"Galle" (Contén)

PUBLICACIÓNS

Publicación mensual aparecida en Bos Aires o 1 de novembro de 1936. Subtitulada “Órgano de la acción gallega de cruzados de Santiago Apóstol”, cesou a súa edición en abril de 1942 (nº39). Baseada nos ideais da Igrexa católica, rexeitaba o bolxevismo. Ademais de novas de carácter político e relixioso, incluíu algúns poemas en galego.

PUBLICACIÓNS

Publicación aparecida en 1980 na Coruña. Na súa redacción participaron Xosé Romero, Agustín Romero, Manuel G. Espiña, E. Vidal Abascal, José A. Gaciño, Juan Naya e Plácido Lizancos. Tentaba recoller información de interese para as comunidades de emigrantes galegos espalladas polo mundo. Imprimiuse nos obradoiros tipográficos de Moret.

GALICIA

Xornalista e político. Licenciouse en Filosofía e Letras na Universidad de Valladolid. Fundador e director do xornal tradicionalista El Radical, posteriormente exerceu como redactor xefe e director de La Región. Continuou o seu labor xornalístico en El Heraldo Orensano. Foi presidente da Deputación de Ourense, director da Escola de Comercio e delegado de Educación e Descanso. Como investigador de temas relacionados coa historia local e provincial publicou Poesías de José García Mosquera (1817-1868) (1948) e Valentín Lamas Carvajal. Estudio biobibliográfico (1950). Recibiu un premio do Centro Gallego de La Habana polo seu traballo “Curros Enríquez, periodista”.

SEMANARIOS

Semanario aparecido en Pontevedra a partir do 7 de xullo de 1861. Cesou a súa edición en febreiro de 1862. Subtitulouse “Periódico de intereses morales, intelectuales, materiales y satírico”. Dirixido por Manuel A. Couto, imprimiuse nos obradoiros tipográficos de Pazos e Antúnez. Como substituto de El Ferro-Carril, incluíu informacións semellantes.

PUBLICACIÓNS

Publicación de tendencia carlista aparecida en Santiago de Compostela en 1887.

PUBLICACIÓNS

Publicación mensual editada en Bos Aires a partir do 15 de agosto de 1909 como “Órgano de la sociedad Pro Escuela en Bandeira”. Cesou probablemente a súa edición en 1913. Dirixírona J. M. López e Antonio S. Freán. Incluíu, ademais de información societaria, novas sobre Galicia, artigos e colaboracións literarias. O 5 de febreiro de 1913 apareceu o xornal Lux que pretendía ser o seu continuador. No ano 2002, Ir Indo Edicións publicou unha edición facsimilar de ambos os dous xornais, coordinada por Xosé Manuel Ma-lheiro e acompañada dun estudo preliminar no que se analiza a situación educativa en Galicia a principios do s XX.

PUBLICACIÓNS

Publicación mensual editada na Coruña a partir de xullo de 1944 e subtitulada “Revista jurídica de Galicia”. Dirixida por Francisco Jiménez de Llano, incluía unha sección doutrinal, un resumo lexislativo, bibliografía e xurisprudencia comentada. Na súa segunda época, a partir de xaneiro de 1950, converteuse en bimestral e subtitulouse “Revista legislativa y jurisprudencial”. Contaba cun consello de redacción presidido por Luis Legaz Lacambra. Cesou a súa edición en decembro de 1953.

PUBLICACIÓNS

Publicación mensual editada en La Habana a partir do 5 de xullo de 1885. Cesou a súa edición o 18 de decembro de 1887. Reapareceu nunha segunda época, entre xullo e decembro de 1889, como suplemento de El Eco de Galicia. Fundada por Ramón Armada Teijeiro e Manuel Lugrís Freire, foi o primeiro periódico editado en América integramente en lingua galega. Incluíu narracións en prosa, algúns contos, poemas e fragmentos de O Catecismo do Labrego, de Lamas Carvajal. Caracterízase pola súa preocupación constante sobre a lingua galega.

PUBLICACIÓNS

Publicación humorística editada en La Habana a partir do 7 de xaneiro de 1872. Cesou a súa edición o 11 de febreiro do mesmo ano. Subtitulouse “Semanario humorístico habanero, editado por una infinidad de bolos y gandules bajo la inspiración de el Doctor Triquitraque”. O seu principal responsable foi Miguel Blanco Herrero. Incluíu artigos de costumes locais redactados de forma divertida.

CAPITAIS

Capital do distrito homónimo, Sri Lanka (84.000 h [1990]). A súa economía baséase na exportación dos produtos da rexión. Fundada polos portugueses e ocupada no s XVII polos holandeses, iniciou o seu declive trala ocupación británica da illa de Sri Lanka. Do seu patrimonio cultural destaca a torre fortaleza do reloxo (1663), a antiga casa do gobernador holandés (1684) e a igrexa de Groote.

DISTRITOS

Distrito de Sri Lanka (1.690 km2; 1.568.000 h [estim 1994]). A súa capital é Galle.

PERSOEIRO

Astrónomo alemán. Estudiou na Universität Berlin, onde se doutorou en 1845. Descubriu o planeta Neptuno en 1846 e foi director do observatorio de Breslau desde 1851. Elaborou un método para determinar a paralaxe do Sol.