"Ava" (Contén)

PERSOEIRO

Político. Foi alcalde maior de Ferrol (1835), xuíz en Madrid (1836) e maxistrado en Zaragoza (1837). Foi deputado a Cortes por Ontinyent (València), ministro de Gracia e Xustiza (1843-1846) e presidente do Congreso (1848-1851). Nomeado ministro de Estado en 1854, retirouse da política durante o Bienio Progresista (1854-1856), ata que volveu ser ministro de Gracia e Xustiza (1864).

MONTES

Monte situado na parroquia de Carballido (Lugo). O seu cumio acada os 534 m de altitude.

MUNICIPIOS

Municipio da provincia de Ciudad Real, Castela-A Mancha, situado no Campo de Calatrava e regado polo río Jabalón (5.225 h [2001]). A economía baséase na agricultura, na gandaría e nas industrias derivadas.

RIOS

Río de Moravia, República Checa, afluente do Danubio pola esquerda (378 km). Nace na vertente S do macizo de Śnežnik, no Sudety, preto da fronteira polaca, e baña a ampla depresión de Moravia. Recibe o afluente principal, o Dyje, e desemboca no Danubio pouco antes de Bratislava.

RIOS

Río de Serbia, Serbia e Montenegro, afluente do Danubio pola dereita (616 km). Fórmase pola unión do Morava do Sur (de máis de 300 km) e do Morava do Oeste (de case 300 km), que se unen en Stalać. Uns 245 km despois da súa unión conflúe no Danubio, augas abaixo de Smederevo.

MONTES

Monte situado no extremo SO da parroquia de Casoio (Carballeda de Valdeorras). O seu cumio acada os 1.633 m de altitude.

PERSOEIRO

Pintor. Influído polo neoexpresionismo, traballou co pintor Luis Rodríguez Gordillo nos Talleres de Arte Actual de Madrid. Seguidor do neohumanismo, ao que engadiu o horror vacui e o linealismo clasicista, amosou interese polas formas abstractas. Nas súas obras creou espazos propios para a narración pictórica e pintou mundos de ensoñación con figuras inconcretas inmersas en espazos infinitos. Destacan Máquinas (1983), Tempos de pintura (1985), Nocturno cidade (1990), Bazar (1991) e Sol entre árbores (1990-1994).

MUNICIPIOS

Municipio de Asturias, situado ao L de Oviedo e regado polo río Piloña (5.406 h [2001]). É un termo dedicado principalmente á agricultura de regadío e á gandaría con industrias derivadas.

MUNICIPIOS

Municipio da provincia de Segovia, Castela e León, situado entre os ríos Eresma e Voltoya (2.624 h [2001]). A súa economía céntrase na agricultura e na gandaría. Posúe industrias alimentarias e de materiais para a construción.

MUNICIPIOS

Municipio situado na provincia de Valladolid, Castela e León, regado polo río Trabancos, afluente do Duero (2.163 h [2001]). É cabeza de comarca e os seus recursos económicos proveñen da agricultura, a gandaría e as industrias derivadas.

PERSOEIRO

Militar e poeta, segundo conde de Noroña (1792). Durante a guerra contra a Revolución Francesa ascendeu a comandante (1792) e coronel (1793). Foi segundo comandante do exército e Reino de Galicia e, como tenente xeneral, mandou unha división durante a Guerra da Independencia (1808-1814) e defendeu Pontesampaio fronte ao xeneral M. Ney. Apoiou a postura do marqués de La Romana á fronte da Xunta Suprema de Galicia. Escribiu Poesías (1799) e Poesías asiáticas (1882).

MUNICIPIOS

Municipio da provincia de Cáceres, Extremadura, situado en Las Hurdes e regado polo río Jerte (2.170 h [2001]). A súa economía céntrase na agricultura e nas industrias que se derivan dela.

PERSOEIRO

Político e escritor. Coñecido como Naugerius, foi cronista oficial da República de Venecia (1516), e foi enviado por esta como embaixador ante o Emperador Carlos V (1525-1526) e posteriormente ante Francisco I de Francia (1528). Escribiu as súas impresións da viaxe en Viaggio fatto in Spagna ed in Francia (1563).

MUNICIPIOS

Municipio da provincia de Toledo, Castela-A Mancha, situado nos montes de Toledo, preto do encoro de El Torcón (4.015 h [2001]). É un termo rico en bosques e cultivos extensivos de cereais, oliveiras e legumes. A gandaría, de la e porcino, e a elaboración de aceite complementan a súa economía.

1. Relativo ou pertencente ao pobo navajo.

2. Individuo do pobo navajo.

3. Pobo indíxena de América do Norte, un dos máis numerosos e dinámicos, que viven en grandes reservas nos estados de Novo México e Arizona. Son agricultores sedentarios e gandeiros, e entre eles as mulleres tiñan unha gran consideración social.

4. Lingua do phylum na-dené da familia atapascana que se fala sobre todo nos estados de Arizona e Novo México. É a lingua indíxena con máis vitalidade en EE UU e conta con dicionarios e gramáticas.