adentar

1. v t

   Arrincar cos dentes anacos dalgunha cousa.

   Ex: O rapaz adentaba o queixo como se fose un rato.

   Sinónimos: afocañar, amosegar, amozcar, anozcar, ataniscar.
2. v t

   Deixar a pegada dos dentes nalgunha cousa, mordendo con forza.

   Ex: Deixa de adentar o pan!

3. v t

   Darlle a forma dentada a un obxecto ou ferramenta.

   Ex: Adentaron as rodas do carro. Cando entraron no alboio estaba a adentar a serra.

4. v t

   Facer unha incisión nas castañas para que ao asalas non estoupen.

   Ex: Na festa do magosto adéntanse as castañas antes de asalas.

   Sinónimos: amordicar, amosegar, anozcar, ataniscar.
5. v t

   Encaixar dous elementos tomando como guía as súas formas dentadas.

   Ex: Adentamos as engrenaxes de tal xeito que funcionou a máquina.

6. v i

   Comezar a saír os dentes.

   Ex: O neno adentou e xa pode comer cousas máis duras.

   Sinónimos: dentar, endentecer.

Formas incorrectas