"AN" (Contén)

MUNICIPIOS

Municipio de Ciudad Real, Castela-A Mancha, regado polo Záncara (13.892 h [1996]). Trátase dun importante núcleo agrícola, onde os cereais, a viña e as oliveiras, son os principais produtos cultivados. As industrias alimentarias, sobre todo de fariña e derivados, viños, queixos e o sector téxtil complementan a súa economía. Nos últimos anos potenciouse a actividade turística. Existen numerosos muíños de vento nas proximidades. Constitúe unha das principais localidades da rota de don Quixote.

CAPITAIS

Capital do estado de Mato Grosso do Sul, na rexión Centro-Oeste do Brasil (600.069 h [1996]). Localizada nun altiplano entre os ríos Guaraná e Paraguay, é unha cidade industrial e comercial situada na liña de ferrocarril de São Paulo a Corumbá. Tamén posúe aeroporto e un centro de ensino superior, a Universidade Federal de Mato Grosso do Sul, fundada en 1970.

GALICIA

Escultor. Recibiu unha bolsa da Deputación de Pontevedra para viaxar a Roma, onde realizou a obra titulada Protección. É tamén autor da escultura de Eduardo Vicenti situada en Pontevedra.

GALICIA

Xornalista. Exerceu como xefe da oficina da Sociedade de Beneficiencia de Naturales de Galicia e como secretario da asociación iniciadora da Academia Galega. Foi director dos xornais Vida Gallega e La Vida Gallega en Cuba e colaborou no Diario español. Publicou un índice temático das revistas científicas galegas do s XX. Á súa morte, os seus fillos doaron a importante biblioteca que posuía á sección galega do Instituto de Literatura y Lingüística de La Habana.

IGREXAS

Igrexa parroquial situada en Santiago de Compostela. Obra de Melchor de Prado Mariño proxectouse en 1795. Ten planta rectangular cunha soa nave cuberta con bóveda de canón e unha ábsida semicircular. Nos muros laterais ábrense altares articulados por medio de arcos de medio punto enmarcados en pilastras xónicas. Na fachada, caracterizada pola súa sobriedade, destaca a ventá semicircular que proporciona iluminación ao interior, o frontón triangular do remate e o campanario.

IGREXAS

Igrexa da parroquia de Santa María de Castelo, en Taboada, que doou o Rei Afonso II no 897, xunto coa súa vila. Da antiga fábrica románica do s XII consérvase a portada principal que está formada por unha dobre arquivolta tórica rodeada de billetes apoiados sobre dúas columnas e por un tímpano decorado cunha cruz entrelazada. A espadana, do s XIX, é de dous vans. A planta primitiva transformouse, elevouse á ábsida e abriuse unha sancristía. A cuberta da nave e da ábsida eran de madeira a dúas augas.

IGREXAS

Igrexa parroquial situada na Coruña. Datada no s XIV, conserva sinais románicos aínda que sufriu moitas transformacións. Ten tres naves e cabeceira con ábsida semicircular. Posúe tres portadas. Os tímpanos da fachada norte e sur (a máis antiga) están esculpidos, aínda que non se aprecie con claridade. En 1879 a fachada principal adiantouse, e eliminouse o pórtico. En 1945 desmantelouse a igrexa para previr un derrubamento. Na fachada principal os motivos decorativos son a Anunciación e a Epifanía, e as arquivoltas están decoradas coas figuras de anciáns que poden identificarse cos apóstolos e coa figura do Salvador no centro. Foi declarada Ben de Interese Cultural en 1931.

PERSOEIRO

Mestre de obras. Traballou en Santiago de Compostela na primeira metade do s XVI. Participou en 1536 nas obras do colexio de Fonseca e en 1541 no mosteiro de San Francisco, ano no que lle traspasou o seu título de mestre da igrexa de Santiago a Alonso Antonio, boticario desta cidade.

PERSOEIRO

Pintor e dourador de retablos. Desenvolveu o seu traballo en Santiago de Compostela, onde realizou o dourado do retablo maior do convento de San Domingos de Bonaval en 1693 e dos retablos de san Francisco Xavier e de san Ignacio na igrexa da Universidade en 1705.

