"To" (Contén)

Xénero de herbáceas, da familia das asteráceas, ao que pertence a herba purgueira.

Conector estándar europeo que incorporan os televisores para permitir a interconexión e o intercambio de datos con outros aparellos como vídeos, ordenadores, videoconsolas, descodificadores, cámaras de vídeo ou cámaras fotográficas dixitais.

Crédito bancario concedido sobre a base de depósitos en eurodivisas.

Organización europea de investigación e observación astronómica, fundada en 1962 e con sede en Garching (Alemaña). Dispón dunha localización austral, situada a 2.400 m de altura, en La Silla (Chile).

(? - Dolique, Siria 379?) Bispo de Samosata. Adversario dos arianos, aos que apoiaba o Emperador Valente, foi desterrado por este a Tracia (374). Á morte do emperador retomou o seu cargo (378), ata o seu asasinato por un ariano. A súa festa celébrase o 21 de xuño.

(Roma s II) Mártir cristián. Nun principio foi un xeneral romano, baixo Vespasiano e Tito, que loitou activamente contra os xudeus. Afeccionado á caza, conta a lenda que un día, perseguindo un cervo, viu que o animal lucía unha cruz entre a corna, e unha voz sobrenatural incitouno á conversión, polo que decidiu bautizarse xunto coa súa familia. De contado sucedéronlle unha serie de desgracias, quedou sen facenda e tivo que emigrar. Cando o Imperio entrou en crise, o Emperador Adriano fíxoo volver e seica obtivo grandes vitorias militares; pero, por terse negado a facer sacrificios ante os deuses, condenouno ao martirio. Comparte en Galicia o padroado dos cazadores con san Humberto e san Xián. Na iconografía viste a clámide dos militares romanos e leva como atributos persoais, un cervo cunha cruz entre a corna -ou só a cabeza ou a cornamenta do cervo-, amais dunha espada ou outros instrumentos de caza. A súa festividade celebrábase o 20 de setembro pero a reforma litúrxica...

Grupo de pintores reunidos arredor da School of Drawing and Painting creada en Euston Road (Londres) en 1937 por Claude Rogers, Victor Pasmore, William Coldstream e Graham Bell. A súa estética caracterizouse polo interese de recuperación do naturalismo partindo dos estilos abstractos e esotéricos. Cultivaron a figuración cunha pincelada e cores suaves. Como grupo mantivéronse ata 1939, pero con este nome incluíronse as obras realizadas nun estilo semellante ás orixinarias. Trala paréntese da Segunda Guerra Mundial, a escola continuou coas súas ensinanzas.

Aplícase ao fenómeno caracterizado pola precipitación simultánea de dúas fases, estrutural e quimicamente diferentes, a partir doutra fase sólida. Denomínase composto eutectoide o produto desta precipitación.

santo (456-531) Bispo desta cidade belga. Seus pais, ameazados polo rei franco Clodoveo, aínda pagán, fuxiron a Blandin. Unha vez bispo, fixo confesar a Clodoveo un pecado que non se atrevía a dicir. Resucitou, exorcizou e bautizou a filla dun tribuno que estaba namorada del.

Papa (175-189). De orixe grega ou búlgara, foi martirizado polos arianos.

Evolución fisiolóxica normal do parto natural.

Tono muscular normal.

Colorante do amarelo da India.

Que produce evaporación.

Antropónimo masculino que vén de Evarestus, Evaristus, nome levado por un dos primeiros papas. Apareceu en Roma durante os tempos do Imperio e ten a súa orixe no grego Euárestos, nome persoal correspondente ao adxectivo ε ὐ άρεστος ‘grato, agradable’. Xa no mesmo grego, ademais desta forma, aparece Euáristos, quizais procedente dun cruzamento por etimoloxía popular con ἄ ριστος ‘o mellor’.