"SAU" (Contén)

1. Relativo ou pertencente aos halosáuridos.

2. Peixe teleósteo da familia dos halosáuridos.

3. Familia de teleósteos haplones, abisais e fisoclistos. Presentan o corpo alongado e afiado con aletas ventrais nunha posición abdominal. Engloba os xéneros Holosaurus, Holosauropsis e Aldrovandia.

1. Relativo ou pertencente a Isauria ou aos isaurios.

2. Dinastía bizantina, orixinaria de Isauria, que gobernou o Imperio de Oriente de 717 a 802. A súa época estivo marcada polas loitas iconoclastas, iniciadas con León III (725), contra o culto das imaxes. Despois que a Emperatriz Irea restableceu o culto das imaxes no Concilio II ;de Nicea (787), León V o Armenio, inciou un novo período iconoclasta (813-843). Durante este período perdéronse boa parte das posesións bizantinas de Italia (Ravenna, 751), e Bizancio e Roma axudáronse mutuamente.

1. Relativo ou pertencente aos itiosauros.

2. Réptil fósil da orde dos itiosauros.

3. Orde de réptiles adaptada á vida acuática, coas extremidades transformadas en aletas. Viviron no Triásico e no Xurásico, e extinguíronse na fin do Cretáceo. O xénero máis coñecido é Ichthyosaurus.

PERSOEIRO

Emperador de Oriente (717-741). Fundador da dinastía isáurica, foi estratega do tema de Anatolia, o que lle permitiu tomar Constantinopla e substituír a Teodosio III no trono. Derrotou os musulmáns e desprazounos ata o comezo do Éufrates, e someteu as provincias de Sicilia e Calabria á autoridade do patriarcado de Constantinopla. Tentou reformar o estado e consolidar a autoridade imperial cunha reforma administrativa e a redución do tamaño dos temas. Ditou dous decretos (726 e 730), polos que se prohibía o culto ás imaxes, feito que orixinou a cuestión iconoclasta.

1. Relativo ou pertencente aos lepidosauros.

2. Réptil da superorde dos lepidosauros.

3. Superorde de réptiles, da subclase dos diápsidos, que inclúe as ordes dos ofidios e os sauros e que comprende os individuos que teñen a pel recuberta de escamas e a segunda fosa temporal pouco definida. Apareceron a finais do Premiano e no comezo do Triásico, e estendéronse por todo o mundo coincidindo coa desaparición dos dinosauros. Constitúen o grupo máis representativo e maioritario dos réptiles.

PERSOEIRO

Político e escritor galés. Cofundou o partido nacionalista Plaid Cymru (1925) e traballou na recuperación do galés, lingua en que escribiu moitos dos seus textos, de xéneros tan diversos como poesía, teatro, ensaio e novela.

PERSOEIRO

Stadhouder de Holanda e Zelanda (1585-1625) e de Utrech e Overijssel (1590-1625), fillo de Guillerme I de Orange-Nassau. Foi nomeado presidente do Consello de Estado das Provincias Unidas (1584) e gobernador e capitán xeral (1587). Á fronte das tropas españolas conquistou Breda (1591), Nieuwpoort (1600) e Rhinberg (1601). Opúxose á Tregua dos Doce Anos (1609-1621).

1. Relativo ou pertencente aos megalosáuridos.

2. Réptil fósil da familia dos megalosáuridos.

3. Familia de réptiles fósiles do grupo dos dinosauros, de grandes dimensións e carnívoros, coa cabeza notablemente pequena e cinco dedos en cada extremidade. Viviron durante o Xurásico e o Cretáceo.

PERSOEIRO

Político arxentino. Ingresou no Partido Justicialista, foi gobernador da provincia de La Rioja por tres veces consecutivas, e en 1976 sufriu prisión durante algúns meses como resultado do golpe militar. En 1988 presentou a súa candidatura para a presidencia do estado, contra o presidente do partido Antonio Cafiero, e nas eleccións de maio de 1989 conseguiu desbancar a Raúl Alfonsín. O 3 de decembro de 1990 puido esmagar a rebelión militar, pero ao cabo de poucos días indultou os cabezas da ditadura fascista. Reelixido presidente en 1995, ocupou o cargo ata os comicios de 1999. En 2003 volveu presentarse ás eleccións pero foi derrotado.

CIDADES

Cidade da provincia de Ontario, Canadá, situada ao SO de Toronto (544.382 h [1996]). Suburbio residencial de Toronto que se converteu nun importante centro industrial, con construcións aeronáuticas, motores e turbinas, derivados do petróleo, caucho e aceiro, plásticos e cemento.