"RAM" (Contén)

PERSOEIRO

Maxistrado e político. Foi membro da Audiencia de Cáceres (1833) e deputado por Pontevedra e Tui (1837-1852). Membro do Partido Moderado, foi senador vitalicio e membro do Tribunal Supremo desde 1857. Recibiu a Gran Cruz de Isabel la Católica.

PERSOEIRO

Poeta. Considerado o iniciador da literatura poética contemporánea mexicana, renovou a linguaxe con temáticas novas en que mesturou experiencias do home e o nacionalismo. A súa produción sitúase dentro das correntes posmodernistas, posto que coa súa procura da linguaxe anticipa o ultraísmo e a súa poesía ten dous temas fundamentais, a vida provinciana e o amor. Publicou La sangre devota (1916), Zozobra (1919) e, postumamente, El son del corazón (1932).

GALICIA

Pintor. Coñecido como Ramón Deside, traballou en Catalunya como decorador e realizou altorrelevos en materiais diversos. A súa obra, de carácter informalista, mostra unha depuración das formas, cun labor destrutivo de todo o que considera inútil. Empregou os materiais grosos que provocan sensacións escultóricas para crear espacios novos. Realizou exposicións en Catalunya e en Galicia, e participou nas mostras de Arte Galega na Colección Caixavigo.

GALICIA

Enxeñeiro xeógrafo. Oficial da Armada, foi director do servizo rexional de Galicia do Instituto Geográfico Nacional e do Centro Nacional de Información Geográfica, e presidente da Sociedad Española de Cartografía, Fotogrametría y Teledetección e da Asociación Española de Ingenieros Geógrafos. Formou parte do comité especial de negociación con EE UU e Rusia do sistema europeo de navegación por satélite GALILEO (1999-2000) e dirixiu o centro de publicacións do Ministerio de Fomento e o Mapa Oficial de Carreteras de España. Escribiu Cartografía, Urbanismo y Desarrollo Inmobiliario (2001).

GALICIA

Filólogo e escritor. Doutor en Filosofía e Letras na Universidade Complutense de Madrid (1966) e catedrático de Filoloxía Románica na Facultade de Filosofía e Letras da Universidade de Valladolid (1973-1977), de Gramática Histórica de la Lengua Española (1977-1981) e de Lingüística e Literatura Galegas (desde 1981) na Facultade de Filoloxía da Universidade de Santiago de Compostela, dirixiu o Departamento de Lingua Española (1977-1981) e de Filoloxía Galega (1981-1988) da Facultade de Filoloxía da Universidade de Santiago de Compostela. Dos seus libros destacan Sobre cronologia do vocabulário Galego-Português (Anotações ao ‘Dicionário etimológico’ de José Pedro Machado) (1968),   La tradución Gallega de la Crónica General y de la Crónica de Castilla (2 vol, 1975-1977) e Crónica Troiana (1985, Premio Losada Diéguez 1985 e Premio da Crítica 1986) así como a participación nos métodos Gallego 1 (1971), Gallego 2 (1972) e Gallego 3 (1974). Tamén é autor de 130 artigos...

GALICIA

Escritor, xornalista e documentalista. Interesado na antropoloxía visual e na relación entre linguaxe fotodocumental e literaria, é autor dos libros de narrativa Morgado (1997), O corazón portugués (2000, finalista do Premio Internacional de Novela Eixo Atlántico) e a biografía Carlos Casares (2003). Ademais, elaborou os libros de fotografía Aceiro sobre a auga (1991) e As Pontes (1992), e a entrevista Carlos Casares, nove retratos e unha conversa inacabada (2002). Tamén destacan dous relatos nos libros colectivos Materia prima (2002) e A semente aquecida da palabra (2003). Recibiu o Premio Caminhos da Memoria (2001) polo ensaio fotográfico A escura terra de Escandoi.

