"Abe" (Contén)

GALICIA

Historiador e escritor. Ingresou en 1934 nas Mocedades Galeguistas. En 1950 fundou en Noia a revista Tapal, que dirixiu ata que desapareceu en 1956. Colaborou, entre outras publicacións, en Compostellanum, Lar, Poesía española, Boletín da Real Academia Galega, Cuadernos de Estudios Gallegos e La Noche. Da súa produción destacan os artigos “Ordenanzas de la villa de Noya de 1589”, “Os cobrados de Noya”, “Una biblioteca noyesa de finales del siglo XVIII”, “La Santa Biblia y la filatelia”, “Matasellos religiosos de Galicia”, “O correr da pluma” e “Breves notas sobre Añón”. Como poeta publicou “Cachemare da saudade”,“Muros: Poemas da terra natal” e Follas de un arbre senlleiro (1951).

PERSOEIRO

Prateiro. Entre as obras que realizou destaca unha cruz de prata encargada para a igrexa de San Tomé de Sorribas (Rois, 1588). Atribúeselle unha cruz elaborada para San Martiño de Lesende (Lousame, 1607).

GALICIA

Escultor. Realizou, entre outras obras, a Asunción da fachada de Santa María de Viceso (Brión, 1784); o retablo maior de Santa María de Ons (Brión, 1789); os altares do Cristo e da Virxe das Dores da igrexa de San Cosme de Outeiro (Outes, 1786); un retablo para a capela de San Roque en San Pedro da Ponte do Porto (Camariñas, 1792); a imaxe da Virxe do Carme e o relevo da Apoteose de San Gregorio Magno do retablo maior do Carme de Arriba en Santiago de Compostela (1800-1802); o grupo da Trindade e o Cristo crucificado de San Martiño de Noia (1802); e a imaxe de san Francisco no convento noiés.

PERSOEIRO

Eclesiástico inglés. Ordenado ministro anglicano (1839), adheriuse ao catolicismo en 1845. Ordenouse sacerdote en 1849, ano no que fundou, xunto con Newmann, o Oratorio inglés, do que foi superior.

PERSOEIRO

Médico e naturalista. Deulle nome ao microscopio cando aínda era un instrumento pouco coñecido. Foi médico do Papa Urbano VIII e un dos fundadores da Accademia de Lincei.

PERSOEIRO

Industrial alemán. Herdou do seu avó, Kaspar Faber, a fábrica de lapis que este fundara en Nuremberg en 1760 e estableceu sucursais en varios países europeos e en EE UU. Ao morrer, a súa viúva traspasoulle a empresa á súa neta, a condesa Otilia von Faber-Castell, da que tomou a denominación de Faber-Castell.

PERSOEIRO

Humanista e teólogo alemán. Frade dominicano e bispo de Viena desde 1531, enfrontouse a M. Lutero aínda que consideraba necesarias as reformas dentro da Igrexa Católica.

PERSOEIRO

Ourive ruso. Formouse en Europa Occidental (1860-1864) e dende 1870 encargouse do obradoiro familiar, do que abriu sucursais en cidades rusas e en Londres. Traballou con diferentes metais, xemas, pedras duras e esmaltes, e foi ourive e xoieiro da corte rusa. Participou na Exposición Panrusa de Moscova (1882) e recibiu unha medalla de ouro. En 1990 fundouse a Fabergé Arts Fundation con sedes en Washington e San Petersburgo.

MUNICIPIOS

Municipio da comarca do Bierzo, adscrito á provincia de León, Castela e León, situado na marxe dereita do río Cúa, afluente do Sil (6.120 h [1996]). É un dos principais centros mineiros de España. Tamén destaca a gandería vacúa e a agricultura. Fundado no s X e vinculado primeiro ao mosteiro de San Andrés de Espiñareda e despois ao arcebispado de Astorga, tivo unha grande expansión demográfica a partir de mediados do s XIX, cando se iniciou a explotación das minas de carbón.

PERSOEIRO

Cirurxián e anatomista. Foi profesor de anatomía na facultade de Medicina da Universidade de París (1886) e membro da Académie Française de Medicine. Ideou a sinfisiotomía, unha operación que facilitaba o parto.

GALICIA

Escritor. Realizou estudios de maxisterio e dereito e posteriormente residiu en Venezuela ata 1972. De regreso a Galicia, foi mestre en Ortigueira e colaborou en distintas publicacións, como Dorna ou Encrucillada. Publicou os poemarios Poemas gallegos. Inquietudes, hallazgos y otros poemas (1976) e Escolma de poemas. Espigueo lírico (1990).

GALICIA

Pintor. Estudiou na Escola de Artes e Oficios de Toledo. Residiu dende 1948 en Mallorca e realizou numerosas exposicións nas Illes Balears. Destacan, entre outros, os murais que fixo para entidades turísticas e hostaleiras de Mallorca.

PERSOEIRO

Judoka. Campiona Olímpica en Sidney 2000 na categoría de menos de 57 kg, obtivo a medalla de bronce nos Xogos Olímpicos de Atlanta 1996. Nos campionatos mundiais gañou a medalla de ouro en París 1997 e a de prata en Birmingham 1999. Tamén se proclamou campioa de Europa en 1998 e subcampiona en 1997.

GALICIA

Político. Licenciado en Dereito e Graduado Social. Foi alcalde do concello do Carballiño. Membro do Consello Nacional do BNG e responsable da Comisión de Emigración, foi elixido deputado por Ourense nas eleccións autonómicas de 2001.

FILOSOFOS

Filósofo da ciencia. Doutorado en Filosofía pola Universität Wien, foi profesor na London School of Economics, na University of Bristol e na University of California, en Berkeley. Defendeu unha postura escéptica que o levou a manter a validez de calquera método de coñecemento, posto que non existe un método válido para o coñecemento, o que orixina un relativismo máximo no que se inspirarán posteriormente moitas propostas éticas da postmodernidade. Afirmou que a experiencia non é a base do noso coñecemento e que ningunha teoría é consistente cos feitos, polo que cómpre admitir a presenza de hipóteses non fundadas. Das súas obras destacan Against Method: Outline of An Anarchistic Theory of Knowlwdge (Tratado contra o método: esquema dunha teoría anarquista do coñecemento, 1975) e Sciencie in a Free Society (A ciencia nunha sociedade libre, 1978).

PERSOEIRO

Emperador romano (244-249). Prefecto do pretorio baixo o Emperador Gordiano III, organizou a súa morte e sucedeuno. Asinou a paz cos persas (244) e mantivo boas relacións co Senado. Despois da súa derrota na Batalla de Verona fronte a Decio, comandante do exército do Danubio, morreu asasinado.