"Aden" (Contén)

Grupo de virus de DNA de cadea dobre que producen afeccións, a miúdo asintomáticas, en mamíferos e aves, denominadas adenoviroses.

Interioridade ou conxunto de sentimentos, sensacións, desexos e pensamentos que non se exteriorizan.

Composto activado que, durante a síntese de proteínas, actúa como intermediario na formación dun enlace covalente entre un aminoácido e o seu RNAt aceptor.

Forma particular de fonema ascendente polo que se caracteriza un bo número de construcións interrogativas absolutas en moitas linguas.

Formación artístico-musical creada na Estrada en 1932 que tivo continuidade ata a Guerra Civil Española. Entre os seus compoñentes estaban Antonio Fraguas y Fraguas, o musicólogo Antonio Pazo Álvarez, Avelino Durán Barros (presidente fundador) e Alfonso Isla Rubiáns.

Antigo estado de Alemaña xurdido da unificación dos dominios da Casa de Baden e do proceso de disolución do Sacro Imperio. Estendíase pola beira dereita do Rin, desde Wertheim ata Basilea. Tiña unha extensión de 15.069 km2 e unha poboación ao comezo da Segunda Guerra Mundial de 2.813.657 h. A capital era Karlsruhe. Na época romana formaba parte dos Campos Decumanos. No 282 foi conquistada polos alamáns e foi incluída no ducado de Alemaña, baixo soberanía franca desde o s VI. No s X pasou a pertencer á casa de Zähringer e a finais do s XI o seu titular tomou o título de margrave. Despois da morte de Cristovo I (1527) a casa divididiuse en dúas liñas: a católica de Baden-Baden e a protestante de Baden-Durlach. Ao extinguirse a rama de Baden-Baden (1770), o país foi unificado baixo a persoa de Carlos Federico I da rama Baden-Durlach (morto en 1811), que se converteu no único margrave de Baden. En 1803, aliado de Napoleón, foi elevado á dignidade electoral e aumentou os seus estados...

Casa dos príncipes do Sacro Imperio que rexiu diversos territorios alemáns. Orixinouse na familia dos Zähringen, que foron condes de Brisgovia, duques de Zähringen e margraves de Verona. Armando II (morto no 1130) foi o primeiro margrave de Baden (1112), localidade que herdou da súa nai, Judit de Backnang. Arredor do 1155 os seus descendentes adquiriron Hochberg (ou Hachberg). Á morte de Armando IV (1190), os seus dous fillos repartiron a herdanza: o primoxénito, Armando V, formou a liña de Baden-Baden e adquiriu os señoríos de Durlach, de Ettlingen (1218) e de Pforzheim (1236?); o segundo, Erico I, formou a liña de Baden-Hachberg (extinguida no 1418, a herdanza pasou á de Baden-Baden), da que naceu a rama de Baden-Sausenberg, que incorporou os señoríos de Rothelin e Badenweiler e o condado soberano de Neuchatel (que pasou por sucesión feminina aos Orleans, duques de Longueville), extinguida en 1503 pasou a herdanza a liña dos Baden-Baden. O margrave Armando VI de Baden-Baden, fillo de...

Cultura prehistórica eneolítica que se orixinou en Baden, ao S de Viena. Estendeuse por boa parte de Europa central (Austria, República Checa, Eslovaquia, Hungría, S de Polonia e Romanía) na primeira metade do segundo milenio a C. A parte económica baseábase no cultivo dos cereais e na gandería (bovina, porcina e ovina). É típica a súa cerámica decorada con liñas incisas tanto continuas como punteadas.

Círculo filosófico creado por Wilhelm Windelband (1848-1915) e dirixido máis tarde por Heinrich Ricket (1863-1936); xunto coa Escola de Marburgo representou a dirección predominante do Neokantismo alemán nos primeiros anos do século XX. Profundizou na comprensión da Filosofía como unha teoría do coñecemento, aínda que refutando do pensamento de Kant o excesivo Racionalismo, o Formalismo e a inclinación polas ciencias Matemáticas. Así mesmo, inclinouse cara á filosofía da cultura e da historia, nun primeiro momento, para finalmente profundar na teoría do coñecemento dos valores.

Margraviado do Sacro Imperio, do círculo de Suabia, que pertenceu desde 1515 a 1771 a unha rama da casa de Baden.

Margraviado do Sacro Imperio, do círculo de Suabia, que pertenceu desde 1515 a unha rama da casa de Baden, que agregaría as herdanzas das ramas de Hachberg (1535) e de Baden-Baden (1771).

Land de Alemaña (35.752 km2; 10.374.505 h [1997]). A capital é Stuttgart. Comprende sete rexións naturais: o Alto Rin, a Selva Negra, o Odenwald, o Neckarland, os Alpes de Suabia, os Prealpes e a rexión propiamente alpina, e está drenado polas concas do Rin, do Danubio e do Neckar. A poboación experimentou un forte incremento desde 1945 debido á chegada de refuxiados procedentes da República Democrática Alemana. Baden-Wüttemberg está moi industrializado; destacan as industrias téxtiles, de maquinaria e de electrónica. Ao acabar a Segunda Guerra Mundial o estado de Baden foi dividido polas potencias aliadas en dúas partes: o N foi incluído dentro da zona de ocupación norteamericana e formou o land de Wüttemberg-Baden. O S incluíuse dentro da zona de ocupación francesa e constituíu o land de Baden. No ano 1950 organizouse un referendo consultivo e votouse maioritariamente pola formación dun estado unificado; polo tanto Baden, Wüttemberg e Hohenzoller...