"RM" (Contén)

PUBLICACIÓNS

Publicación aparecida en maio de 1969 na Coruña. Redactado en castelán e de tendencia fascista, contou coa colaboración de Mario Velo, Luis Mariño Lafuente, Santos Sánchez e Marín Paniagua. No sumario atopáronse títulos como “Editorial”, “Universidad y nacionalsindicalismo”, “Guardia de Franco: noticias y actividades”, “Aquí la vieja guardia”, “Franco o el acierto político” ou “Ayuntamiento de La Coruña”.

PUBLICACIÓNS

Publicación de periodicidade irregular aparecida na Coruña na década dos anos oitenta; concretamente, consérvanse exemplares de 1984. Continuou a editarse ata o número especial dedicado ao primeiro de maio, no ano 1986. Cómpre salientar o labor dos tres presidentes que fixeron posible a existencia e continuación deste boletín: Pablo Uriel Díaz, o maxistrado Claudio Movilla Álvarez e o avogado coruñés Guillermo Díaz Gómez. Só ocupaba unha folla que non acostumaba levar cabeceira. Esta publicación estivo profundamente vinculada ao Ateneo da Coruña, asociación que naceu en febreiro de 1977 co apoio de persoas que pertencían a distintos sectores sociais. Tendo en conta o gran número de actividades que levaban a cabo crearon comisións de cine, fotografía, política, muller, música, deseño, lingua, etc. Colaborou xente como Pablo Castellanos, Fernando Morán, Francisco Fernández Ordóñez, Juán Luis Cebrián, Javier Solana, Camilo Nogueira, Rafael Dieste, Xosé Luís Aranguren, Cristina Alberdi, Celso...

PUBLICACIÓNS

Publicación aparecida arredor de 1960 en Pontevedra, dirixida por Álvaro Peleteiro e que contaba coas colaboracións de José Casal, Ernesto Baltar, Nemesio Barxa e Domingo Estarque, entre outros. Incluía as seccións “Editorial”, “Resoluciones judiciales”, “Reportaje”, “Vida corporativa” e “Biblioteca”, amais de diversos artigos relacionados co mundo do Dereito en Galicia; entre eles, “Conclusións do I Congreso de Dereito galego” (nº 27-1973) e “O esprito comunitario do galego ao traveso das súas institucións xurídicas” (nº 28-1973).

PUBLICACIÓNS

Publicación de carácter corporativo e profesional que se editou en Ourense a partir de 1964.

PUBLICACIÓNS

Publicación de carácter técnico aparecida na Coruña despois de 1975. De periodicidade bimensual, chegaba a todos os asociados da provincia.

PUBLICACIÓNS

Publicación nada probablemente en 1957 na Coruña. Editada en castelán, tiña como subtitulo “Federación Gallega de Fútbol”. Tiña periodicidade irregular. Entre os seus contidos pódense sinalar: datos técnicos sobre regras do xogo, clasificacións, artigos e comentarios sobre fútbol xuvenil e rexional. Inclúe fotografías e publicidade.

PUBLICACIÓNS

Publicación aparecida probablemente no ano 1958 na Coruña. De periodicidade irregular, editábase en castelán. Constaba das seccións tituladas “Vida Profesional”, “Noticiario Escolar”, “Sección Legislativa” e outras. Desenvolve información referida a certificados de estudios primarios, calendario do curso escolar, entre outros temas.

PUBLICACIÓNS

Publicación gratuíta en galego de carácter mensual, aparecida en febreiro de 1992 en Vigo por iniciativa da Concellería de Xuventude dirixida por Soledad Fernández. O boletín ofrece un abano moi amplo de información dirixida especialmente aos rapaces. Nel inclúense as seccións: “Presentación”, “Casa da Xuventude”, onde se expoñen todos os servicios dos que dispón a Casa da Xuventude de Vigo, “Cursos e Xornadas”, “Oposicións, traballo e outras ofertas”, “Becas e Bolsas”, “Premios e Concursos”, “Actividades e oferta cultural. Enderezos útiles” e “Avisos”.  

PUBLICACIÓNS

Publicación aparecida na Guarda no ano 1979. Estaba editado pola sociedade Pro-Monte de Santa Tegra. Creouse cunha finalidade turística, polo que serviu para promocionar e conservar as tradicións vinculadas ao monte Santa Tecla, ao tempo que fomentaba as solemnidades relixiosas no Santuario, a repoboación forestal ou a construción dun camiño de acceso ao cume.

PUBLICACIÓNS

Publicación de tendencia nacionalista aparecida na década dos anos vinte, editada cada mes. Colaboraron nela varios intelectuais galegos, entre eles, Vicente Risco.

PUBLICACIÓNS

Publicación que xurdiu en Ourense, en abril de 1922. Na portada do primeiro número “O conselleiro supremo”, Vicente Risco expuña as bases da organización nacionalista, tamén mencionaba as entidades que prestaron a súa ratificación a todos os acordos da IV Asambreia Nazonalista: a Irmandade da Fala do Ferrol, Mocedade Galeguista d’Ourense, Irmandade Céltiga de Madrid, Grupo Nazonalista de Bayona, Irmandade da Fala de Santiago e Mocedade Galeguista de Vigo. Todas estas entidades constituíronse en delegacións da Irmandade Nazonalista galega.

PUBLICACIÓNS

Publicación que xurdiu no ano 1924 na Coruña. Todos os membros do corpo colaboraron con este boletín que os informaba sobre as actividades dos milicianos de todos os distritos galegos. Tamén incluía noticias de falecementos, ascensos, etc. Nas últimas follas presentaba unha sección de anuncios. Co tempo cambiou a portada que antes tiña o escudo do corpo, incluíndo fotos e variando a distribución interior. Así, no ano 1928 insería unha “Sección oficial”, “Sección de servicios”, “Actos realizados” e unha “Sección varia”. Na década de 1930 pasou a ter só unha “Sección oficial” e diminuíu o número das follas, producíndose un decaemento da publicación.

PUBLICACIÓNS

Publicación en galego aparecida en Santiago en 1994 editada pola Consellería de Familia, Muller e Xuventude. Inclúe as seguintes seccións: “Actividades”, “Bolsas e axudas”, “Cursos”, “Fomento do emprego”, “Formación ocupacional”, “Ofertas de emprego”, “Premios”, “Tive” e “Última Hora”.

PERSOEIRO

Matemático e cosmólogo. É un dos autores da teoría do estado estacionario ou steady-state do Universo, que parte do “principio cosmolóxico perfecto” segundo o que o universo presenta estatisticamente o mesmo aspecto independentemente do lugar e do instante da observación.

PERSOEIRO

Arquitecto. Fillo de Lluis Bonet i Garí. Titulado en Barcelona (1949), actualizou as teorías de Antonio Gaudí nalgunhas das súas obras: igrexas de Vinyoles d’Orís, Osona (1955) e Sant Medir, Barcelona (1960). Realizou o edificio Ascondel e a escola Sant Gregori en Barcelona. Foi membro do equipo Ars Sacra (1962). Exerceu como director xeral do Patrimonio Artístico da Generalitat de Catalunya (1981-1984).