"Abe" (Contén)

CAPITAIS

Capital da rexión de Labé, Guinea (249.515 h [1996]). É o principal centro islámico de Guinea.

REXIÓNS

Rexión de Guinea (3.991 km2, 253.214 h [1983]). A capital é Labé.

PERSOEIRO

Poetisa francesa. Pertenceu á escola lionesa integrada por Maurice Scève, Olivier de Magny e Pernette du Guillet. A súa obra lírica é unha síntese da literatura amorosa europea, tanto no Débat de folie et d’amour (1556) como nas tres elexías e nos sonetos publicados en 1555. A súa produción, chea de vitalidade renacentista, ten influencias de Petrarca e da tradición francesa.

MONTES

Monte situado na parroquia de Baíste (Avión). O seu cumio acada os 720 m de altitude.

1. Segmento medio do periantio das orquidáceas, a miúdo con esporóns e de forma e coloración peculiares. Normalmente está situado na parte baixa da flor por torsión do eixe floral.

2. Peza floral das zinxiberáceas e outras escitamíneas, formada pola unión de estaminoides petaloides.

PUNTA

Punta do extremo N da illa de Onza, situada na parroquia da Illa de Ons, concello de Bueu.

1. Relativo ou pertencente aos laberintodontos.

2. Anfibio da subclase dos laberintodontos.

3. Subclase de anfibio fósil, primeiro en colonizar o medio terrestre, entre finais do Devónico ata principios do Xurásico; extinguíronse completamente no Triásico. Caracterízanse por posuír dentes cónicos, con estrutura interna labiríntica (en sección transversal).

PERSOEIRO

Mimo romano. O seu labor artístico desenvolveuse na época en que agromaba con forza unha farsa de carácter popular que deu continuidade á comedia latina. Foi, xunto con Publilio Siro, un dos autores que deu calidade literaria ao vello xénero do mimo. Deixou diversas obras que se agrupan baixo a denominación de Mimos.

PERSOEIRO

Teólogo e filósofo francés. Opúxose ao intelectualismo neotomista e defendeu un realismo cristián que o levou ao modernismo. Das súas obras destacan Essai de philosophie religieuse (1903) e Le réalisme chrétien et l’idéalisme grec (1904).

PERSOEIRO

Escritora alemana. Próxima ao círculo de Die Kolonne, as súas obras de poesía, novela, narración e teatro reflicten o problema relixioso do pecado e da gracia, así como os horrores da guerra e da posguerra. Destaca Das unauslöschilche Siegel (O selo imborrable, 1946).

GALICIA

Relixioso franciscano. Ordenado sacerdote en 1900, foi mestre de coristas en Canedo (Ponteareas) e gardián no mosteiro de Louro (Muros). Colaborou en varias publicacións e publicou Pláticas familiares sobre la Venerable Orden Tercera (1913), Camino del Cielo o sea Práctica de la oración mental al alcance de todos y Directorio espiritual (1929) e Vocación Religiosa (1929).

MONTAÑA

Montaña que domina desde o NL a cidade de Atenas, oposta ao outeiro da Acrópole.

MONTES

Monte situado no extremo L da parroquia de Camba (Laza). O seu cumio acada os 1.369 m de altitude.

PERSOEIRO

Escritor. Dirixiu a Irmandade de Amigos da Fala de Muxía, colaborou en Ronsel, Nós e A Nosa Terra, ademais de na Colección Lar e no Seminario de Estudos Galegos. Da súa produción destacan De outono (1924), Buserana (1925), Fuxidos (1926), Nemancos (1929), Centileos nas ondas (1958) e a peza teatral María Rosa (1928), unha comedia sentimental en que se analiza o rol da muller na familia e na sociedade e se confrontan os valores da cidade e da aldea.

GALICIA

Pintor. Un dous representantes mais emblemáticos da pintura identitaria galega, foi un pintor singular e extraordinariamente prolífico que adicou a súa vida á proxección pictórica de Galicia e as súas xentes. Excepcionalmente dotado para a arte, sendo aínda un neno gañou pola súa técnica bolsas na Escola de Artes de A Coruña, e na senlleira Academia de Belas Artes de San Fernando de Madrid e mais tarde ampliou estudos en Italia, Francia e Países Baixos. Durante a década dos 50 e 60 expuxo en numerosas ocasións en salas de Galicia, España, Portugal, Cuba… e todas as súas exposicións levaban o nome de Xentes e Cousas de Mar así como todos os títulos das súas obras eran en galego,algo pouco habitual nos pintores da época, e sempre o acompañou un abraiante éxito de crítica e público. Anque refuxia a asistencia a certames e premios en 1961 coma motivo da celebración da Feira do Mar, obtivo ou primeiro premio pola decoración mural do pavillón de Vigo, e unha primeira medalla co óleo “Os rapaces”....

GALICIA

Profesora. Profesora de didáctica da música na Universidade de Santiago de Compostela, foi bolseira do Ministerio de Asuntos Exteriores para recibir estudios de música en Hungría. Conseguiu o terceiro premio do Patronato Rosalía de Castro pola canción “Has de cantar”. Publicou álbums monográficos de partituras musicais instrumentadas e composicións inéditas e publicadas destinadas á educación infantil.