"Ava" (Contén)

PERSOEIRO

Trobador, posiblemente leonés ou portugués. Pode identificarse co nobre leonés Pedro Gutiérrez, meiriño maior de León, aínda que outros estudos relaciónano cun autor portugués presente na corte de Afonso III. Estivo activo na segunda metade do s XIII ou a principios do s XIV e recóllense dúas composicións súas (unha cantiga de amor e un sirventés) no Cancioneiro da Biblioteca Nacional e no Cancioneiro da Biblioteca Vaticana.

1. Arte de pirogravar.

2. Gravado en madeira, coiro ou cortiza, realizado cunha punta de platino incandescente.

PERSOEIRO

Pintor italiano. Discípulo de Raffaello Sanzio, participou na decoración das Loggie do Vaticano e realizou paisaxes e imitacións en grisalla de relevos clásicos. Viaxou a Messina (1527), onde pintou, entre outros, Andata al Calvario (1543).

CAPITAIS

Capital da oblast’ homónima, Ucraína, situada na beira do río Vorskla, afluente do Dniéper (313.199 h [1999]). A súa economía baséase na construción mecánica, metalurxia, produción de diamantes sintéticos e industria alimentaria e lixeira. As primeiras mencións sobre a cidade datan de 1174, aínda que co nome de Ltava. En 1430 Lituania cedéullela aos tártaros. Devastada sucesivas veces durante os ss XVI e XVII, chegou a ser potencia cosaca ao pasar a Rusia (1667). En 1709 tivo lugar a Batalla de Poltava en que Pedro I de Rusia derrotou o exército de Carlos XII de Suecia.

MONTES

Monte situado na parroquia de Corvelle (Vilalba). O seu cumio acada os 605 m de altitude.

MONTES

Monte situado na parroquia de Miraz (Friol). O seu cumio acada os 640 m de altitude.

MUNICIPIOS

Municipio da provincia de Ciudad Real, Castela-A Mancha, situado ao NL da capital provincial e delimitado ao N polo río Guadiana (2.571 h [2001]). A agricultura, a gandaría e a elaboración de aceite son a base da súa economía.

PERSOEIRO

Cirurxián. Fundou o Institut Orthopédique de Lyon e en 1853 inventou a xiringa que leva o seu nome, para inxeccións hipodérmicas.

PERSOEIRO

Pintor. Influído polos pintores de frescos italianos do s XV, dotou ás súas teas da aparencia de fresco. Caracterizouse polo sintetismo, a pincelada plana, as cores despexadas, a liña do horizonte alta, as figuras en primeiro termo e moi grandes e unha gran simplicidade na composición. Realizou Concordia (1861), Le bois sacré (1885 e1887), L’Été (1891-1892) e decorou o Panteón de París co Rencontre de sainte Geneviève et de saint Germain (1874) e cultivou tamén a pintura de personaxes populares, Le Pauvre Pêcheur (1881).

PERSOEIRO

Raíña de Madagascar (1828-1861). Sucedeu ao seu home Radama I de Madagascar (1828) e perseguiu os cristiáns e os europeos a instancias dos aristócratas malgaxes.

PERSOEIRO

Raíña de Madagascar (1868-1883), muller de Radama II de Madagascar. Sucedeu a Raíña Rasoherina (1868). Convertida ao protestantismo, asinou diversos tratados de cooperación con Francia e Reino Unido.

PERSOEIRO

Raíña de Madagascar (1883-1897). Sucedeu a súa curmá Ranavalona II de Madagascar. Polo tratado de 1885 cedeu a Francia a dirección exterior do reino e en 1895 aceptou o protectorado francés. Acusada de conspiración, foi destronada e deportada a Alxer en 1897.