"Bell" (Contén)

CIDADES

Cidade do estado de Karnātaka, na India (245.758 h [1991]).

GALICIA

Reporteiro gráfico. É membro das axencias Copi e Contifoto. Traballou na Televisión de Galicia, da TVE-2 e como xefe de cámaras do Arquivo da Imaxe de Galicia e nas publicacións La Voz de Galicia, A Nosa Terra, Man Común, Diario de Galicia, Mundo Obrero Diario, El País e La Calle, e para a Gran Enciclopedia Gallega. Participou en numerosas exposicións individuais e colectivas e na edición gráfica de varias publicacións literarias, concretamente no libro Galicia, a pé de foto.

PERSOEIRO

Señor de Langey, militar e diplomático. Participou nas campañas francesas en Italia (1525) e no 1537 foi nomeado vicerrei do Piemonte. Escribiu unhas Mémoires (Memorias) políticas ao redor dos anos 1536-1540.

PERSOEIRO

Poeta e ensaísta. En 1549 publicou L’Olive (A oliveira), compilación de sonetos amorosos segundo o modelo de Petrarca; Vers lyriques (Versos líricos) e Recueil de poésie (Escolma poética). En 1552 editou as Inventions (Invencións), de inspiración cristiá, unha tradución do cuarto canto da Eneida e a Complainte du désespéré (Pranto do desesperado), confesión autobiográfica. É autor das compilacións de sonetos: Les antiquités de Rome (As antigüidades de Roma, 1558), Les regrets (As penas, 1558) e Divers jeux rustiques (Diversos xogos rústicos, 1558).

PERSOEIRO

Poeta francés, membro de La Pléiade. Cultivou a poesía científica en Amours et nouveaux échanges de pierres précieuses (Amores e novos cambios de pedras preciosas, 1576). Cultivou tamén a poesía pastoril.

PERSOEIRO

Pintor francés. Traballou ao servizo de Xoán Sen Medo, duque de Borgoña e substituíu a Jean Malouel como pintor da corte en 1415. Rematou o retablo inacabado de Malouel identificado como O Martirio de san Denís.

PERSOEIRO

Pintor francés. Coñecido como Le maître des couleurs (O mestre das cores), considérase o representante da pintura francesa ao xeito flamengo, tendencia amosada no Tríptico da Trindade (1509-1515). A súa obra máis importante é o políptico de nove táboas Baño místico das ánimas no sangue do Salvador (1511-1520), realizado para a abadía de Anchin.

PERSOEIRO

Poeta peruano. Estudiou Letras en Lima. A súa poesía recollida en El pie sobre el cuello (1967) manifesta, apoiándose nunha linguaxe clásica e irónica, as frustracións do home obrigado a renunciar ás preocupacións intelectuais para subsistir.

PERSOEIRO

Escritora nicaraguana. En 1972 obtivo o Premio Mariano Fiallos Gil e no 1978 o Premio Casa de América polo seu libro Línea de fuego. Expresa as súas ideas e sentimentos sobre a condición feminina en obras como Amor insurrecto (1985), La mujer habitada (1988), Sofía de los presagios (1991). En 1990 foi elixida deputada polo Frente Sandinista.

PERSOEIRO

Poeta italiano en dialecto romano. Influído por Carlo Porta, mantivo unha actitude voltariana e anticlerical. Deixou inéditos máis de 2.000 sonetos I Sonetti romaneschi (Os sonetos romences, 1886-1889), onde describe e satiriza os costumes e artificiosidades da vida romana.

PERSOEIRO

Arquitecto castelán instalado en Lugo. Sitúase a medio camiño entre o eclecticismo e o historicismo. Entre as súas obras destaca o edificio do Círculo das Artes de Lugo.

PERSOEIRO

Almirante e explorador estonio. Navegou ao redor da Antártida nunha expedición da mariña rusa entre 1819 e 1821, que foi a primeira en descubrir terras ao S do Círculo Polar Antártico (a Illa de Pedro I e a Terra de Alexandre I), no mar que leva o seu nome.