"BS" (Contén)

Doutrina segundo a que a presenza de Cristo na Eucaristía non comporta que desaparezan as substancias do pan e do viño. Defendérona Lutero e as igrexas luteranas.

Que é propio da substancia dun ser ou dunha cousa.

Calidade de consubstancial.

Político da educación. Foi secretario de Estado para a Educación e a Cultura durante a presidencia de J. F. Kennedy e despois director da Fundación Ford para o Avance da Educación. No seu informe The World Educational Crisis (A crise educacional mundial, 1968) avaliou as tendencias e cambios que se detectaban nas políticas educativas estatais e destacaba os problemas e tamén as oportunidades ás que había que enfrontarse. Despois foi director (1963-1968) do Instituto Internacional de Planificación Educativa, dependente da UNESCO, vicepresidente do Consello Internacional para o Desenvolvemento Educativo (CIDE) e pertenceu á Comisión Asesora Internacional para a Reforma Educativa Española de 1970. Posteriormente, a petición da UNESCO, elaborou un novo informe, The World Crisis in Education: The View from the Eighties (A crise mundial en educación: unha visión dende os oitenta, 1985), onde se revisaban os cambios mundiais no desenvolvemento educativo dende 1968 e se puña de...

Proba baseada na capacidade dos anticorpos, preparados en animais e dirixidos contra as proteínas do soro humano (fundamentalmente inmunoglobulinas e complemento), para aglutinar os eritrocitos. Cando estas proteínas séricas están unidas á superficie dos eritrocitos chámase proba de Coombs directa. Para comprobar se no soro do paciente hai anticorpos contra eritrocitos doutras persoas, a proba faise poñendo en contacto estes eritrocitos co soro do paciente e recibe o nome de proba de Coombs indirecta.

Acción de desobstruír.

Que ou o que serve para desobstruír, especialmente os medicamentos empregados para desfacer unha obstrución no organismo.

Facer que algo deixe de estar obstruído.

Espectáculo de mimo que se intercala nas obras de teatro como anticipación ou resumo das escenas faladas, que constitúen a acción principal. Foi un recurso dramático frecuente na época Tudor inglesa. Empregouse, por exemplo, en Gorboduc (1561), de Thomas Sackville e Thomas Norton. Desde 1630 perdeu popularidade e rexurdiu máis adiante baixo a forma da pantomima.

Revista bimestral aparecida en xaneiro de 1975 na Coruña. Dirixida por José L. Vázquez Dequit, tentaba consolidarse como un instrumento máis ao servizo da educación, ofrecendo información e colaboracións de diversos países. Incluíu numerosas reportaxes e artigos relacionados coa educación comparada, os recursos didácticos, a psicoloxía e a socioloxía da educación, a formación do profesorado, a educación especial, as técnicas de traballo nas aulas e a organización escolar.

Asociación fundada en Santiago de Compostela en 2002. A Xunta xestora quedou constituída, entre outros, por Xosé Mª Álvarez Cáccamo, Nemesio Barxa, Laura Bugallo, Marcelo Couñago, Rosa Chapela, Óscar Fernández Refoxo, Gustavo García, Marcial Gondar, Celso López Pazos, Fernando Martínez Randulfe, Afonso Ribas, Xosé Manuel Sarille, Elvira Souto, Elías Torres e Vítor Vaqueiro. O 19 de xullo presentaron en Santiago o seu Manifesto fundacional pola recuperación das liberdades públicas, co fin de facer un chamamento fronte ao recorte das liberdades e contra a pasividade cidadá.

Organización europea de investigación e observación astronómica, fundada en 1962 e con sede en Garching (Alemaña). Dispón dunha localización austral, situada a 2.400 m de altura, en La Silla (Chile).

Texto dramático publicado en 1934 por Antón Villar Ponte, que o presentou como un folk-drama, e que supuxo a concreción literaria de toda unha teoría sobre un teatro nacional. Partiu das achegas realizadas polos dramaturgos angloirlandeses John Millington Synge e William Butler Yeats e da pegada de Ramón María del Valle-Inclán. A peza mostra unha Galicia máxica de entreséculos. Trátase dun dos textos máis interesantes da creación dramática anterior á Guerra Civil, na que agroma con forza unha materia dramática rica e complexa, fortemente asentada na tradición popular galega e onde realismo, simbolismo e expresionismo se mesturan.