"Ea" (Contén)

CANTÓNS

Cantón de Suíza (518 km2; 255.305 h [1998]). A capital é Liestal (12.300 h [1994]).

CANTÓNS

Cantón de Suíza (37 km2; 193.053 h [1998]). A capital é Basilea.

PERSOEIRO

Pintor. Iniciouse no mundo marxinal do grafito de Nova York, coa sinatura Samo. Proxectouse internacionalmente da man de Andy Warhol a comezos da década dos anos oitenta. A súa obra sintetiza o primitivismo totémico de raíces africanas e un expresionismo con connotacións simbólicas do mundo urbano.

PERSOEIRO

Escultor. A súa familia exiliouse a Francia e a Arxentina, onde se formou e iniciou a súa actividade artística. Ao seu regreso realizou a decoración da cripta de Aránzazu (1954). Cultivou a escultura, influído por Oteiza. A súa obra, realizada con materiais diversos, está arraigada coa estética tradicional vasca. Traballou tamén no campo do deseño, da teoría e do cine.

1. Plataforma flotante fixada no mar con cordas penduradas para a cría de mexillóns ou ostras. En Galicia desígnanse con este termo as amplas plataformas de madeira, de forma rectangular e cunha caseta no seu centro (estrutura cuberta para realizar os traballos), que están fondeadas nun morto de cemento, ao que se suxeita cunha cadea de ferro. Situadas en fileiras dentro das rías, empréganse como criadeiros de mexillóns. Estes moluscos son criados nunhas longas cordas, colgadas dende a estrutura da batea cara ao fondo, onde crecen e engordan para logo ser comercializados. O seu uso no país non se xeneralizou ata os anos 60 e 70, aínda que hai novas de iniciativas illadas durante o primeiro terzo do século XX. A instalación das bateas dentro das rías prexudicou seriamente as actividades das artes de pesca tradicional, xa que a lexislación vixente protexe a actividade mexilloeira en contra de aparellos como o xeito ou a rapeta, que serían daniños para esta cría do molusco ante o potencial perigo...

2. Embarcación plana empregada en ríos e zonas portuarias para o transporte e acarreo de mercadorías. Dáselle a mesma denominación a outra embarcación de pequenas dimensións, de forma rectangular e fondo plano; empregada en augas de pouca profundidade, como pantanos ou marismas, co obxecto de pescar, cazar ou mesmo facer deporte. Con embarcacións deste tipo practícase en Gran Bretaña un deporte chamado punting, de grande aceptación popular.

3. Artesa circular e achatada, que se emprega normalmente no lavado das areas auríferas.

4. Forma do retablo con gardapó.

MUNICIPIOS

Municipio da provincia de Tarragona, Catalunya, no val do río de Algars (1.985 h [1996]). Os principais cultivos son a vide e as oliveiras. Tamén hai granxas avícolas. As actividades industriais máis sobranceiras son a elaboración de viños e licores, xunto á confección téxtil. A igrexa parroquial de San Miguel (s XVII) posúe unha fachada barroca ricamente ornamentada. A Praza Maior, porticada, data dos ss XIII e XIV. No Tossal del Moro atópase o emprazamento dun poboado ibérico.

PERSOEIRO

Sacerdote, economista e divulgador da fisiocracia. Entre os anos 1767 e en 1768 editou o xornal Ephémerides du Citoyen (Efemérides do cidadán), o órgano dos principais fisiócratas franceses. Moitos dos seus artigos recolléronse en libros, entre os que destaca pola súa claridade Première introdution à la philosophie économique (Primeira introdución á filosofía económica, 1771).

FILOSOFOS

Filósofo francés. O seu pensamento analiza a noción de consumo, clave para a comprensión da sociedade posterior á Segunda Guerra Mundial. Cunha reflexión paralela á de Marx, substitúe a noción de mercadoría pola de signo. Entre as súas obras destacan: Le système des objets (O sistema dos obxectos, 1968), La societé de consommation (A sociedade de consumo, 1970), Pour une critique de l´economie politique du signe (Por unha crítica da economía política do signo, 1972), Le miroir de la prodution (O espello da produción, 1973), L’échange symbolique et la mort (O cambio simbólico e a morte, 1978) e De la sédution (Da sedución, 1979).

PERSOEIRO

Médico e botánico. Recolleu materiais para dúas obras monumentais: Historiae plantarum (Historias das plantas, 1619) e Historia universalis plantarum (Historia universal das plantas, 1650-1951), publicadas postumamente.

PERSOEIRO

Pintor abstracto. Deuse a coñecer en 1941. Fíxose famoso coas vidreiras da igrexa de Pla-teau d´Assy (1950) e coas cerámicas murais da igrexa de Audincourt. É autor do gran mosaico cerámico do palacio da UNESCO de París (1958). Publicou o libro Notas sobre la pintura actual (1948).

PERSOEIRO

Pintor francés. En 1862 marchou a París, onde traballou no taller de Charles Gleyre, e no que coñeceu a Monet, Renoir e Sisley. Formou con eles o Grupo dos Catro, primitivo grupo impresionista. A súa obra é luminosa e ten moitos puntos de contacto coa pre-impresionista de Manet. Realizou pintura figurativa máis que paisaxe, como no Bosque de Fointanebleau (1865) ou Reunión de familia (1867), a súa obra máis coñecida. Morreu na guerra franco-prusiana.