Boletín Informativo Xuvenil

Publicación gratuíta en galego de carácter mensual, aparecida en febreiro de 1992 en Vigo por iniciativa da Concellería de Xuventude dirixida por Soledad Fernández. O boletín ofrece un abano moi amplo de información dirixida especialmente aos rapaces. Nel inclúense as seccións: “Presentación”, “Casa da Xuventude”, onde se expoñen todos os servicios dos que dispón a Casa da Xuventude de Vigo, “Cursos e Xornadas”, “Oposicións, traballo e outras ofertas”, “Becas e Bolsas”, “Premios e Concursos”, “Actividades e oferta cultural. Enderezos útiles” e “Avisos”.