"AGR" (Contén)

PUNTA

Punta do litoral atlántico, situada na península do Barbanza entre a do Castro e a praia Caaveiro, na parroquia de Noal (Porto do Son).

MONTES

Monte situado entre a parroquia de Santo André de Logares (A Fonsagrada) e Asturias. O seu cumio acada os 828 m de altitude.

1. Que está relacionado coa divindade, coa relixión e cos seus misterios. Concepto fundamental no estudo das relixións que se contrapón a profano. Emile Durkheim (1897), seguindo a R. Smith (1894), foi o primeiro que definiu a oposición sagrado-profano: o sagrado é o separado, o prohibido, e o culto mantén a barreira entre o sagrado e o profano, que son incompatibles e antagónicos. O mundo do sagrado é o ámbito dos tabús, o mundo dos imperativos categóricos negativos. E. Durkheim e M. Mauss identificárono totalmente co social, o profano era o ámbito do individual non sancionado polo grupo. N. Söderblom (1913) puxo de relevo que o sagrado era a noción máis importante da relixión, ata incluso máis esencial ca a idea de Deus. Rudolf Otto en Das Heilige (1917) situouse nesta mesma liña e puxo toda a énfase no sagrado como fascinosum e tremendum, é dicir, asemade como atraente e repulsivo.

2. Que é merecedor de ser tratado con respecto e veneración.

3. Que é obxecto de reverencia relixiosa.

4. Que ten a condición de inviolable.

5. Lugar bendito, sobre todo o adro da igrexa ou o cemiterio.

6. Biblia.

1. Lugar onde se pon e garda o Santísimo. Nos primeiros tempos do cristianismo, sen regras fixas para a restrición eucarística, era situado debaixo da mesa do altar, no muro da ábsida ou na sancristía.

2. Sala anexa aos templos da antiga Roma, onde eran gardados os obxectos e paramentos de culto.

ILLAS

Conxunto de illas do Océano Atlántico situadas fronte á punta Falcoeiro, na parroquia de Aguiño (Ribeira), pertencentes ao arquipélago de Sálvora.

CABOS

Cabo do extremo suroriental da Península Ibérica, en Algarve, Portugal, situado ao SO de cabo de São Vicente.

MONTES

Monte situado no SL da parroquia de Andreade (Paradela). O seu cumio acada os 500 m de altitude.

MONTES

Monte situado na parroquia de Noceda (O Incio). O seu cumio acada os 574 m de altitude.

PARROQUIA

Parroquia do concello de Melide baixo a advocación de Santalla.

MONTES

Monte situado no SO da parroquia de Padornelo (Pedrafita do Cebreiro). O seu cumio acada os 1.334 m de altitude.

PERSOEIRO

Político e escritor. Coñecido nas fontes árabes por Abū Ibrāhīm al-Šay ẖ . Residiu en Málaga (1013-1020), onde foi secretario do visir ibn al-Arīf e a cuxa morte exerceu o mesmo cargo na taifa zírida de Granada. Foi (1027) xefe das alxamas xudías da taifa, visir e xefe do exército. Publicou un diván con 1742 poemas en hebreo, tres escolmas de poesía relixiosa, diversas obras talmúdicas e varias gramáticas.

PERSOEIRO

Preboste galorromano. Gobernador da Galia romana (464-486), intentou conciliar a bárbaros e romanos. Foi vencido e morto por Clodoveo I.

1. Arbusto perennifolio, de 1 a 3 m de altura, con follas compostas, imparipinnadas, con folíolos ovais ou lanceolados e dentados. As flores son pequenas, numerosas e de cor branca, dispostas en tirsos e froito en drupa de cor parda vermella. Florece entre a primavera e o verán e os froitos maduran a finais do verán ou principios de outono. A casca e as follas, ricas en taninos, empréganse en curtidos.

2. Arbusto, de ata 8 m de altura, con follas caducas, imparipinnadas con folíolos oblongo-lanceolados e dentados. As flores son unisexuais, pequenas, dispostas en espigas e froito en drupa de cor vermella. É orixinario de EE UU e pódese atopar como ornamental en parques e xardíns e asilvestrada en diversas zonas do N da Península Ibérica.

3. Arbusto caducifolio, de 1 a 3 m de altura, con pólas gabeadoras ou rastreiras, follas trifoliadas, flores verdosas, dispostas en acios axilares e froitos en drupa de cor amarela. É orixinario de América do Norte.