"Ava" (Contén)

PERSOEIRO

Sindicalista. Afiliado á CNT, a súa actividade centrouse no sector ferroviario. Imprimiu e dirixiu El Luchador Ferroviario (1932-1933) e participou na creación de ateneos e centros culturais vencellados aos cenetistas.

PERSOEIRO

Filólogo. Licenciouse en Filosofía e Letras na Universidad de Madrid. Foi discípulo de R. Menéndez Pidal, con quen fundou a Revista de Filología Española, e profesor das universidades de Syracuse e Columbia. Realizou importantes estudos de fonética e dialectoloxía, ademais de traballos sobre crítica literaria. Dirixiu o Atlas Lingüístico de la Península Ibérica, do que se publicou o primeiro volume en 1962. Das súas obras destaca Manual de pronunciación española (1918), co que se asentaron as bases da fonética castelá; El acento castellano (1935), Estudios de fonología española (1946), El español de Puerto Rico (1948), sobre aspectos dialectolóxicos; Manual de entonación española (1948), en que aparece o sistema de inflexións melódicas do castelán; Métrica española: reseña histórica y descriptiva (1956), Documentación lingüística del Alto Aragón (1957) e Arte del verso (1959), en que se amosan cuestións sobre versificación. Editou as obras de Garcilaso de la Vega (1911) e Las Moradas de...

PERSOEIRO

Xornalista e voceiro da Santa Sé. Fundador e vicedirector da revista Diagonal, foi correspondente de ABC no Vaticano e presidente da Asociación de Prensa Estranxeira en Italia. Desde a década de 1980 encárgase da dirección da Sala de Prensa da Santa Sé. Publicou os libros La manipulación publicitaria (1970) e Fumata blanca (1978). Recibiu o Premio Internacional de Xornalismo (1985) e a Gran Cruz de la Orden al Mérito Civil (1997).

PERSOEIRO

Condottiere. Desde 1500 ata 1507 loitou en Italia ao servizo do Gran Capitán, puxo en práctica a súa táctica militar a base de minas terrestres e recompensárono co condado de Oliveto. Despois foi a África, onde se apoderou de Vélez de la Gomera (1508), conquistou Bougie (1510) e someteu Alxer, Tunes, Tilimsen e Trípoli. En 1512, de novo en Italia, participou na Batalla de Ravenna, aprisionárono os franceses e rescatouno Francisco I de Francia, que o nomeou xeneral do seu exército. Ao servizo de Francia, fíxose co Milanesado e interveu nas batallas de Marignano (1516) e de La Bicocca (1523). Feito prisioneiro polo exército imperial español, morreu na fortaleza de Castelnuovo.

PERSOEIRO

Fotógrafo. Cunha preocupación constante polos temas de asunto social e individual e cunha temática centrada nos nús e nas paisaxes, da súa técnica destaca o díptico, combinación de dúas imaxes distintas para crear un feito fotográfico. Fundou, xunto con Joan Fontcuberta, Pere Formiguera e Manel Esclusa, o grupo fotográfico Alabern (1977). Foi elixido representante en España do Consejo Latinoamericano de Fotografía (1978) e foi membro asesor da Fundació Joan Miró (1985). Publicou Dípticos (1986) e Photobolsillo 44 (2002).

MUNICIPIOS

Municipio situado na provincia de Barcelona, Catalunya (5.435 h [2001]). A súa economía baséase na industria.

MONTES

Monte situado na parroquia de Freán (O Saviñao). O seu cumio acada os 664 m de altitude.

MUNICIPIOS

Municipio da provincia de Sevilla, Andalucía, situado en Sierra Morena e regado polo río Retortillo (1.874 h [2001]). A súa economía baséase na agricultura e a gandaría, e compleméntase coas industrias derivadas.

MUNICIPIOS

Municipio da provincia de Jaén, Andalucía, situado ao N do Guadalimar, afluente do Guadalquivir, en Sierra Morena (5.097 h [2001]). A súa economía é básicamente agrícola e destaca a elaboración de aceite.

MUNICIPIOS

Municipio da provincia de Cáceres, Extremadura, situado na ribeira do Tajo, preto do encoro de Alcántara (1.555 h [2001]). É un termo gandeiro e agrícola, onde se cultivan cereais, legumes e oliveiras.

