"Uri" (Contén)

PUBLICACIÓNS

Publicación bilingüe aparecida no ano 1985 en San Cibrao (Lugo), subtitulada “Asociación cultural Anduriña San Ciprián”. Contiña artigos sobre historia, deportes, humor, concursos e unha dedicada a “Nuevos Poetas”. Tiña funcións divulgativas.

PUBLICACIÓNS

Publicación oficial do Centro Galego de Lausanne (Suíza), que se ocupa de temas da emigración galega, asuntos do propio Centro e novas de Galicia.

MONTES

Monte da parroquia de Camba, no concello de Vilariño de Conso, á beira do encoro das Portas. Ten 971 m de altitude.

MONTES

Monte da parroquia dos Vilares, no concello de Guitiriz, de 578 m de altitude.

1. Bolsa formada pola dilatación das paredes dunha arteria nun punto delimitado e en comunicación coa luz do vaso. A miúdo causa hemorraxias, embolias e lesións dos órganos circundantes. Pode ser conxénita ou conseguinte a unha acción patolóxica posterior ao nacemento. O aneurisma desecante, localizado moi frecuentemente na aorta, prodúcese pola infiltración de sangue entre as paredes da arteria; o aneurisma arteriovenoso relaciónase cun saco aneurismático que comunica unha arteria cunha vea; e o aneurisma micótico é o producido por un axente infeccioso.

2. Dilatación dunha parte dun ventrículo do corazón semellante a un aneurisma, causada por un infarto de miocardio.

3. Enfermidade ocasionada por nematodos que parasitan na capa muscular das arterias de diversos mamíferos (cabalos, tenreiros, etc), especialmente dos individuos novos.

1. Recurso estilístico de orixe grega que consiste na imitación paródica ou burlesca dun texto literario.

2. Composición curta de carácter paródico que utiliza as rimas orixinais dun poema célebre na construción doutro de sentido diferente, no que a parodia se deriva da descontextualización desas rimas.

1. Mamífero da familia dos anomalúridos.

2. Familia de mamíferos da orde dos rilladores integrada por individuos duns 60 cm de lonxitude, de corpo alongado e coa cabeza parecida á dun esquío, coas extremidades longas e de cores diversas, en xeral vermellas. Teñen unhas patas que lles permiten saltar e planear entre as árbores, e unha serie de escamas córneas, baixo o rabo, que cravan no tronco das árbores para axudarse a subir. Son fruxívoros. Todas as especies son africanas.

PERSOEIRO

Foi un dos santos galegos da Rivoira Sacrata, no val do Sil. Bispo de Ourense, a tradición atribúelle milagres e o don da profecía. De familia nobre, doou a san Rosende, abade de Celanova, a igrexa de Santa María de Bonata. Nos últimos anos de vida, retirouse ao mosteiro de Santo Estevo de Ribas do Sil. A súa festa celébrase o 26 xaneiro.

1. Que prevén ou combate a inflamación dun nervio.

2. Nome xenérico dos axentes que combaten a neurite.

1. Que prevén ou combate o proído.

2. Nome xenérico dos fármacos antiprurixinosos; os máis comúns son os antihistamínicos, antiserotonínicos e algúns cortisónicos, anestésicos e astrinxentes cutáneos locais.