"Valle" (Contén)

MUNICIPIOS

Municipio da provincia de Granada, Andalucía, situado en La Hoya de Guadix (2.366 h [2001]). A economía baséase na agricultura de regadío.

TERRITORIOS

Territorio de Europa Centromeridional, situado nos Alpes Occidentais, que coincide aproximadamente coa rexión autónoma italiana do mesmo nome (3.263 km2; 119.356 h [2001]). Encadrado polos Alpes Peninos, ao N, e polos Alpes Graios, ao S, limita ao N co cantón suízo de Valais, ao O con Savoia (Francia) e ao S e ao L con Piemonte. A súa capital é Aosta. Trátase dun val completamente alpino, que goza, non obstante, dun clima de abrigo. A poboación concéntrase no val do río e é de fala francoprovenzal. Cultívanse patacas, viño e froita e a gandaría bovina, orixinou unha industria láctea que produce o queixo fontina. A actividade industrial está representada pola produción de enerxía hidroeléctrica e pola extracción de mineral de ferro e o turismo é outra fonte de riqueza. Na primeira metade do s XI foi cedido á casa de Savoia e en 1238 converteuse en ducado. Os primeiros atentados contra a autonomía iniciáronse co nacemento do Reino de Italia (1860), coa...

MUNICIPIOS

Municipio da provincia de Santa Cruz de Tenerife, Canarias, situado na costa O da illa de La Gomera (4.239 h [2001]). A súa economía baséase no cultivo de plátanos, a pesca e o turismo.

GALICIA

Historiador da arte. Doutorouse coa tese Las fundaciones de Clairvaux en la Galicia medieval. Filiación directa: el siglo XII (1981). Director do Museo de Pontevedra desde 1986, especializouse no estudo da arte medieval. Comisario de numerosas exposicións e colaborador de diversas publicacións, das súas obras destacan El monasterio de Armenteira (1977), La arquitectura cisterciense en Galicia (1982), Les Fondaments de l’architecture de l’ordre de Citeaux (1982) e Castelao e as cruces de pedra (1999). Ademais coordinou Imaxes da arte en Galicia (1991), Do tardogótico ao manierismo (1995) e Desde el cielo a Pontevedra (2003). Membro da Real Academia de Bellas Artes Nuestra Señora del Rosario, pertence a diversas academias e sociedades artísticas e históricas.

GALICIA

Profesor e escritor. Colaborador da revista Dorna, publicou Historias da cidade do deserto (1988) e Paradise lost (1996), así como diversos relatos curtos en obras colectivas.

PERSOEIRO

Escritor, pai de Ramón del Valle-Inclán. Secretario do Goberno Civil de Pontevedra, relacionouse con diversos intelectuais do Rexurdimento. Afín ás doutrinas de Montero Ríos, nos seus artigos amosouse como un hábil polemista. Colaborou en La Ilustración Gallega y Asturiana, La Opinión Pública e El Progreso, e fundou La Voz de Arosa. Foi membro correspondente da Real Academia de Historia.

PERSOEIRO

Pintor, fillo de Ramón María del Valle-Inclán. Durante a Guerra Civil foi enlace do estado maior de Líster e en 1939 foi evacuado a Francia e internado no campo de concentración de Saint-Cyprien. Pablo Neruda, embaixador de Chile en Francia, levouno a Chile onde iniciou a súa traxectoria artística, ata que en 1958 regresou a España. Realizou unha pintura figurativa intimista e cultivou a paisaxe e o bodegón.

GALICIA

Bibliófilo e escritor. Foi o fundador do primeiro xornal de Galicia, El Catón Compostelano (1880), e promotor-fundador da primeira Biblioteca Pública da Universidade de Santiago de Compostela. Escribiu Instrución para el establecimiento de la Biblioteca Pública de la Universidad de Santiago.

GALICIA

Xornalista e escritor, irmán de Ramón Mª del Valle-Inclán. Licenciado en Dereito, foi avogado do Estado en Pontevedra (1892) e notario. Colaborou, xunto co seu irmán, na redacción de La Voz de Arosa e noutros xornais de Pontevedra e Santiago de Compostela. Adscrito ao movemento rexionalista, publicou Escenas gallegas (1894), chea de trazos costumistas e realistas.

GALICIA

Escritor. Tras a morte do seu pai (1890), decidiu marchar a Madrid, onde entrou en contacto cos círculos literarios. Posteriormente viaxou a México (1892) e Cuba, colaborou en diversas publicacións periódicas e escribiu unha serie de narracións amorosas que publicou ao seu regreso a España (1893) co título de Femeninas (1895). Na súa obra, o propio autor recreouse a si mesmo como personaxe literaria, ofrecendo unha imaxe bohemia, extravagante e pintoresca. Tradicionalmente está adscrito á Xeración do 98, pero esta adscrición faise unicamente segundo criterios cronolóxicos, pois non responde a criterios estéticos nin ideolóxicos. A súa poesía pertence ao modernismo, aínda que o último libro conecta xa co esperpento. As tres recompilacións Aromas de leyenda (1907), El pasajero (1920) e La pipa de Kif (1919) foron reunidas no volume Claves líricas (1930). Por outra banda, a obra narrativa oriéntase tamén desde a estética modernista cara á técnica...

CAPITAIS

Capital do departamento de César, Colombia, situada na chaira que se estende entre a Serranía de Perijá e Sierra Nevada de Santa Marta (263.247 h [1999]).

MUNICIPIOS

Municipio da provincia de Santa Cruz de Tenerife, Canarias, situado no sector NO da illa de La Gomera (2.798 h [2001]). Dedicado principalmente á agricultura, ten industria alimentaria e destaca a pesca.

PERSOEIRO

Poeta. En 1918 publicou o seu primeiro libro de poemas, Los heraldos negros, de influencia modernista, ao que seguiron o vangardista Trilce (1922), a novela El Tungsteno (1931) e o póstumo Los poemas humanos (1939).

PERSOEIRO

Psiquiatra e escritor. Doutor en Medicina, especializouse en neuropsiquiatría. É autor de obras de divulgación como Psiquiatría clínica (1958), Introdución a la Psiquiatría (1960) e Ante la depresión (1987); e de creación literaria, como Concierto para instrumentos desafinados, Locos egregios (1981), Mishima o el placer de morir (1983), Yo, el rey (1985) e Yo, el intruso (1987).

MUNICIPIOS

Municipio situado na provincia de Las Palmas, Canarias, no sector montañoso (3.949 h [2001]). Ademais de ser núcleo turístico destaca pola agricultura e o armentío lanar.

CAPITAIS

Capital do estado de Malta (7.212 h [2001]). É o principal centro e porto da illa, que se ergue ao NO sobre un promontorio rochoso, que se sitúa entre os golfos de Grand Harbour, ao L, e Marsamucetto, ao O. Na súa economía destacan o turismo e o comercio. Fundouna en 1566 Jean Parisot de la Valette, gran mestre da orde de Malta, de quen tomou o nome, e converteuse en capital da illa en 1570. Base naval e militar, foi explotada polos británicos a partir de 1814 e pola OTAN ata 1979.

MUNICIPIOS

Municipio situado na provincia de Barcelona, Catalunya (2.540 h [2001]). É un lugar de veraneo e de segunda residencia.