"SS" (Contén)

CAPITAIS

Capital da provincia homónima, situada na costa atlántica de Marrocos (42.035 h [1982]). Importante centro comercial e turístico. Fundada polos fenicios no s VII a C, foi coñecida ata o s XVI co nome árabe de Al-Mogdūl. En 1506 os portugueses construíron alí a primeira fortificación portuguesa no N de África e en 1765 reconstruíuna o monarca alauita Sidi Mohammed Ben Abdellah segundo os deseños do arquitecto francés T. Cornut. Do seu patrimonio cultural destacan o porto de Mogador, a antiga cidadela, o barrio de Qasbah e a medina (ss XIX-XX).

CIDADES

Cidade do land de Renania do Norte-Westfalia, Alemaña, na marxe dereita do Rin (599.515 h [2000]). É un importante nó ferroviario e núcleo industrial. Destaca a fabricación de maquinaria, vidro, materiais de construción e a produción de ferro e aceiro. Tamén é un centro comercial que se beneficia dunha boa rede de comunicacións. Cruzamento de camiños, foi desde a Idade Media ata mediados do s XIX un pequeno estado imperial dirixido polos abades do mosteiro beneditino construído na vila no s IX. A cidade desenvolveuse economicamente durante o s XIX, cando se converteu na sede das industrias do aceiro Krupp. Durante a Segunda Guerra Mundial foi practicamente destruída. Do seu patrimonio cultural destaca a catedral románica. O complexo industrial da mina de carbón de Zollverein foi declarado Patrimonio da Humanidade pola UNESCO en 2001.

PERSOEIRO

Militar e político sueco. Axudante de campo do Rei Gustavo III e gobernador de Pomerania (1800), dirixiu os exércitos que contiveron o cerco francés á cidade de Stralsund (1807). Embaixador en París, asinou a paz cos franceses en 1810. En 1814 dirixiu o exército sueco que invadiu Noruega e desde 1817 foi vicerrei deste país.

RIOS

Río de Guyana, cunha dirección S-N. Nace ao N da serra Acarai e desemboca despois dun percorrido de 750 km no Atlántico, preto de Georgetown.

CONDADOS

Condado de Inglaterra, Reino Unido (3.469 km2; 1.294.700 h [estim 1998]). A capital é Chelmsford.

CIDADES

Cidade do land de Baden-Württemberg, Alemaña, situada na marxe dereita do río Neckar (91.500 h [1990]). A base da súa economía é a industria, coa que se converteu nos últimos anos nun dos grandes núcleos téxtiles de Alemaña. Fundada no s VIII, foi cidade imperial libre desde o s XIII ata mediados do s XIX, que pasou a depender de Württemberg. Do seu patrimonio cultural destacan o castelo (ss XIII-XVI), a igrexa de Santa María (ss XIV- XV) e o edificio do concello (s XV).

DEPARTAMENTOS

Departamento da Île-de-France, Francia, atravesado polo río Seine (1.804 km2; 1.134.238 h [1999]). A capital é Évry (49.337 h [1997]). Tradicionalmente, a base da súa economía foi a agricultura, principalmente o cultivo de cereais e froiteiras. Nos últimos anos tratouse de impulsar a industria, polo que se crearon pequenas fábricas de maquinaria e compoñentes electrónicos ao NO, preto da capital.

PERSOEIRO

Rei de Wessex (839-858), fillo e sucesor de Egberto de Wessex. Durante o seu reinado freou o avance danés, aínda que non conseguiu que os outros reinos anglosaxóns aceptasen a supremacía de Wessex.

PERSOEIRO

Escritor e filósofo grego. Elaborou un sistema filosófico relixioso no que se consideraban os deuses como homes exaltados polo temor ou a admiración dos seus concidadáns. Das súas obras consérvanse Historia Sagrada e Panquea.

PERSOEIRO

Poeta islandés. Escribiu Lilja (O lirio), poema dedicado á nai de Deus que reflicte a través da súa simboloxía a mentalidade medieval de Islandia.

PERSOEIRO

Pintor, fillo de Pietro Falca. Coñecido como Alessandro Longhi, destacou como retratista. As súas obras, entre as que destaca Domenico Cimarosa, reflectiron a caracterización individual e psicolóxica do retratado. Publicou Compendio della vita dei pittori veneziani istorici (1762).

PERSOEIRO

Duque de Parma e Piacenza (1586-1592). Coñecido como O Gran Capitán, estivo ao servizo da Coroa de Castela. Combateu na Batalla de Lepanto (1571) e foi lugartenente xeral de Catalunya (1576-1577). En 1577 dirixiu os tercios italianos que, trala Batalla de Gembloux (1578), recuperaron as provincias católicas do S dos Países Baixos. Antes de morrer, Xoán de Austria nomeouno capitán do exército e gobernador dos Países Baixos (1578-1582), cargo que lle confirmou Filipe II. Tentou reunir as provincias valonas e en 1579 ocupou Maastricht e asinou a Unión de Arras (1579), na que se deu validez ao Edito Perpetuo e se decidiu a saída dos tercios casteláns de Flandres. O enfrontamento coas provincias do N, a Unión de Utrecht, produciuse trala proclamación do duque de Anjou como gobernador de Flandres (1581) e obrigouno a abandonar o sitio de Cambrai (1581) e asediar Anveres, que non capitulou ata 1585. En 1590, Filipe II enviouno a Francia para prestar axuda á Liga Católica no asedio de...

PERSOEIRO

Mezzosoprano. Debutou en Múnic en 1961 e cantou nos principais teatros europeos e estadounidenses. Do seu repertorio destacan as óperas de W. A. Mozart e R. Strauss.