"Bo" (Contén)

PERSOEIRO

Actor cinematográfico. Adoitaba encarnar un tipo de personaxe franco, honesto e cheo de humanidade. Da súa extensa filmografía destaca Captains Courageous (1937, Oscar ao mellor actor), Boy’s Town (1938, Oscar ao mellor actor), Edison, the man (1940), The Old Man and the Sea (1958), Judgment at Nuremberg (1961) e Guess Who’s Coming to Dinner (1967).

1. Que transborda.

2. Instalación ou dispositivo que permite transbordar.

3. Buque grande e plano que está destinado ao transporte de pasaxeiros, mercancías, automóbiles ou incluso trens, entre as dúas beiras dun estreito, un paso, un canal ou un río. OBS: Tamén se denomina ferry-boat.

4. Dispositivo empregado para trasladar transversalmente vagóns e locomotoras dunha vía a outra paralela. Consiste nunha plataforma provista dun tramo de vía e de rodas que se move sobre uns carrís transversais e ás veces vai movida por motores propios.

5. lanzadeira espacial.

1. Trasladar persoas ou cousas dunha embarcación a outra ou dun vehículo a outro.

2. Transportar pasaxeiros ou vehículos dunha beira á outra dun río ou dunha canle.

3. Trasladarse unha persoa dunha embarcación a outra ou dun vehículo de transporte a outro.

1. Chuvia forte e intensa, de pouca duración, que pode ir acompañada de vento.

2. Conxunto de perturbacións atmosféricas violentas, sobre todo cando se producen tronos.

3. Liña ao longo da que o aire frío que descende se atopa co aire quente, o que dá lugar a un cambio brusco na dirección do vento, un rápido descenso da temperatura e un rápido aumento da presión. A miúdo son moi curtas e difíciles de identificar nos mapas do tempo.

1. 1. Planta herbácea anual e perenne, que pertence ao xénero Trifolium, da familia das fabáceas, con follas trifoliadas, flores rosadas, brancas ou amarelas reunidas en glomérulos ou en acios densos, e froitos secos, pequenos e ordinariamente indehiscentes. Son excelentes plantas forraxeiras.

   2. trevo branco [Trifolium occidentale, Fam das fabáceas]

      Planta herbácea perenne, con talos rastreiros, follas divididas en tres folíolos orbiculares, flores de cor branca rosada dispostas en capítulos e froito en legume. Florece a mediados da primavera e principios do verán, en dunas e zonas preto do mar.

   3. trevo rubio [Trifolium pratense, Fam das fabáceas]

      Planta herbácea perenne, de ata 100 cm de altura, con varios talos que brotan dunha mesma raíz e follas pecioladas con tres folíolos estreitos, ovais ou obovados, a miúdo con manchas claras cara á base. As flores dispóñense en capítulos terminais de cor rosada e froito en legume. Florece a mediados da primavera e finais do verán. É moi frecuente en toda Galicia e emprégase como planta medicinal.

2. 1. Pau da baralla francesa que se caracteriza polos trevos que leva gravados.

   2. Carta deste pau.

3. pan do cuco.

4. Planta acuática vivaz, de ata 30 cm de altura, con talos subacuáticos e reptantes, follas pecioladas e divididas en tres folíolos obovados, flores de cor branca ou rosada dispostas en acios terminais e froito globular. Florece na primavera en brañas e lugares con moita auga. Emprégase como planta medicinal polas súas propiedades tónicas.

PERSOEIRO

Investigador. Director do Instituto Universitario de Ciencias de las Religiones da Universidad Complutense de Madrid, foi profesor do Departamento de Estudios Hebreos y Arameos desa universidade e membro do Comité Internacional de Edición de los Manuscritos del Mar Muerto. Centrado nas investigacións sobre a crítica textual e literaria da Biblia, publicou La Biblia judía y la Biblia cristiana: introdución a la historia de la Biblia (1993), La experiencia de Israel: profetismo y utopía (1996) e Libro de los Salmos: religión, poder y saber (2001).

PERSOEIRO

Pintor. Activo en Bohemia arredor de 1380, foi autor das táboas conservadas na igrexa dos agostiños de Trebon, que destacan pola modelaxe das formas e a vivacidade da cor.

PERSOEIRO

Emperador romano (251-253). Gobernador da Mesia inferior, foi salvado dos godos polo Emperador Decio (250). Nomeado emperador polos soldados, pactou unha paz pouco honrosa cos godos e co fillo de Decio. Morreu a mans dos seus soldados.

PERSOEIRO

Político e xeneral romano. Foi tribuno (55 a C) e propuxo a lex Trebonia, que asignaba durante cinco anos a provincia de Hispania a Pompeio e a de Siria a Craso Dives. Legado de César na Galia e na Britania, durante a guerra civil conquistou e dirixiu as tropas en Hispania (48 a C). Nomeado cónsul sufecto (45 a C), uniuse á conxura contra César (44 a C). Foi asasinado por C. Dolabella.

CABOS

Cabo do litoral mediterráneo situado na costa de Marrocos, fronte ao illote de Alborán.

1. Grupo social que inclúe numerosas familias ou clans, unidos por vínculos lingüísticos, raciais ou culturais, xeralmente cun ordenamento xurídico propio e baixo a obediencia a un xefe. Homoxénea e autónoma desde o punto de vista sociopolítico, é a unidade máis extensa de poboación da que se ocupa tradicionalmente a etnografía.

2. 1. Cada unha das fraccións en que estaba dividido o territorio na antiga Roma. A primitiva ordenación parte de tres tribos: os ramnenses, os titienses e os luceres. Probablemente esta tripartición estaba conectada cos 300 membros do primitivo Senado. Coa República (s VI a C), as tribos, denominadas tribos servianas, foron simples circunscricións territoriais e sobre a súa base foron constituídos os comitia tributa.

   2. Cada un dos grupos (šebeṭ) en que se concretaba a organización politicosocial dos hebreos antes da monarquía. Segundo a tradición política eran doce e tiñan o seu epónimo nos doce fillos de Xacob ou Israel. A súa historia corresponde á do pobo de Israel.

3. Categoría taxonómica que está comprendida entre a subfamilia e o xénero.