"Az" (Contén)

PERSOEIRO

Escritor ruso. Redactor do Krest´janskaja Gazet (1923-1929), destacou como autor de contos e novelas inspiradas en lendas do Ural como Malakhitovaja škatulka (O estoxo de malaquita, 1939).

MUNICIPIOS

Municipio do N da Comunidad Foral de Navarra (7.806 h [1996]), no límite co Iparralde (País Vasco Francés). A economía está baseada principalmente na gandería e na agricultura. A capital do municipio, Elizondo, é tamén o centro económico do val de Baztan. Posúe numerosas mostras de arquitectura civil do s XVI.

MUNICIPIOS

Municipio da provincia de Córdoba, Andalucía, situado no extremo NO da provincia, drenado polos ríos Zújar e Guadamatilla (3.943 h [1996]). A base da súa economía é agrícola (hortalizas, cereais, legumes, vides e olivos) e gandeira (lanar). Hai tamén minería de carbón e canteiras de granito e de lousa. Entre o seu patrimonio monumental destaca o convento de Santa Clara (s XI).

MUNICIPIOS

Municipio da provincia de Sevilla, Andalucía, drenado polo Guadimar (4.936 h [1996]). A súa economía é eminentemente agropecuaria, baseada nos cultivos mediterráneos (cereais, vides, legumes, froitas e oliveiras). As actividades industriais redúcense á transformación dos produtos do agro. A vila atópase na liña de ferrocarril de Sevilla a Huelva.

PERSOEIRO

Conquistador do Reino de Quito e do sur de Nueva Granada. Foi chamado tamén Belalcázar. Chegou ás Indias seguramente cara ao 1507, como partícipe das expedicións de Panamá e Nicaragua. En Perú estivo presente na batalla de Cajamarca, no ano 1532. Gobernador de Piura, conquistou, explorou e colonizou os quitos, os vales do Cauca e do Patía, e fundou moitas cidades como Santiago de Guayaquil (1535), Quito (1536), Popayán e Cali. En 1540 foi nomeado gobernador do Popayán, cargo que perdeu acusado de crueldades cos indios.

PERSOEIRO

Realizador cinematográfico francés. É un dos pioneiros do cine erótico en Francia. Dirixiu, entre outras películas, Le cri de la chair (O berro da carne, 1962), Cover girls (Modelos, 1965), Le sexe nu (O sexo espido, 1974), Nicole Pardessus, par-dessous (Nicole Pardesus, por debaixo, 1979) e Sexologues en chaleur (Sexólogos acalorados, 1984).

PERSOEIRO

Compositor. Foi mestre de capela en Santa María Maior e no Vaticano. Escribiu misas, motetes e salmos cunha polifonía moi recargada de voces. A súa obra Misa a 48 voces reais divididas en 12 coros (1650) está considerada como única no seu xénero e de extraordinaria dificultade.

PARROQUIA

Parroquia do concello do Corgo baixo a advocación de san Pedro.

GALICIA

Biólogo. Foi membro fundador do Grupo Ornitolóxico Galego, do Grupo Ibérico de Aves Marinas, da Sociedade Galega de Ornitoloxía, vicepresidente da Sociedade Galega de Historia Natural e vogal da Sociedad Española de Ornitología. Coordinou os censos de aves acuáticas en Galicia dende 1979 a 1987. Foi delegado do grupo de traballo de aves mariñas atlánticas no International Council for Bird Preservation dende 1980 a 1985. Especialista en técnicas audiovisuais, desempeña a súa actividade profesional no Servicio de Medios Audiovisuais da Universidade de Santiago de Compostela. Dende 1974 publicou máis de trinta artigos, tanto en publicacións de ámbito nacional como internacional, dedicados ás aves mariñas e en especial, ás gaivotas e araos.

PERSOEIRO

Biólogo. Catedrático de Ciencias Naturais do Instituto Nacional Masculino de Ensino Medio de Lugo (1943) e catedrático de Zooloxía de Vertebrados da Facultade de Ciencias de Madrid (1956). Realizou diversas estadías nas universidades de Porto, Coimbra e Lisboa por mor da preparación da súa tese de doutoramento sobre o xénero Armeria, que defendeu en 1950 e na que describe o endemismo galego Armeria merinoi. Cofundou en 1954 a Sociedad Española de Ornitología, da que foi secretario e editor na revista da asociación Ardeola ata 1972. En 1948 publicou no Boletín de la Real Sociedad de Historia Natural dous artigos sobre as aves das illas Sisargas onde pon por primeira vez de manifesto a valía ornitolóxica do arquipélago e onde describe a forma ibérica de arao como Uria aalge ibericus, de validez taxonómica discutida. En numerosos artigos e notas deixou constancia das súas observacións ornitolóxicas en Galicia.