"Ya" (Contén)

PERSOEIRO

Xurista, poeta, lexicógrafo e historiador. Guerreiro dos omeias e descendente da nobreza visigoda, escribiu Ta’rī) iftitā ḥ al-Andalus (Historia da conquista de Al-Andalus).

1. Relativo ou pertencente ao pobo quimbaya.

2. Individuo do pobo quimbaya.

3. Pobo indíxena precolombino de Colombia, extinguido, que vivía no val central do río Cauca, nos actuais departamentos de Caldas e Antioquía. Posuía una destacada cultura, e todos os restos atopados proveñen de lugares de enterramento. Ao lado dos corpos colocábanse as ofrendas: cerámica fina e sobre todo pezas de ourivaría. As manifestacións artísticas son naturalistas.

GALICIA

Pintor, marqués de Almeiras. Discípulo de Castelao e do valenciano F. Martín Marqués, foi catedrático de Debuxo na Escola de Artes Aplicadas e Oficios Artísticos da Coruña. Director do Museo Provincial de Belas Artes da Coruña (1969-1986), destacou como retratista, aínda que tamén cultivou as paisaxes e as composicións, ademais da ilustración. Nas súas obras reproduciu unha natureza humanizada cunha técnica en que destacou a importancia do debuxo. A súa obra caracterizouse pola harmonía compositiva e colorista, pola naturalidade das súas representacións e polo abandono en parte das fórmulas clásicas para introducirse no impresionismo. Nos seus retratos intentou plasmar o ánimo dos personaxes máis alá dos seus trazos físicos. En 1925 presentou na Exposición Nacional de Bellas Artes El Berbés e Retrato de Álvaro Cebreiro. Realizou os retratos dos premiados no Día das Letras Galegas e os de Francisco Franco, Salvador Golpe (1969) e Xoán Carlos I,...

PERSOEIRO

Escritora. Coñecida como Anna Seghers, das súas obras, enmarcadas no realismo socialista, destacan Das siebte Kreuz (A sétima cruz, 1942), Die Entscheidung (A decisión, 1959) e Das Vertrauen (A confianza, 1968).

CIDADES

Cidade da provincia do Punjab, Paquistán, situada nunha chaira aluvial ao longo dos ríos Panjnad e Indo (228.479 h [1998]).

CIDADES

Cidade do estado de Tamil Nadū, India, situada ao pé dos Ghates Occidentais (114.042 h [1991]).

PERSOEIRO

Político húngaro. Bolxevique, foi enviado a Moscova en 1940, de onde regresou coas tropas soviéticas (1945) para converterse en secretario xeral do Magyar Kommunista Párt (Partido Comunista Húngaro, MKP). Stalinista acérrimo, foi primeiro ministro de Hungría (1952-1953). Refuxiado na URSS, foi excluído do partido (1962).

PERSOEIRO

Realizador cinematográfico indio. Recibiu unha grande influencia do seu amigo R. Tagore e, en 1951, realizou o seu primeiro filme, Pater Panchali (O lamento da píllara, 1925), que xunto con Apur sansar (O mundo de Apur, 1954) e Aparajito (O invencible, 1957) conforman unha triloxía. Destacan tamén Kanchenjungha (1962), Gamashatru (Un inimigo da xente, 1989) e Agantuk (O estranxeiro, 1991). En 1991 recibiu un Oscar honorífico.

PERSOEIRO

Arquitecto. Asociado con Cristóbal Crespo González e Carlos Luis Quintáns Eiras, as súas obras caracterizáronse pola austeridade de volumes e a integración das construcións no seu contorno. Destacan a nova sede da delegación do COAG da Coruña (1993, Premio COAG 1994 e Premio Julio Galán Carvajal 1995); as piscinas para a deputación da Coruña (Premio COAG 2000); e a piscina cuberta da Laracha (Premio COAG 2000 e Premio Julio Galán Carbajal 2001).

PERSOEIRO

Médico e filósofo persa. Coñecido en Occidente como Rhazes, foi xunto con Avicena o médico máis destacado da Idade Media. Autor de numerosos escritos médicos, o máis coñecido é o Kitāb al-Hāwī (en latín Continens), a enciclopedia médica usada en Europa ata o s XVI. En filosofía escribiu máis de corenta obras e negou a posibilidade de conciliar pensamento filosófico e relixión.

PERSOEIRO

Escultor, arquitecto e decorador checo. Tivo unha intervención decisiva na etapa final do gótico en Bohemia. Rematou a catedral de Santa Bárbara de Kutná Hora e decorou o torre da Pólvora en Praga (1477).

PERSOEIRO

Pintor francés. Coñecido como Hyacinthe Rigaud, foi o pintor máis representativo da corte de Luís XIV. Nun mundo onde triunfa o clasicismo maxestuoso pero moderado, introduciu e fixo triunfar a pomposa ampulosidade dos seus retratos, inequivocamente barrocos. Entre outros destacan o Arcebispo de Albi (1685), o Duque de Orleans (1688), Luís XIV (1694), Hardouin-Mansart (1695) e o Duque de Anjou (1700). Foi reitor (1733) da Académie Royale.

CAPITAIS

Capital de Arabia Saudí, situada nun fértil oasis (2.800.000 h [1996]). É o principal centro comercial dos desertos de Arabia. Orixinariamente era unha compacta cidade amurallada que, a partir de 1946, foi ensanchada e modernizada. Centro do wahhabismo, desenvolveu no s XIX e substituíu á Meca como capital de Arabia Saudí.

GALICIA

Copiloto de rallyes. Entre os anos 1988 e 2003 disputou con Carlos Sainz o campionato do mundo, título que conseguiu en 1990 e 1992. En 2003 converteuse no director deportivo de Subaru Rally Team.