"PS" (Contén)

PERSOEIRO

Explorador e xeógrafo británico. Viaxou pola provincia de Alberta e en 1785 chegou ata o lago Athabasca. Máis tarde ampliou as súas exploracións ás rexións das Montañas Rochosas e ao val do Columbia. Foi membro da comisión internacional de fronteiras entre EE UU e Canadá (1816-1822).

PERSOEIRO

Atleta. Coñecido como Daley Thompson, dominou a proba do déca­thlon durante a década de 1980 e participou en catro xogos olímpicos. Nos de Moscova (1980) e Los Angeles (1984) conseguiu a medalla de ouro. Foi dúas veces campión de Europa, en Atenas 1982 e Stuttgart 1986, e campión mundial en Helsinqui 1983. Entre 1980 e 1984 conseguiu superar catro veces a mellor marca mundial.

PERSOEIRO

Escritor estadounidense. Exerceu como xornalista en The True Detective Magazine. Figurou nas listas negras do maccarthismo e colaborou como guionista con Stanley Kubrick nos filmes The Killing (1956) e The Paths of Glory (1957). Como novelista está considerado o máis destacado do xénero negro con Dashiell Hammett e Raymond Chandler. A súa é unha novelística de realismo crítico, que manifesta unha profunda desesperanza na sociedade. Escribiu A Hell of a Woman (1954), The Kill-Off (1957), The Getaway (1958), The Grifters (1963), Pop, 1280 (1964), Texas by the Tail (1965) e South of Heaven (1967).

1. Músculo que nun dos seus extremos ten tres tendóns para unirse ao óso.

2. Músculo da rexión posterior do antebrazo que está formado por tres porcións, a porción longa, a interna e a externa, que se insire por riba do úmero e a omoplata e remata na cara posterior e nas partes laterais do olécrano. Actúa como extensor do antebrazo sobre o brazo e como adutor do brazo.

3. Conxunto que está formado polos dous xemelgos que se reúnen no tendón de Aquiles. A súa función é a de estender o pé ao elevar o calcaño.

CIDADES

Cidade do kraj de Krasnodar, Rusia (64.000 h [estim 1987]). Ten refinarías de petróleo e industrias alimentarias.

CAPITAIS

Capital do län de Uppsala, Suecia (182.076 h [2004]). Situada na ribeira do río Fyris, que desemboca no lago Melas, ten industrias mecánicas, químicas, téxtiles e de calzado. A antiga Uppsala Gamla foi bispado cara a 1130 e arcebispado en 1161. En 1258 a sede metropolitana foi trasladada a un centro comercial, Östra Aros, 4 km ao S, que tomou o nome de Uppsala. En 1593 foi sede dun concilio nacional que supuxo a consolidación definitiva do luteranismo no país. A universidade, fundada en 1477, converteu a cidade no centro cultural máis importante de Suecia. En 1620 o Rei Gustavo II Adolfo de Suecia creou a biblioteca universitaria (Carolina Rediviva) cun rico fondo de manuscritos, dos que destaca o Codex argenteus (s VI). Sobresae a súa catedral gótica (ss XIII-XV).

1. Relativo ou pertencente ao pobo vepsio.

2. Individuo do pobo vepsio.

3. Pobo do grupo finés que habita na beira occidental do lago Onega e nos ríos Svir’ e Ojat’, ao SO do lago Ladoga, na República de Carelia (Rusia). Malia conservaren no folclore e nas crenzas reminiscencias da antiga cultura finesa, adoptaron o sistema de vida dos seus veciños rusos.

4. Lingua baltofinesa das linguas finoúgrias do phylum urálico que falan os vepsios meridionais. Caracterízase pola perda total da harmonía vocálica e o uso de pronomes posesivos independentes (non pospostos, como en todas as demais linguas finoúgrias). O léxico está moi influído polo ruso.