"Sus" (Contén)

GALICIA

Mestre. Publicou o libro Bibliotecas escolares. Importancia de esas Bibliotecas, su organización y funcionamiento. Medios de fomentarlas. Libros más adecuados para ellas (1936).

GALICIA

Artista plástico, fillo de Ventura Caulonga. Estudiou belas artes na Escola de Artes e Oficios de Santiago de Compostela, baixo a dirección de Asorey; coñeceu a escola de pintura de Tito Vázquez e completou a súa formación con Roberto González del Blanco. Dende 1956 residiu en Madrid onde asistiu ás clases do Círculo de Bellas Artes. Traballou no taller do gravador Dimitri Papageorgius. Cultivou o debuxo, o gravado e a escultura e, sobre todo, a pintura ao óleo. Interesado polos primitivos renacentistas, a pintura flamenga e as últimas vangardas, buscou a plasmación da realidade e dos soños do home. Realizou traballos de restauración na catedral de Friburgo e as escenas dos baixorrelevos que decoran os bancos da Plaza Mayor de Madrid. As súas creacións están en diversos museos galegos, nacionais e internacionais.

GALICIA

Pintor e debuxante. Licenciado en Belas Artes, estudiou na Académia de Belles Arts de San Carles de València. Foi profesor na Escola de Artes e Oficios Mestre Mateo de Santiago de Compostela e subdirector xeral de Promoción e Difusión Cultural da consellería de Educación e Cultura. A súa pintura caracterízase polo xeometrismo e o colorido das composicións. Recibiu a Medalla de Prata da cátedra de Historia da Arte no seu cincuenta aniversario e unha mención na Trienal de Santiago de Compostela. Realizou exposicións individuais e participou en diversas mostras colectivas.

ENTRADA LARGA

Orde relixiosa masculina fundada en 1534 polo fidalgo guipuscoano Iñigo López de Loiola (santo Ignacio de Loiola). Recibiu a aprobación pontificia en 1540, data que se adoita tomar como a da súa constitución oficial.
Singularidades e organización interna

Carisma e espiritualidade
Un dos principais trazos que diferenza o carisma xesuítico das demais congregacións cristiás é a exhaustiva preparación intelectual e profesional á que se someten os seus membros para desenvolver o seu labor apostólico: os xesuítas, á parte da formación relixiosa, están obrigados a seguir outros estudios con aplicación civil (aínda que non exclúen a posibilidade de profundar naquelas materias), pois unha das súas principais obras, dende a súa orixe, é o ensino, tanto no nivel elemental coma no superior. Tamén é peculiar dos xesuítas o voto de obediencia ao papa que fan ao ingresar na orde. A base da espiritualidade ignaciana é a oración persoal, segundo o modelo...

GALICIA

Debuxante e escritor. Estudiou debuxo na Escola de Artes e Oficios de Vigo e foi socio fundador da Sociedad Amigos del Arte de Vigo. Colaborador da radio e da prensa galega (El Pueblo Gallego e Faro de Vigo) e hispanoamericana (Galicia e Hispano-brasileira), escribiu e ilustrou Unha lenda de San Amaro (1930), Cousas novas (1960) e Cando Colás foi á lúa (1969).

PERSOEIRO

Avogado e político. Licenciado en Dereito, foi concelleiro en Santiago de Compostela e director xeral de Consumo. Deputado no Parlamento de Galicia polo Partido Popular dende 1987 ata 1996, cando causou baixa na IV lexislatura, e na V lexislatura de 1997 ao 2000, en que causou baixa de novo.

PERSOEIRO

Avogado e historiador, conde de Cora y Lira. Estudiou bacharelato en Ferrol e licenciouse en Dereito na Universidad Central de Madrid. Amais de dirixir o xornal La Voz de la Verdad foi delegado nacional do Partido Tradicionalista, fundou o Sindicato Católico de Obreros e foi xuíz municipal de Madrid. Exerceu como secretario da asesoría xeral do ministerio de Mariña, fiscal da Escuadra, auditor do departamento de Ferrol e da xurisdición central, e conselleiro togado do Consejo Supremo de Justicia Militar.

GALICIA

Libreiro e editor. Logo de traballar como comercial, comezou co negocio dos libros en 1969, ano no que fundo a Libraria Couceiro. A mediados dos anos setenta, apostou polo libro galego e portugués, e no ano 1982 introduciuse no mercado do libro antigo. En 2001 forman a empresa dúas librerías en Santiago de Compostela, unha delas dedicada ao libro antigo, e outra na Coruña. Como libreiro, promoveu dende 1979 o boletín Bendado, unha publicación bibliográfica do libro galego e portugués. Así mesmo, organizou varias exposicións sobre libros galegos en Portugal (Porto, Lisboa, Aveiro, Braga e Viana) e Suíza (Xenebra e Laussane). Tamén realizou algunhas actividades no mundo editorial, tanto en Edicións do Cerne, da que foi editor, como en Laiovento, da que foi socio-fundador; ademais, participou na fundación de EDIGAL, a primeira compañía discográfica galega, que logo pasou a denominarse Clave Records. Foi presidente da Federación Galega de Libreiros e vicepresidente da Confederación...

GALICIA

Ilustrador. Empezou a súa traxectoria profesional aos 24 anos como debuxante publicitario, despois de ser mariño mercante e fotógrafo profesional. De formación autodidacta, especializouse na ilustración infantil e xuvenil. Ilustrou, entre outros libros: O mago e a folla (2000), de Toño Núñez; Lobo, lobo (2000), de Xoán Babarro; No corazón da fraga (2001), de Francisco Fernández Naval e Suso Cubeiro; e Historia dunha sobreira (2001), de Ramón Caride; ademais de libros de texto. Así mesmo, realizou as ilustracións dos paneis do Centro de Interpretación de Chelo e para os fondos da longametraxe O Bosque Animado (2001), ademais de diferentes traballos relacionados co medio ambiente.