"Alle" (Contén)

PERSOEIRO

Pianista. Discípula de Frank Marshall, a partir de 1940 iniciou unha brillante carreira como concertista internacional. En 1956 fundou un dúo co violoncelista Gaspar Cassadó, e dirixiu a Academia Marshall desde 1959. Recibiu numerosas distincións, das que destacan os Premios Nacionais de Música da Generalitat (1985 e 1991), o premio Grammy para o rexistro dos Cuadernos de Iberia de Albéniz (1989) e o Premio Príncipe de Asturias das Bellas Artes (1994).

PERSOEIRO

Político alemán. Discípulo de K. Marx, foi o principal voceiro do socialismo alemán desde 1848. Despois dunha crise ideolóxica pola falta de eco do alzamento de Garibaldi, enfocou a súa actividade propagandística exclusivamente cara aos traballadores e defendeu o establecemento de organizacións políticas obreiras para loitar polo sufraxio universal. En 1863 fundou a Asociación Xeral de Traballadores Alemáns e foi o seu presidente, pero desanimado pola crecente oposición á súa visión da democracia, trasladouse a Suíza. Foi rehabilitado polo Partido Socialdemócrata, que defendeu a vía democrática e parlamentaria.

DEPARTAMENTOS

Departamento de Uruguay (10.016 km2; 61.085 h [1996). A capital é Minas (37.146 h [1996]).

GALICIA

Eclesiástico francés. Foi bispo de Nancy (1863), arcebispo de Alxer (1867), cardeal (1882) e primado de África (1884). Para gañar a amizade do pobo musulmán fundou os Pais Brancos (1868) e os Irmáns Misioneiros da Nai de Deus de África (1869).

PUBLICACIÓNS

Publicación editada en Pontevedra a partir do 10 de xaneiro de 1895. Cesou a súa edición no mesmo ano. Subtitulouse “Diario tradicionalista de Pontevedra. Órgano del Partido Carlista de la Provincia” e imprimiuse nos obradoiros tipográficos de Xosé Eiras García. En 1947 apareceu outra publicación co mesmo título de periodicidade bimestral, que manifestaba a mesma liña ideolóxica.

MUNICIPIOS

Municipio da provincia de Barcelona, Catalunya, situado no Vallès Oriental, no fondo da depresión Prelitoral (7.238 h [2001]). Na agricultura destacan os cultivos de trigo, alfalfa, orxo e patacas. Posúe gandería bovina e granxas avícolas e de coellos. Na industria, o sector téxtil moi mportante na década de 1970, está sendo substituído polo dos plásticos.

PERSOEIRO

Avogado e político. Fundou e dirixiu L’Opinió (1928-1929), en que definiu o republicanismo catalanista de esquerda. Membro do Parlament de Catalunya e conselleiro de Fomento, encabezou o goberno da Generalitat como primeiro conselleiro (1932-1933). Formou parte do goberno de concentración formado por Companys en 1934 e foi ministro de Traballo, Sanidade e Previsión nos gobernos de Casares Quiroga e Giral (1936).

PERSOEIRO

Político, fillo de Luís López Ballesteros. Militou inicialmente no Partido Moderado, en 1840 pasou ao Partido Monárquico-Constitucional e posteriormente ingresou na Unión Liberal de O’Donnell en 1858. Deputado por Galicia en 17 lexislaturas (1837-1873), foi director xeral de Arbitrios e Amortización, de Rendas Estancadas e de Contribucións Directas. Foi conselleiro do Estado (1857) e ministro de Ultramar (1864).

PERSOEIRO

Político. Líder da sublevación contra os franceses, foi nomeado vogal da Xunta de Subsidios, Armamento e Defensa da provincia de Santiago. Procurador síndico do concello de Vilagarcía (1813), foi representante do municipio fronte ao goberno ao ano seguinte. Oficial no Ministerio de Finanzas desde 1815, ascendeu a director xeral de rendas e vogal do consello superior de Facenda. Como secretario de Facenda (1823-1832) tentou dar solución ao problema fiscal e ao da débeda cunha certa modernización pero sen socavar as bases do sistema fiscal existente. Creou a Caja de Amortizaciones, fundou o Banco Español de San Fernando e a Inspección Fiscal de Aduanas. Designado senador pola Coruña desde 1844 e posteriormente vitalicio por Navarra, foi vicepresidente do Consello de Ultramar desde 1851. Foi membro da Real Academia de la Historia.

PERSOEIRO

Relixioso e escritor. Da súa produción destacan Juliano el Apóstata (1907), Galicia. Su raza y su genio (1918) e Filosofía de la ilusión (1920).

PERSOEIRO

Maxistrado e político. Foi membro da Audiencia de Cáceres (1833) e deputado por Pontevedra e Tui (1837-1852). Membro do Partido Moderado, foi senador vitalicio e membro do Tribunal Supremo desde 1857. Recibiu a Gran Cruz de Isabel la Católica.

PERSOEIRO

Realizador cinematográfico francés. Cultivou diversos xéneros, desde a comedia á reportaxe, onde mostrou un profundo sentido crítico. Da súa produción destacan Ascenseur pour l‘échafaud (1957), Pretty Baby (1978), Au revoir les enfants (1987), Milou en Mai (1989), Damage (1992) e Vanya on 42nd Street (1994).

PERSOEIRO

Escritor arxentino. A súa obra caracterizouse pola denuncia, cun estilo evasivo e indirecto. Iniciou a súa produción coa escolma de relatos Cuentos para una inglesa desesperada (1926), e seguiu coa novela Nocturno europeo (1934). Destacan tamén Historia de una pasión argentina (1935), Fiesta en noviembre (1938) e La bahía del silencio (1940), coa que inaugurou a novela cidadá na literatura hispanoamericana.