"An" (Contén)

SERRAS

Aliñación montañosa da península do mesmo nome. Elevada sobre rochas graníticas, o seu eixo esténdese polas parroquias de Xuño (concello do Porto do Son), Lesón (A Pobra do Caramiñal) e Oleiros (Ribeira). As máximas altitudes correspóndense cos 620 m do cume dos Forcados, no límite entre as parroquias mencionadas, e cos 652 do monte Barbanza, na parroquia de Lesón.

PERSOEIRO

Infanta portuguesa e Raíña de España. Filla de Xoán V de Portugal e de María Ana. Casou en 1729 co futuro Rei Fernando Vl. Ilustrada e amante da música, foi protectora do tenor Farinelli. Fundou en 1757 a institución relixiosa das Descalzas Reales de Madrid, onde está enterrada.

GALICIA

Poeta. Tipógrafo de profesión, publicou poemas en xornais, ás veces baixo o pseudónimo de Noé Vila. Foi un dos contertulios da Cova Céltica e en 1907 apareceu como asinante do Manifiesto solidario de septiembre, acta fundacional do movemento da Solidaridad Gallega. Como poeta publicou o volume bilingüe Nada (1906). Recibiu o premio da Académie Montréal e do Athenée des Troubadours pola tradución da obra Magali de Federico Mistral e pola súa vinculación co movemento dos felibres, trobadores modernos provenzais.

GALICIA

Xornalista. Colaborador en distintos xornais da época (El Correo Gallego, Diario Ferrolano, El Noroeste, La Voz de Galicia, etc), foi premiado nos Xogos Florais de Santiago de Compostela (1918) e no certame da Casa de Galicia da Coruña (1919 e 1920). Publicou De mi viejo solar (1911), Libro de poesías (1912) e El retorno (1944).

PERSOEIRO

Profesor titular de Literatura Inglesa na Universidade de Santiago, doutor en Filoloxía Inglesa e licenciado en Filosofía e Letras. Ademais de exercer a súa actividade docente escribiu: Aplicación de un método dinámico a siete poemas de amor de Auden, In mortal Shakespeare. Radical readines, Paradise lost: The Word, the words, the world, Individuo, orden y mundo moderno, e Arte, sociedad y pensamiento en ‘The nonnes preestes tale’.

PERSOEIRO

Poeta italiano. Escribiu Documenti d’Amore (1309-1313), poema alegórico, e a recompilación de preceptos Del reggimento e costumi di donna, en prosa e en verso, obras moi interesantes para o coñecemento dos costumes do s XlV.

PERSOEIRO

Revolucionario francés. Participou en diversas conspiracións republicanas con Blanqui. No 1839, despois de ter dirixido a Conspiración de Maio con Blanqui e Martin-Bernard, foi condenado a morte, pena que lle foi conmutada pola de cadea perpetua. A revolución do 1848 liberouno. Con moita popularidade, foi elixido deputado por Aude. O 15 de maio do 1848, intentou constituír un goberno revolucionario, e foi novamente prendido. Napoleón lll indultouno no 1854 e, voluntariamente, marchou ao exilio.

PERSOEIRO

Erudito italiano. Destacou como o autor de L’arte de rimare, publicado no 1790 co título Dell’origine della poesía rimata, que deixou inacabado, onde estudiou as orixes da poesía provenzal e italiana.

PERSOEIRO

Músico de jazz coñecido co alcume de Gato. Intérprete do saxofón tenor, comezou imitando a John Coltrane e evolucionou cara a formas musicais propias nas que intentou a síntese do free jazz cos ritmos e as melodías latinoamericanas.

PERSOEIRO

Poeta romanés. Coñecido polo pseudónimo Ion Barbu. Formado na escola parnasiana, evolucionou cara a unha abstracción e despersonalización totais, e aplicou, con linguaxe hermética, esquemas matemáticos á súa poesía. Entre a súa produción destaca Joc secund (O segundo xogo, 1930).

PERSOEIRO

Director de orquestra inglés, de orixe italiana. Estudiou no Royal College of Music e na Royal Academy of Music de Londres e debutou en 1917. Dirixiu a British National Opera Company (1926), a New York Philarmonic Symphony (substituíndo a Toscanini, 1937-1942), a Hallé Orchestra (director titular dende 1943 ata a súa morte) e a Houston Symphony Orchestra de Texas (1962-1967). No seu repertorio predominou a música inglesa.

GALICIA

Empresario hostaleiro. É técnico superior en Relacións Públicas. Foi vicepresidente da Confederación de Empresarios de Hostelería de Galicia (CEHOSGA), fundador e presidente da Asociación de Empresarios de Hospedaje de la Provincia de Pontevedra (ASEHOSPO) e membro da xunta directiva da Federación Española de Hoteles (HAI). Escribiu diversos artigos vinculados ao mundo do turismo nas revistas Informe Gallego e El Pueblo Gallego.

PARROQUIA

Parroquia do concello de Cenlle baixo a advocación de santo Antón.