"sin" (Contén)

1. Cataplasma que se prepara con fariña de mostaza e auga tépeda a partes iguais. Foi empregada como excitante do centro respiratorio e do corazón.

2. Sinal que queda na pel no lugar onde se aplicou esta cataplasma.

1. Rexión que está situada entre o axón dunha neurona e as dendritas da seguinte que permite a transmisión de impulsos nerviosos nun único sentido. A transmisión do impulso nervioso dunha neurona a outra (sinapse nerviosa) ou dunha neurona motora a unha célula muscular (sinapse neuromuscular) implica a liberación por parte das neuronas de determinadas substancias químicas (neurotransmisores) que se unen aos receptores das neuronas seguintes desencadeando o impulso nervioso.

2. Emparellamento de dous cromosomas homólogos que se produce durante a profase meiótica.

1. Relativo ou pertencente aos sináptidos.

2. Réptil fósil da subclase dos sinápsidos.

3. Subclase de réptiles que apareceron durante o Carbonífero; foron moi abundantes no Pérmico e extinguíronse durante o Triásico e excepcionalmente no Cretáceo. Incluía as ordes dos pelicosauros e dos terápsidos.

PRAIAS

Praia situada na ría de Arousa, na parroquia de Vilanova de Arousa, no concello homónimo.

PERSOEIRO

Cantante e actor. Coñecido como Frank Sinatra, a partir de 1939 acadou o éxito actuando en directo acompañado por diversas orquestras. Da súa discografía destacan Swing Easy (1955), Come Fly with Me (1958), Strangers in the Night (1966) e Frank Sinatra Duets (1993). No cine limitouse nun primeiro momento ao xénero musical, pero co tempo demostrou o seu talento dramático. Destacan os filmes From Here to Eternity (1953), The Man With the Golden Arm (1956), The Detective (1967) e Listen Up: The live of Quincy Jones (1990).

1. 1. Nome, apelido e xeralmente rúbrica, autógrafos, cos que se subscribe un documento para certificar quen é o seu autor, quen aproba o seu contido, quen interveu nel ou quen estivo presente na súa redacción. Nun principio indicaba o sinal autógrafo anteposto á subscrición e que adoitaba substituíla, pero a partir do uso do selo (s XII) caeu en desuso. Designou despois a marca profesional do notario, que se ía adornando ata chegar a facer debuxos complicados (ss XIII-XIV) chamados signo maior, aos que, para facilitar a súa identificación, se lles engadían en cursiva algunhas letras do nome ou todo o nome, seguidas da rúbrica ou signo menor, orixe da sinatura actual. Desde un punto de vista xurídico, a sinatura ten que incluír o nome patronímico e os apelidos, aínda que se admite tamén a media sinatura, en que se omite o nome de pía. No caso das persoas que non saben escribir, a validez é acreditada pola impresión dixital do dedo índice ou, nalgunhas actas notariais, pola mención expresa do...

   2. Nome do autor dunha obra de arte, inscrito nunha parte visible ou non visible dela, como constancia da súa paternidade.

2. Acción de asinar.

3. 1. Serie ordenada de símbolos, expresados polo xeral mediante cifras ou letras, que corresponden normalmente ás materias das que tratan os libros ou á cronoloxía ou topografía dos documentos. Serve para ordenalos en bibliotecas e catálogos, de acordo cos diversos sistemas de clasificación.

   2. Indicación da signatura no lombo dos libros, e moitas veces no frontispicio ou noutra páxina, e que consta tamén nas fichas do catálogo.

4. 1. Sinal posto ao pé da primeira páxina de cada prego dun libro que serve para indicar como hai que pregalo e a orde en que hai que colocar os pregos durante o alzado. A signatura adoita consistir nunha sigla, que indica a obra á que pertence o prego, seguida do número de orde de cada prego.

   2. Cada un dos pregos que compoñen un volume.

5. ...

1. Relativo ou pertencente aos sincáridos.

2. Crustáceo da superorde dos sincáridos.

3. Superorde de crustáceos, da clase dos malacostráceos, que teñen o corpo alongado sen cuncha calcaria, o primeiro somito torácico soldado á cabeza, os ollos -se os teñen- sésiles ou pedunculados, e as antenas e anténulas bífidas. Son animais propios das augas doces e cavernícolas.

1. Núcleo diploide que se orixina pola unión de dous núcleos haploides dos gametos masculino e feminino.

2. Parella nuclear que se produce nos fungos por sucesivas divisións conxugadas de dous núcleos sexuais acoplados pero non unidos.