"Mut" (Contén)

MUNICIPIOS

Municipio da provincia de Gipuzkoa, Euskadi, situado na costa cantábrica, ao O da desembocadura do río Deba (4.775 h [2001]). A súa economía baséase principalmente na pesca e nas actividades relacionadas con ela, como a salgadura e as conservas. Outras industrias que destacan son as metalúrxicas, as de fabricación de material clínico e a de elaboración de sidra. É un centro de veraneo. Sobresae a igrexa parroquial, de estilo neoclásico.

1. Calidade ou condición de mutuo.

2. Asociación, xeralmente voluntaria, imposta como obrigatoria por algunhas lexislacións laborais, de persoas afectadas por uns mesmos intereses e riscos, para protexer comunmente estes intereses e compartir proporcionalmente a cobertura de riscos por medio dunha contribución de cada asociado en cotas fixas ou variables. No Estado español as mutualidades son de catro tipos: mutualidades mercantís, voluntarias, que realizan calquera tipo de seguro con independencia da previsión social; mutualidades de accidentes de traballo, patronais e de carácter voluntario; mutualidades laborais, creadas e reorganizadas polo Ministerio de Traballo e de carácter obrigatorio; e mutualidades libres, de carácter voluntario e con actividades de previsión social. A súa orixe remóntase ao mundo grecorromano, e as súas configuracións históricas posteriores, como os gremios, desembocaron no gran florecemento de mutualidades do s XIX. OBS: Tamén se denomina mutua.

1. Sistema de prestacións mutuas que é a base da mutualidade. Tras a disolución oficial dos gremios do Antigo Réxime en 1834, as clases obreiras quedaron desprotexidas nos casos de enfermidade, morte ou inutilidade laboral. No seo destas capas sociais xurdiron, durante o mandato da Raíña Isabel II, unhas sociedades de socorro mutuo, instrución e recreo. En Galicia, entre outras, creáronse a Reunión Recreativa e Instrutiva de Artesanos da Coruña (1841), o Círculo das Artes de Lugo (1855) e o Liceo Recreo de Artesanos de Ourense (1850). No Sexenio Revolucionario (1868-1874), os republicanos das diversas cidades galegas reformularon e ampliaron aquelas reivindicacións populares nas chamadas cooperativas de base múltiple, que atendían tanto as necesidades de socorro mutuo coma as educativas, e o cooperativismo de consumo e produción. En 1870 apareceu en Ferrol a Asociación de Trabajadores e, un ano máis tarde, rexistráronse colectivos semellantes en Santiago de Compostela e Vigo, que abranguían...

2. Asociación entre individuos de dúas especies distintas de xeito que se beneficien ambas as dúas. Esta unión non é imprescindible para a supervivencia das dúas especies, de tal xeito que se esta unión se rompe, os dous individuos sobreviven.

1. 1. Relativo ou pertencente ao mutualismo.

   2. Partidario do mutualismo.

2. 1. Relativo ou pertencente á mutualidade.

   2. Membro dunha mutualidade.

3. Individuo que forma parte dunha asociación de mutualismo.

1. Que se dá ou se intercambia de xeito recíproco entre dúas ou máis persoas.

2. Contrato mediante o que o mutuante transmite a propiedade dunha cantidade de diñeiro ou doutra cousa funxible ao mutuario, que queda obrigado a devolver a mesma cantidade de diñeiro ou bens da mesma especie e calidade.

MUNICIPIOS

Municipio da provincia de Alacant, Comunitat Valenciana (15.558 h [2001]. Na súa economía destacan os cultivos de amendoeiras, vide, cítricos e hortalizas.

PERSOEIRO

Fotógrafo. Os seus traballos caracterizáronse por unha mestura de glamour, sexo e imaxe teatral, con especial interese pola imaxe feminina núa en branco e negro. Retratou a Paloma Picasso, Pierre Cardin e Naomi Campbell, entre outros, e as súas fotografías apareceron en Vogue, Stern, Elle, Queen e Playboy. Publicou White Women/Femmes Secrètes (1976), Sleepless Nights/Nuits Blanches (1978) e Helmut Newton: Novas Imaxes (1989), e protagonizou os documentais Helmut Newton (1978) e Frames from the Edge (1988). Recibiu o premio do Instituto de Artes Gráficas de América (1978).

CIDADES

Cidade do ken de Fukuoka, situada na illa de Kyūshū, Xapón (149.214 h [1991]). É unha cidade moderna, que naceu coa industrialización, e que posúe carbón e siderurxia.

1. Acción de permutar unha cousa por outra.

2. Contrato polo que se obriga a cambiar unha cousa por outra, a diferenza da compra-venda en que o cambio se realiza entre unha cousa por diñeiro.