"Austria" (Contén)

PERSOEIRO

Raíña de Francia, filla do Emperador Francisco I e de María Tareixa   I de Austria. Casou con Luís XVI de Francia, e cando este ascendeu ao trono (1774), o seu dominio sobre o rei reflectiuse nunha forte influencia política. Acusada de favorecer os intereses de Austria, mal vista por culpa dos seus excesivos dispendios e pola súa oposición a toda clase de reformismo, a opinión tornouse en contra dela. Durante a Revolución Francesa fixérona prisioneira xunto co rei (13 de agosto de 1792), e executárona ao ano seguinte.

PERSOEIRO

Raíña de Nápoles e Sicilia, filla do Emperador Francisco I e de María Tareixa I de Austria. Casou en 1767 co Rei Fernando I das Dúas Sicilias, sobre quen exerceu unha grande influencia. Coa Revolución Francesa e a execución da súa irmá, a Raíña María Antonieta, púxose á fronte dos reaccionarios e foi responsable dos cruentos acontecementos de Nápoles (1799). Ocupada a cidade por Napoleón I Bonaparte, refuxiouse coa súa familia no Reino de Sicilia, e posteriormente en Austria.

PERSOEIRO

Raíña (1879-1885) e rexente (1885-1902) de España, filla do arquiduque Carlos Fernando de Austria e de Isabel de Austria-Leste-Modena. Foi a segunda esposa do Rei Afonso XII e trala morte deste (1885), foi proclamada rexente. O nacemento de Afonso XIII en 1886, fillo póstumo do rei, puxo fin ás especulacións sucesorias. A rexencia caracterizouse pola aplicación do Pacto de El Pardo, e no goberno favoreceu o seu amigo persoal Práxedes M. Sagasta, polo que facilitou ao Partido Liberal a aplicación das reformas políticas máis importantes da Restauración.

PERSOEIRO

Raíña de Hungría (1522-1526), filla de Filipe I o Fermoso e Xoana I a Tola. Casou en 1522 con Luís II de Hungría. En 1531 foi nomeada gobernadora dos Países Baixos polo seu irmán, o Emperador Carlos V, e participou nas guerras imperiais contra Francia. En 1555 retirouse a Castela.

PERSOEIRO

Emperatriz romano-xermánica, raíña de Hungría e Bohemia e arquiduquesa de Austria, filla do Emperador Carlos V e de Isabel de Portugal. En 1548 casou en Valladolid co seu curmán Maximiliano II ; de Austria. Ambos os dous recibiron o título de reis de Bohemia e foron gobernadores por ausencia de Filipe II, o seu irmán. Cando este volveu en 1551, pasaron a Alemaña. Xa viúva, volveu a Madrid (1581) e ingresou no convento de Las Descalzas Reales.

PERSOEIRO

Emperatriz romano-xermánica, raíña de Hungría e Bohemia e arquiduquesa de Austria, filla de Filipe III de Castela e de Margarida de Austria. Casou co Emperador Fernando III (1631).

PERSOEIRO

Emperatriz de Francia, filla do Emperador Francisco I. Casou en 1810 con Napoleón I Bonaparte, quen buscaba a consolidación do seu trono ante as monarquías tradicionais. En 1811 tivo un fillo, nomeado rei de Roma e futuro sucesor de Napoleón. Ao caer este, non o seguiu no exilio e volveu á Corte de Austria. Recibiu os ducados de Parma, Piacenza e Guastalla en 1815, e deixou o goberno en mans dos seus cortesáns.

PERSOEIRO

Raíña de Francia, filla de Filipe IV. Casou con Luís XIV de Francia, segundo o estipulado na Paz dos Pireneos.

PERSOEIRO

Raíña (1649-1665) e rexente (1655-1677) de España, filla do Emperador Fernando III. Casou en 1649 co seu tío, Filipe IV. Foi rexente mentres o seu fillo, o futuro Carlos II, non foi maior de idade. Confiou nesta época o poder aos seus favoritos: o xesuíta Nithard e Fernando de Valenzuela y Enciso.

PERSOEIRO

Arquiduque de Austria, rei dos romanos (1486-1493) e emperador romano-xermánico (1493-1519). O matrimonio con María I de Borgoña (1477) aumentou as súas posesións co Franco Condado, Brabante, Hainaut, Luxemburgo, Holanda, Zelanda, Artois, Flandres e Charolais. Como emperador procurou reforzar a súa autoridade e así en 1495 aprobou a creación dunha cámara de xustiza imperial. Máis tarde, intentou a creación dunha administración común aos seus estados patrimoniais e ao imperio, por medio da chancelería áulica (Hofkammer). Polo Tratado de Noyon (1516) incorporou aos seus estados Trieste, Fiume e unha parte de Friüli. Casou o seu fillo Filipe (futuro Filipe I) con Xoana (futura Xoana I), filla dos Reis Católicos.

PERSOEIRO

Rei de Bohemia (1562) e de Hungría (1563) e emperador de Alemaña (1564-1576), fillo de Fernando I e de Anna Jagellon. Participou xunto co Emperador Carlos V nas campañas contra Francia (1544) e os protestantes (1547). Foi elixido rei dos romanos en Frankfurt (1562).

PERSOEIRO

Arquiduque de Austria, fillo único do Emperador Francisco Xosé I de Austria e de Isabel de Baviera. Casou con Estevaíña de Bélxica (1881). Foi atopado xunto coa súa amante, a baronesa María Vetzera, morto a tiros no pavillón de caza de Mayerling.

PERSOEIRO

Rei de Alemaña e do Sacro Imperio Romano Xermánico (1273-1291), duque de Austria, Carintia, Estiria e Carniola (1276-1282). Ao suceder ao seu pai, o conde Alberte IV, foi conde de Habsburgo e landgrave de Alta Alsacia (Rodolfo IV, 1239?-1291). A súa elección como rei puxo fin ao interregno (1250-1273). Enfrontouse ao Rei Otakar II de Bohemia, que polo Tratado de Viena (1276) viuse obrigado a cederlle Austria, Carintia, Estiria, Carniola e Istria, que repartiu entre os seus fillos.

PERSOEIRO

Rei franco de Neustria e Borgoña (673 e 675-691) e de Austrasia (679-691), irmán e sucesor de Clotario III. Durante moitos anos foi pupilo do mestre de palacio Ebroín, quen o impuxo como rei de Neustria á morte do seu irmán. Deseguido foi deposto pola nobreza. Morto Khilderico II de Austrasia en 657, volveu ser nomeado rei, pero Ebroín derrotouno e opúxolle ao seu fillo Clodoveo III. Chegaron a un entendemento e Ebroín protexeuno de novo e impúxoo en Austrasia.