IGREXAS

Igrexa parroquial situada en Chantada. Románica do s XII, ten unha soa nave e unha ábsida rectangular. No testeiro atópase unha pequena ventá semicircular con columnas acobadeladas nas xambas. O arco triunfal é semicircular peraltado, elevado sobre semicolumnas pegadas. A nave ten unha cuberta de madeira a dúas augas mentres que a ábsida se cobre cunha bóveda de canón da mesma directriz que o arco triunfal. A portada principal e a sur están formadas por unha dobre arquivolta semicircular sostida por columnas acobadeladas nas xambas. A espadana é do s XVIII. A tradición conta que a igrexa se erixiu en lembranza dunha batalla librada no s IX entre Ramiro I e os normandos.

GALICIA

Xornalista. Realizou estudios de xestión e produción editorial en 1976. Profesor titular de produción e xestión de empresas informativas na facultade de Ciencias da Información da Universidade de Santiago de Compostela, comezou a súa actividade xornalística en El Progreso, Hoja del Lunes, El Ideal Gallego e en Radio Lugo EAJ 68; posteriormente colaborou nos xornais Informaciones e Nuevo Diario de Madrid. Durante sete anos foi director de produción de Akal Editor. Exerceu tamén como delegado en Lugo de La Voz de Galicia, como subdirector e director de La Región de Ourense (1985-1990) e, seguidamente, foi director xeral da Axencia Galega de Noticias. En 1994 foi nomeado director xeral da Compañía de Radio Televisión de Galicia. Publicou os libros A reconversión da prensa en Galicia (1982-1992), A transformación das estruturas empresariais e profesionais do sector (1994), A comunicación rexional en Europa (1997), As novas fronteiras do xornalismo (1999), Brañas xornalista, un labor descoñecido...

PERSOEIRO

Prateiro. Veciño de Valladolid, en 1654 asinou un contrato co cabido da catedral de Santiago de Compostela para realizar traballos en metal na capela maior, baixo as ordes de Peña de Toro. En 1657 abandonou a cidade compostelá.

GALICIA

Poeta e crítico. Licenciado en Filosofía e Letras, especializouse en artes gráficas. Empregou o pseudónimo de Alejandro Finisterre. Foi colaborador de radio, televisión e prensa de distintos países. Fundou a revista Paso a la juventud (1946); xunto co poeta Rafael Sánchez Ortega, foi redactor xefe do xornal bilingüe L’Espagne e director da empresa editorial Ecuador 0° 0’ 0, Revista de poesía universal, en México. Amais, foi o inventor do futbolín. Publicou os poemarios Cantos Quintos (1946), Cantos esclavos (1948), Cantos rodados (1950), Café, coñá y puro (1956) e Rial (1964), entre outros, o ensaio Con, sin, sobre, tras la poesía (1959) e a peza dramática Del amor y de la muerte (1961). Como autor de antoloxías poéticas hai que destacar a súa obra Poesía de Galicia contemporánea (1961), acompañada dun estudo preliminar. Tamén realizou os estudios Seis danzas catalanas (1947), Historia...

GALICIA

Praia da parroquia de Camposancos, no concello da Guarda, na desembocadura do río Miño. Os achados arqueolóxicos atopados nesta praia permitiron identificar unha industria lítica peculiar denominada camposanquense.

CARACTERÍSTICAS XERAIS LONXITUDE PRAIA: 700 metros ANCHURA MEDIA: 20 metros GRAO OCUPACIÓN: Alto GRAO URBANIZACIÓN: Aillada PASEO MARÍTIMO: Non

TIPO DE PRAIA COMPOSICIÓN: Area TIPO AREA: Branca CONDICIÓNS BAÑO: Augas tranquilas ZONA DE FONDEO: Non NUDISTA: Non

ASPECTOS MEDIOAMBIENTAIS PRESENZA VEXETACIÓN: Si ZONA PROTEXIDA: Si Tipo: Espazo Natural/Prop. Red Natura 2000 BANDEIRA AZUL: Non

SEGURIDADE EQUIPO DE VIXILANCIA: Si SINALIZACIÓN DE PERIGO: Non POLICÍA LOCAL: Non POSTO CRUZ VERMELLA: Si EQUIPO SALVAMENTO:...

PARROQUIA

Parroquia do concello da Guarda baixo a advocación de santa Isabel.

PARROQUIA

Parroquia do concello de Lalín baixo a advocación de san Cristovo.