"Ise" (Contén)

PERSOEIRO

Actriz cinematográfica norteamericana. Procedente do music-hall, arraigou no cine con A Girl Every Port (1927) encarnando o tipo erótico da época europea.

PERSOEIRO

Teólogo protestante irenista. Coñecido co nome de Calixtus, desde 1614 foi profesor de teoloxía en Helmstedt, onde elaborou o sistema do sincretismo que procuraba reconciliar os luteranos, os calvinistas e os católicos.

PERSOEIRO

Rei de Persia (530-522 a C). Príncipe aqueménida, fillo e sucesor de Ciro II o Grande. Asociado ao reinado de seu pai, no 538-530 a C gobernou como rei de Babilonia. Mandou asasinar o seu irmán Bardiya (ou Smerdis), gobernador de Media e Armenia. No 525 tomou Menfis e fíxose nomear faraón de Exipto, onde seica gobernou de forma tiránica. A revolta de Gaumata, que se fixera pasar por Bardiya, obrigouno a volver a Persia e parece ser que se suicidou durante o camiño.

1. Relativo ou pertencente á camisa.

2. Aplícase ao colo das prendas de vestir semellante ao das camisas.

3. Persoa que fai ou vende camisas.

1. Peza de vestir interior, normalmente de punto, confeccionada con algodón, flanela ou outros materiais, con ou sen mangas e sen colo, que cobre o tronco e sobre a que se pon unha camisa ou calquera outra roupa.

2. Peza de vestir exterior feita con diversos materiais, con ou sen mangas e sen colo, que cobre o tronco.

PERSOEIRO

Gran duque de Saxonia-Weimar-Eisenach, fillo do duque Ernesto Augusto II e de Ana Amalia de Brunswick, rexente do ducado logo da morte do duque en 1758. Gobernou persoalmente desde 1775 e converteu a corte de Weimar no primeiro centro intelectual de Alemaña, con colaboradores como Goethe e Herder; ao mesmo tempo, promocionou a Universidade de Jena, onde ensinaron Schiller, Schelling e Hegel. Foi un dos líderes do Fürstenbund, ou Liga dos Príncipes, establecida por Federico II de Prusia para facer fronte a Xosé II. Participou co exército prusiano na guerra contra a República Francesa. Non obstante , unha vez que as tropas de Napoleón conquistaron Weimar, uniuse á Confederación do Rin, formada por todos os estados xermánicos baixo protección de Napoleón en 1806. Pola contra, en 1813 integrou no exército que se sublevara en Prusia contra a ocupación napoleónica. Polo Congreso de Viena (1814-1815), logrou a ampliación do seu estado e o título de gran duque. No ano 1816 concedeu a primeira constitución...

PERSOEIRO

Bióloga e conservacionista norteamericana. Traballou no US Fish and Wildlife Service entre 1936 e 1952, como encargada de dirixir o servizo de publicacións. Os seus libros Under the Sea-Wind (Baixo o vento mariño,1941); The Sea Around Us (O mar ao noso redor, 1951); The Edge of the Sea (O límite do mar, 1955) e Silent Spring (Primavera silenciosa, 1962), foron premiados e traducidos, caracterízanse pola combinación de rigor científico e un coidado estilo literario. A súa obra, que tratou a problemática ambiental do planeta, constituíu un dos alicerces do movemento ecoloxista.

1. 1. Proceso que orixina un cambio de velocidade das reaccións químicas pola acción dunha substancia que se mantén quimicamente inalterada coñecida como catalizador. Un proceso de catálise pode cambiar a velocidade dunha reacción ou provocar reaccións que non se iniciaron, pero non pode modificar o rendemento da reacción; é dicir, non pode afectar ao valor da constante de equilibrio. Se o catalizador aumenta a velocidade de reacción, fálase de catálise positiva e, se a diminúe, de catálise negativa. Cando a velocidade da reacción varía pola acción dos mesmos produtos de reacción chámase autocatálise. A catálise clasifícase en catálise homoxénea, cando o catalizador está na mesma fase ca as substancias reaccionantes, e catálise heteroxénea, de contacto ou de superficie, cando o catalizador está nunha fase diferente á dos reactivos. A homoxénea limítase a sistemas gasosos e sistemas líquidos; nestes últimos, os exemplos máis importantes...

   2. catálise enzimática

      Acción pola que un enzima produce unha catálise. Algúns enzimas necesitan, para actuar, a colaboración doutras substancias ou coenzimas. O substrato fíxase no centro activo do enzima formando o complexo enzima-substrato, que despois se disocia no enzima non transformado e mais nos produtos da reacción.

2. Termo da escola glosemática que indica a función de restablecer un funtivo non expresado no texto para facelo analizable. Por exemplo se un texto latino se interrompe trala preposición ad, debe repoñerse, mediante a catálise, o caso acusativo, xa que ambas as dúas magnitudes se relacionan por cohesión.

PERSOEIRO

Escritor e publicista ruso. Estudiou na Universidade de Moscova e en 1854 incorporouse á redacción da revista Sovremennik. Combateu as reformas políticas de Alexandre II e interveu na fundación da organización democrática Zeml’a i Vol’a (Terra e liberdade). En 1862 condenárono a presidio e durante o encarceramento escribiu Čto delat’? (Que cómpre facer?, 1863), novela na que expón o seu ideario político-social, de corte populista. Despois dunha curta etapa en liberdade, deportárono a Siberia (1864-1883) e a Astrakhan (1883-1889).

ILLAS

Illa da Melanesia, no arquipélago das illas Salomón, de orixe volcánica (5.850 km2), ao L de Nova Guinea.