MUNICIPIOS

Municipio da provincia de Ávila, Castela e León, situado ao pé da serra de Malagón, delimitado ao L por Madrid (4.381 h [2001]). A súa economía baséase na agricultura, a gandaría e diversas industrias alimentarias, serradoiros e de elaboración de resinas. É un centro de veraneo.

PRAIAS

Praia do litoral N da illa de Arousa, na parroquia da Illa de Arousa, no concello homónimo.

PERSOEIRO

Artista plástico. Traballou sobre todo a madeira, cunha serie de pezas feitas a base de formas arredondadas encaixadas entre elas, esculturas con formas humanas e composicións onde xogou cos efectos visuais que proporcionan as vetas da madeira. Da súa produción destaca a serie Pilotos.

PERSOEIRO

Filólogo, escritor e tradutor. Doutor en Filoloxía Galega e profesor na facultade de Filoloxía e Tradución da Universidade de Vigo. As súas principais investigacións filolóxicas céntranse no estudo da onomástica e da toponimia. Colaborador do Instituto Geográfico Nacional para a revisión da toponimia na cartografía de Ourense e Pontevedra (1984) e asesor de toponimia na Enciclopedia Galega Universal (EGU), pertence á Comisión de Toponimia da Xunta de Galicia e á Asociación Galega de Onomástica. Ademais, foi codirector do proxecto Toponimia de Galicia e coordinador da área de dicionarios de Edicións Xerais de Galicia. Colaborou coas revistas Vagalume e Dorna, elaborou a edición crítica de Longa Noite de Pedra (1990), de Celso Emilio Ferreiro, e realizou traducións de obras de Jack London, A chamada da selva (1982); Georges Perec, Robert Graves ou Conan Doyle; a versión ao galego da obra deste último autor O can dos Baskerville (1988) valeulle a concesión do Premio Ramón Cabanillas de Tradución...

PERSOEIRO

Economista e auditor. Foi socio de Deloitte&Touche, socio-director para Galicia de Ernst&Young e profesor asociado da Universidade de Vigo. Exerceu como decano e presidente do Ilustre Colexio de Economistas de Pontevedra, tesoureiro do Consejo General de Colegios de Economistas de España e vicesecretario da Unión Profesional de Galicia. Membro do Registro Oficial de Auditores de Cuentas, escribiu colaboracións para revistas especializadas como El Informe del auditor y la continuidad en la empresa (1998) e Riesgo y auditores (1998).

PERSOEIRO

Xornalista. Redactor de opinión de El Correo Gallego, foi xefe de prensa da Xunta de Galicia, presidente da Asociación da Prensa de Santiago, director da revista Abesana e cofundador de Teima. Foi tamén creador e impulsor dos programas Saber e xogar e Romarías e Etcétera (1989) da TVG, e da publicación Xornal Diario (1991). Participou na publicación de Cultura y medios de comunicación en sociedades dependientes (1982) e escribiu Disparos (1989), El Correo Gallego: Doce décadas de periodismo en Galicia (1991) e Sumud. Conversa con Palestina (2003). Recibiu o premio extraordinario Galicia de Xornalismo (1987).

GALICIA

Xornalista. Locutora e condutora de programas de TVE en Galicia, foi membro do Consello de Administración da RTVG, locutora da Cadena SER ata 1980 (Hora 25, Matinal Cadena SER e correspondente da SER en Galicia), ademais de colaborar en La Voz de Galicia e pertencer á redacción da revista Andaina. Participou na elaboración de Cultura e medios de comunicación nas sociedades dependentes (1982) e Rosalía de Castro: unha obra non asumida (1985). Recibiu o Premio Nacional de Radio polo seu traballo na SER.

RIOS

Río de Serbia, situado en Serbia e Montenegro, e afluente do Morava pola dereita. Ten unha lonxitude de 218 km.

1. 1. Espazo de oito días que dura unha festa ou celebración relixiosa.

   2. Último dos días deste período.

2. 1. Intervalo musical que abrangue oito graos da escala diatónica.

   2. Nota musical que, respecto a outra, está separada por un intervalo de oitava, de xeito que a superior duplica exactamente o número de vibracións da inferior.

   3. Combinación harmónica de dous sons separados por un intervalo de oitava.

   4. Gama de notas comprendidas no intervalo dunha oitava.

   5. oitava aumentada

      Oitava que comprende cinco tons, dous semitóns diatónicos e un semitón cromático.

   6. oitava diminuída

      Oitava que comprende catro tons e tres semitóns diatónicos.

   7. ...