"Imo" (Contén)

1. Relativo ou pertencente á batimorfoloxía.

2. Forma de relevo submarino.

PERSOEIRO

Escritora. Licenciouse en Filosofía na Sorbona (1929) onde coñeceu a Jean-Paul Sartre, co que compartiu a vida influíndo notablemente no seu pensamento, e onde traballou como profesora. En 1943 iniciouse como escritora coa novela L´invitée (A invitada), onde enfocou a psicoloxía dos personaxes dun xeito renovador; posteriormente en Les mandarins (Os mandaríns, 1954), Premio Goncourt, reflectiu as loitas do intelectual francés ante a realidade da posguerra. Nos seus libros autobiográficos -Mémoires d´une jeune fille rangée (Memorias dunha rapaza formal, 1958), Une mort si douce (Unha morte tan doce, 1964)-, analizou os feitos da propia vida. Escribiu tamén ensaios sobre a filosofía existencialista, como Pyrrhus et Cinéas (Pirro e Cineas, 1944) e Pour une morale de l´ambiguïté (Para unha moral da ambigüidade, 1947), e de política e feminismo, Le deuxième sexe (O segundo sexo, 1949) e La vieillesse (A vellez, 1970). Con...

PERSOEIRO

Pintor e escritor establecido en Culleredo. Estudiou Belas Artes na Slade School de Londres, onde coñeceu a Lucian Freud. Membro da denominada Escola de Londres, relacionouse con Francis Bacon e Michael Andrews. Realizou exposicións en Londres, Europa e Galicia. Como autor, publicou inicialmente poemas en revistas londinenses e a novela The monument (O monumento, 1988). En colaboración co fotógrafo Federico García Cabezón publicou, con poemas seus, En blanco y negro (1997) e realizou un proxecto escultórico no contorno da Torre de Hércules coruñesa.

MUNICIPIOS

Municipio da provincia de València, na Comunitat Valenciana, situado na comarca da Ribera Alta (1.757 h [1996]). Na agricultura predominan os cultivos de regadío, especialmente laranxeiras e hortalizas. Destaca o gando bovino, de orientación dupla, cárnica e leiteira. Lugar poboado de mouriscos, foi o señorío dos condes de Carlet.

PERSOEIRO

Militar e escritor. Despois de percorrer Portugal, Francia e numerosos países de África, ingresou na orde de San Domingos. Estudiou grego e latín, e coñecía o hebreo, o árabe e as linguas dos países nos que estivo. Escribiu as traxedias Nise lastimosa e Nise laureada, publicadas en 1577. O argumento está baseado nos amores entre Inés de Castro e o infante Pedro de Portugal. Escribiu tamén Hesperodia, un poema escrito en dísticos latinos dedicado ás vitorias do duque de Alba Fernando Álvarez de Toledo.

PERSOEIRO

Investigador. Xunto con Robert Cailliau está considerado como un dos creadores do concepto World Wide Web. No ano 1989, ambos deseñaron no Laboratorio Europeo para a Física das Partículas (CERN) un sistema de enlaces entre documentos baseado en conexións hipertextuais. Con este sistema premendo nun determinado fragmento de texto dentro dun documento o ordenador amosaba automaticamente un documento vinculado a el, podendo desde o novo acceder a outros polo mesmo método. En 1990 creou o primeiro navegador e editor de páxinas web.

1. Ordinal correspondente a billón.

2. Fraccionario correspondente a billón.

1. Relativo ou pertencente a dúas moléculas. 

2. Aquilo no que interveñen dúas moléculas.

3. Reacción que transcorre en cada etapa elemental entre dúas moléculas.

1. Que ten dous motores.

2. Avión provisto de dous motores dispostos, por regra xeral, simetricamente segundo o eixe da fuselaxe, nas ás ou na mesma fuselaxe. No caso de estaren dispostos nas ás, están situados cara ao intradorso ou o extradorso, ou máis ou menos adiantados respecto da fuselaxe, co fin de acadar o equilibrio necesario para continuar o voo en caso de parada dun dos motores.

PARROQUIA

Parroquia do concello de Boimorto baixo a advocación de Santiago onde se atopa a entidade capital municipal, Gándara.

PARROQUIA

Parroquia do concello de Vilamarín baixo a advocación de santa Baia.

GALICIA

Concello da comarca de Arzúa, situado na provincia da Coruña no centro da Comunidade Autónoma. Limita ao N cos concellos de Mesía (comarca de Ordes) e Vilasantar (Betanzos), ao S cos de Melide (Terra de Melide) e Arzúa, ao L co de Sobrado (Terra de Melide) e ao O cos municipios de Frades (Ordes) e Mesía. Abrangue unha superficie de 82,4 km 2 cunha poboación de nos que residen 2.370 h (2007), distribuídos nas parroquias de Andavao, Os Ánxeles, Arceo, Boimil, Boimorto, Brates, Buazo, Cardeiro, Corneda, Dormeá, Mercurín, Rodieiros e Sendelle. A capital, Gándara, situada na parroquia de Boimorto, a 42° 59’ 5’’ de latitude N e 8° 8’ de lonxitude O, está a 47 km ao L de Santiago de Compostela. Está adscrito ao partido xudicial de Arzúa e á arquidiocese de Santiago.
Xeografía física
O concello de Boimorto sitúase baixo o dominio climático oceánico húmido, aínda que nos rexistros térmicos presenta trazos típicos do interior, tendentes a unha certa continentalización:...