"Ain" (Contén)

MUNICIPIOS

Municipio da Comunidad Foral de Nafarroa, situado ao SO de Pamplona (18.936 h [1996]). Inclúese dentro da área urbana de Pamplona, onde traballa a maior parte da poboación. Pertenceu ao termo municipal de Cizur, e o seu desenvolvemento urbanístico produciuse no s XX, cando se transformou nun núcleo residencial da periferia inmediata da capital navarra. Está situado no camiño de peregrinación a Santiago de Compostela.

PERSOEIRO

Compositora norteamericana. Realizou estudios no Queens College de New York e en Berlín con Blacher e posteriormente foi profesora nas universidades de Michigan e California (Los Ángeles). Dentro da súa produción destacan as pezas de cámara e estudios sobre a música do s XX.

PERSOEIRO

Político alemán. Estudou Dereito en Colonia. Deputado da Democracia Cristiá a partir do 1957, foi ministro de Asuntos Alemáns (1962-1963), presidente da CDU (1971-1973), foi tamén ministro de Asuntos Interalemáns (1982-1983) e presidente do Bundestag (1983-1984), cargo ao que renunciou pola súa implicación en escándalos político-financeiros.

PERSOEIRO

Pintor abstracto. Deuse a coñecer en 1941. Fíxose famoso coas vidreiras da igrexa de Pla-teau d´Assy (1950) e coas cerámicas murais da igrexa de Audincourt. É autor do gran mosaico cerámico do palacio da UNESCO de París (1958). Publicou o libro Notas sobre la pintura actual (1948).

PERSOEIRO

Líder carbonario francés. Entrou en contacto coa doutrina de Saint-Simon no ano 1825. Foi redactor de Produteur (1825-1826), de Organisateur (1828-1839) e do Globe (1831). Xunto con Enfantin foi cabeza do Saint-simonisme dende o mes de decembro de 1829; tamén foi un dos seus principais teóricos, como demostrou na súa Doctrine de Saint-Simon: exposition (Doutrina de Saint-Simon: exposición, 1829). A consecuencia de diverxencias doutrinais, cara a decembro de 1831 deixou o cargo que compartía con Barthélemy-Prosper Enfantin.

PERSOEIRO

Historiador e teórico da arte francés. Foi o encargado de conservar as obras pitóricas no Musée du Louvre. Exerceu tamén como profesor da escola do Louvre (1941). É autor de diversas obras, como Histoire de l´art (Historia da arte, 1953) e Histoire de l´avant-garde en peinture (Historia da vangarda en pintura, 1969).

MUNICIPIOS

Municipio do territorio de Gipuzkoa, Euskadi, drenado polo río Oria (12.331 h [1996]). Malia que é un centro da subárea comercial agrícola e gandeira, debe a súa importancia á industria, desenvolvida a partir de 1902 coa fundación dos talleres de fabricación e reparación de material ferroviario (Compañía Auxiliar de Ferrocarriles S A). Posteriormente, desenvolvéronse os subsectores siderometalúrxico (altos fornos e maquinaria), enerxético (central térmica), químico e alimentario. Na cidade destacan a igrexa parroquial da Asunción (ss XVI-XVIII) e a casa de Yarza (s XV).

PERSOEIRO

Deseñador, pintor e gravador francés. Traballou para a corte de Luís XIV. É autor de escenarios, vestidos e composicións para festas e celebracións. Foi o creador do estilo Berain, de grande influencia sobre os decoradores do s XVIII.

PERSOEIRO

Médico e botánico. Foi médico de cámara de Carlos III e ocupou despois o cargo de primeiro catedrático no Jardín Botánico de Madrid. Foi o primeiro en publicar uns Principios de Botánica (1767), nos que empregou a nomenclatura binaria linneana e intentou fixar a terminoloxía botánica, procurando facer prevalecer formas populares sobre os neoloxismos derivados directamente do latín.

PERSOEIRO

Escritor francés prerromántico. Escribiu Voyage à l’ile de France (Viaxe á illa de Francia, 1773), en forma epistolar, onde se prefiguran as ideas sobre a natureza que expuxo máis tarde en Études de la nature (Estudios sobre a natureza, 1784). É autor da novela Paul et Virginie (Paulo e Virxinia, 1787), historia de amores irrealizables que transcorre nun clima exótico. A súa ideoloxía formula a inutilidade da ciencia.

1. Relativo ou pertencente á betaína.

2. Estrutura iónica de substancias orgánicas que, como a betaína, contén un grupo ácido (como o carboxil COOH) e un grupo básico (como a amina NH 2 ), ambos os dous ionizados simultaneamente.

1. Relativo ou pertencente a Bilbao ou aos seus habitantes.

2. Natural ou habitante de Bilbao.

1. Relativo ou pertencente a Bizkaia ou aos seus habitantes.

2. Natural ou habitante de Bizkaia.

3. Dialecto do vasco falado en Bizkaia, algúns puntos de Araba e o O de Gipuzkoa.

PERSOEIRO

Naturalista e médico francés. Foi profesor de Anatomía e Zooloxía na facultade de Ciencias da Universidade de París. Combateu as ideas de Georges Cuvier ao non admitir os cataclismos sucesivos e as creacións sucesivas (teoría do catastrofismo). Entre as súas publicacións cómpre destacar Introdución a unha nova distribución do reino animal (1816) e Manual de malacoloxía e conquilioloxía (1825).