GALICIA

Relixioso franciscano e arabista. Doutor en Filoloxía Semítica (1968), foi superior dos franciscanos en Marrocos e vigairo xeral do arcebispado de Tánxer. Especializouse na historia marroquí do s XVIII e da súa obra destaca Ensayo historiográfico sobre el sultanato de Sidi Muhammad B. Abd Allah (1757-1790) (1967).

GALICIA

Xornalista e escritor. Vinculado aos ambientes culturais de Santiago de Compostela e influído por Ramón Piñeiro, integrouse no Partido Socialista Galego (PSG) trala súa fundación, como coordinador do grupo galeguista universitario. Defensor dunha solución federal para Galicia, colaborou no xornal La Noche, xunto con Borobó e outros destacados galeguistas. Traballou na sección española da BBC en Londres (1957-1962) e logo en Radio Nacional de España como correspondente nesa mesma cidade. Tradutor especializado da ONU, exerceu como correspondente da Axencia EFE en Madrid e Rio de Janeiro. Relator e colaborador de publicacións na emigración, foi director para América Latina e España da axencia Forum World Features. Da súa produción destacan Vicente Risco na cultura galega (1963), Problemas do noso tempo e O anti-intelectualismo.

PERSOEIRO

Rei de Francia (936-954), fillo de Carlos III o Simple. Despois da derrota do seu pai en 923, refuxiouse a carón do seu avó, o duque de Wessex. Fíxose co poder despois da morte de Rodolfo I de Borgoña e durante o seu reinado mantivo enfrontamentos co conde de París, o Emperador Odón I e Hugo o Grande.

PERSOEIRO

Político británico. Membro fundador do Labour Party, presidiu o partido en 1911 e gobernou nos primeiros gobernos laboristas (1923-1924 e 1929-1931). En 1931 presidiu un goberno nacional de concentración, con conservadores e liberais, e   foi expulsado do partido. Dimitiu do cargo de primeiro ministro en 1935.

1. Tecido feito á man con fíos trenzados ou anoados.

2. Fío groso que se utiliza para facer bordado.

PERSOEIRO

Teorizador político, ensaísta e diplomático. Partidario do anarquismo, evolucionou cara á ideoloxía de dereitas, e en La crisis del humanismo (1919) propugnou un retorno aos valores católicos e tradicionais. Coa proclamación da Segunda República (1931) dirixiu a publicación reaccionaria Acción Española e en Galicia colaborou na revista Spes, editada en Pontevedra. Escribiu Hacia otra España (1899), Don Quijote, Don Juan y La Celestina (1926), Norteamérica desde dentro (1926), Defensa de la Hispanidad (1934) e o ensaio La brevedad de la vida en la poesía lírica española (1935).

PERSOEIRO

Atleta. Debutou como internacional en 1965 e foi campión nacional absoluto de 100 metros lisos (1967,1968 e 1969), de 200 metros lisos (1968 e 1969) e de 400 metros lisos (1966). Participou nos Xogos Olímpicos de México (1968).

PERSOEIRO

Politicólogo. Doutor en Dereito (1982) e catedrático de Ciencias Políticas e da Administración (1993).   Colaborou en Grial, A Trabe de Ouro e   Journal of Political Ideologies. Das súas obras destacan O rexionalismo galego, organización e ideoloxía: (1886-1907) (1982), Alfredo Brañas: el ideario del regionalismo católico-tradicionalista (1983), O Nacionalismo Galego: organización e ideoloxía (1897-1904) (1984), As Institucións políticas no Estatuto de Autonomía para Galicia (1988), A idea de nación (1996) e O pensamento político de Murguía (1999). En colaboración con R. L. Blanco Valdés e X. A. Portero Molina publicou Las elecciones en Galicia: El Parlamento Gallego (1982);  con Vilas Nogueira, Caamaño Domínguez e Rivera Otero O sistema político de Galicia: I. As Institucións (1994); e con E. Guitián e A. Arteta Teoría política (2003). Recibiu o Premio Galicia de Investigación en...

RIOS

Río de Nova Guinea, resultado da unión ao N da serra de Nassau, de Idenburg e Rouffaer. Desemboca no Océano Pacífico preto do cabo de Urville.