"AND" (Contén)

1. 1. Danza de orixe incerta, lenta, de forma binaria e compás de 3/4 ou de 3/2, que se converteu en parte esencial da suite instrumental barroca.

   2. Música desa danza.

2. Ruído de berros ou voces altas.

PERSOEIRO

Político ruso. Membro do comité central do PCUS (1927). Foi terceiro secretario do partido e dirixiu unha campaña contra as manifestacións culturais e artísticas que non seguían as normas do realismo socialista.

PERSOEIRO

Actor, produtor e realizador cinematográfico. Xefe da produtora Pathé (1905), tras a guerra retomou en Francia a dirección da Pathé Baby. Cultivou diferentes campos dentro da realización, como o cómico, con Le chien et la pipe (1903); o fantástico, con Les sept châteaux du Diable (1901); o drama popular, con Historie d’un crime (1901); e temas literarios, como Don Quichotte (1903), e relixiosos, con La passion de Crist (1902-1905).

1. Relativo ou pertencente a Zelanda ou aos seus habitantes.

2. Natural ou habitante de Zelanda.

PERSOEIRO

Compositor e director de orquestra. Alumno de J. N. Fuchs, foi director de numerosas orquestras e difundiu as obras da escola de Viena. Das súas obras cómpre destacar Lyrische Symphonie (1922), a ópera Eine florentinische Tragödie (1916), catro cuartetos de corda (1898-1936) e 6 Gesänge (1915) para voz e orquestra.

PERSOEIRO

Inventor alemán. Conde de Zeppelin, estudou na Academia Militar de Ludwigsburg e na Universidade de Tubinga. Unha vez que abandonou a carreira militar (1890), interesouse polo voo dos globos aerostáticos, e dedicouse ao deseño e á construción de dirixibles.

PERSOEIRO

Nadadora rusa naturalizada española (1999). Entre as súas numerosas vitorias destacan as tres medallas de ouro (50, 100 e 200 m costas) no Campionato de Europa de Helsinqui 2000, a medalla de bronce (100 m costas) nos Xogos Olímpicos de Sydney 2000; a medalla de ouro (50 m costas) e prata (200 m costas) no Campionato de Europa de Berlín 2002; a medalla de ouro en 50 m costas no Campionato do Mundo de Barcelona 2003; e as medallas de prata (50 m costas) e bronce (100 m costas) no Campionato de Europa de Madrid 2004.

PERSOEIRO

Pintor. Trasladouse a España en 1961 e creou en Cuenca o Museo de Arte Abstracta, o primeiro destas características. Cultivou a pintura, o debuxo, o gravado e a fotografía. A súa obra pictórica de madurez é afín á dos artistas abstractos españois da década de 1960.

REXIÓNS

Rexión da África meridional, incorporada á provincia de Kwa­Zu­lu/Natal, Sudáfrica, da que forma a franxa setentrional, comprendida entre as serras setentrionais de Drakensberg e o Océano Índico e entre os ríos Pongolo ao N e Tugela ao S. Habitada por tribos zulús desde o s XVII, ao comezo do s XIX o Rei Shaka unificou os zulús e conquistou unha gran parte de Natal. Os africanos enfrontáronse cos colonos bóers de Trasvaal e Orange, e desde 1877 cos ingleses do Cabo. Despois dunha sanguenta campaña (1878-1884), o territorio foi anexionado a Natal (1897). Os europeos arrebataron as mellores terras aos zulús e impuxéronlle leis restritivas. A partir de 1910, vencido o derradeiro rei zulú, Dinuzulu, o territorio pasou a ser unha das reservas africanas da Unión Sudafricana, e en 1970 unha parte constituíu o bantustán autónomo de KwaZulu.