km. Unha das achegas máis transcendentais da súa cartografía foi a xeoreferenciación segundo un eixe de coordenadas; no seu planisferio trazou dúas liñas, unha horizontal que levou dende o estreito de Xibraltar ata o Cáucaso polo Peloponeso e Anatolia, e unha vertical perpendicular a aquela que pasaba...

PERSOEIRO

Chanceler austríaco (1932-1934). Ministro de Agricultura no goberno de Buresh (1931) e membro do Partido Social Cristián, substituíu a monseñor Seipel como chanceler, e ao mesmo tempo tomou as rendas do partido o 27 de maio de 1932. Contou co apoio dos xefes da milicia fascista (Heimwehr). Emprendeu unha política de colaboración cos fascistas autríacos e de amizade coa Italia de Mussolini. En marzo de 1933, despois de suspender o Parlamento nacional, disolveu o Partido Socialdemócrata. Nos meses seguintes paralizou a Corte Constitucional, prohibiu a campaña electoral no territorio nacional e o 20 de maio de 1933 creou a Vaterländische Front, o partido único de carácter autoritario. Ao mesmo tempo, integrou as milicias fascistas nas forzas públicas e concentrou nas súas mans os principais ministerios, mediante unha nova reforma no goberno, como paso previo para facerse co poder. Entre o 12 e o 16 de febreiro de 1934 masacrou os grupos opositores (obreiros e socialistas vieneses) nunha breve...

PERSOEIRO

Crítico e historiador de arte. Estudiou dereito e belas artes en València, onde foi profesor de historia da arte na Escola de Belles Arts. Foi profesor da Escuela Especial de Pintura de Madrid e en 1913 nomeárono director do Museo Nacional de Artes Industriales y Decorativas de Madrid. Dirixiu a Biblioteca de Arte Español e publicou, entre outros traballos, Sorolla, su vida y su arte (1909) e El nacionalismo en arte: notas sobre la vida contemporánea (1928). Foi membro da Real Academia de Bellas Artes de San Fernando.

REXIÓNS

Rexión hulleira situada entre as repúblicas de Ucraína e de Rusia, na conca setentrional do Don (23.000 km2). Ademais dos grandes depósitos de carbón, hainos de sal e de mercurio, e atopáronse outros de petróleo e gas. Todo isto favorece unha importante industria siderometalúrxica, química e mecánica. Os centros principais son Donets’k, Kommunarsk e Makejevka. Os depósitos de carbón descubríronse arredor do 1721 e comezaron a ser explotados a comezos do s XIX.

PERSOEIRO

Pintor holandés. Estableceuse en París en 1897 e nacionalizouse francés en 1929. Foi membro do grupo fauvista (1906) e en 1908 expuxo cos expresionistas alemáns do grupo Die Brücke. Nas súas viaxes por Europa estivo en España, onde realizou, entre outros, o retrato Juana la Macarrona (1910) e participou na Exposición Internacional de Pintura y Escultura de Bilbao (1919). Creou unha obra chea de cor e gran forza expresiva, con escenas do music hall, retratos femininos e personaxes da alta sociedade parisiense e paisaxes. Entre outras destacan O vello Clown (1906) e Dona das xoias (1908). Colaborou, entre outras publicacións, en Rotterdamsche Nieuwsblad e Revue Blanche.

PERSOEIRO

Escritor estadounidense. Neto de emigrantes portugueses, graduouse en Harvard (1916). Correspondente en Europa e Oriente Medio, foi encarcerado por defender os anarquistas Sacco e Vanzetti. Publicou un libro de impresións sobre España, Rosinante to the Road Again (Rocinante de novo na estrada, 1922), e ao retornar á narrativa abandonou o individualismo das súas primeiras obras cunha novela colectiva de ambiente urbano, Streets of Night (Rúas da noite, 1923), preludio de Manhattan Transfer (1925), pintura de multitude de personaxes e escenarios determinados pola atmosfera de Nova York. Dúas das súas primeiras obras, One Man’s Initiation (A iniciación do home, 1917) e Three Soldiers (Tres soldados, 1921), son novelas arquetípicas da denominada xeración perdida. A triloxía USA-The Forty-Second Parallel (Paralelo 42, 1930), 1919 (1932) e The Big Money (O gran diñeiro, 1936), constituíu unha acusación ao...

1. Carpeta que contén os documentos que fan referencia a un feito ou a unha persoa determinada.

2. Conxunto de documentos que fan referencia a un mesmo asunto ou a persoas determinadas.

DEPARTAMENTOS

Departamento de Níxer (31.002 km2; 982.000 h [estim 1990]). A capital é Dosso (16.959 h [1977]).

PERSOEIRO

Pintor australiano. De orixe inglesa, instalouse en Melbourne en 1923 e trasladouse a Sidney en 1940. Na súa obra reflectiu a identidade nacional e a realidade cultural da poboación aborixe e branca australiana. Entre as súas obras destacan The cricketers (Os xogadores de cricket, 1948), West Wyalong (1949) e Mullaloonah tank (O tanque de Mullaloonah, 1953). Representou o seu país na Bienal de Venecia de 1954.

PERSOEIRO

Pintor. Representante da Segunda Escola de Fontainebleau, a súa obra recibiu a influencia de Primaticio. Realizou na galería de Diana, no Château de Fontainebleau, os frescos da lenda de Hércules e no Louvre decorou a galería de Apolo, destruída durante un incendio en 1661. O seu manierismo anunciou o clasicismo posterior. Foi pintor de cámara de Enrique III.

PERSOEIRO

Almirante francés. Filibusteiro e gobernador de Santo Domingo (1691), durante a Guerra de Sucesión española (1701-1714) loitou a favor de Filipe V.