"ues" (Contén)

PERSOEIRO

Cantante e compositor. Iniciou as súas actividades en París en 1953. As súas composicións destacan pola súa calidade poética, musical e por unha gran forza interpretativa, baixo un ton crítico e irónico. Entre os seus títulos salientan Ne me quitte pas (Non me deixes, 1959), On n’oublie rien (Nada se esquece, 1961) e Les bourgeois (Os burgueses, 1962). Como actor participou nos filmes Les risques du métier (Os riscos do oficio, 1967) e L’emmerdeur (1973), e dirixiu Franz (1972) e Le Far West (1972), entre outros.

PERSOEIRO

Escritor e político francés. En 1788 fundou a Sociedade de Amigos dos Negros e, ao producirse a Revolución Francesa, foi elixido deputado por París na Asemblea Lexislativa logrando que esta proclamase a igualdade de dereitos para os negros. Foi un dos dirixentes dos xirondinos. Morreu guillotinado. Entre os seus escritos salientan Teoría das leis criminais (1781) e Ós meus lectores (1793).

PARROQUIA

Parroquia do concello de Boborás baixo a advocación de san Fiz.

1. 1. Relativo ou pertencente ao burgo.

   2. Natural ou habitante dun burgo.

2. 1. Relativo ou pertencente á burguesía.

   2. Membro da clase social da burguesía.

   3. Persoa acomodada económica e socialmente que pertence á clase social media ou alta.

3. 1. Do s X ao XIII, habitante dun burgo.

   2. En Europa na Baixa Idade Media, habitante dunha vila ou cidade.

4. ...

ENTRADA LARGA

Este concepto identifícase co grupo dos capitalistas non agrarios posuidores dos medios de produción; diferéncianse do proletariado en que os membros deste grupo social non precisan vender a forza de traballo para vivir. Dentro deste termo englóbanse industriais, financeiros, burócratas e membros das profesións liberais, xunto coa denominada pequena burguesía -grupo intermedio entre a burguesía propiamente dita e o proletariado- integrada, entre outros, por pequenos artesáns e comerciantes. A burguesía naceu como consecuencia do moderno proceso de industrialización na sociedade capitalista, rompendo as estruturas da sociedade feudal e substituíndo a nobreza como grupo dominante.
Concepto e definición
A noción de burguesía adquiriu significado político durante a Revolución Francesa, evolucionando de xeito paralelo ao capitalismo e adoptando o sentido dunha clase posuidora de bens mercantís, financeiros e industriais, beneficiaria do mercado. Karl...

MUNICIPIOS

Municipio da provincia de Girona, Catalunya, na comarca do Alt Empordá, no cabo de Creus (1.852 h [1996]). Porto pesqueiro na súa orixe, as actividades náuticas deportivas convertérono nun centro turístico de gran relevancia internacional nos anos cincuenta e sesenta, potenciando o carácter de lugar de veraneo das clases burguesas catalanas, que adquirira dende comezos do s XX. Tamén, grazas á residencia do pintor Salvador Dalí, converteuse nun gran centro de atracción para pintores e escritores vangardistas como André Breton, García Lorca, Paul Éluard, Man Ray e Max Ernst, entre outros.

PERSOEIRO

Gravador francés. Foi discípulo de Philippe Thomassin e Giulio Parigi. A súa obra caracterízase pola forza expresiva, polo seu sentido espacial, realismo e composición das masas. Tecnicamente débeselle a substitución do verniz suave polo forte dos xoieiros e dos fabricantes de instrumentos de corda nas augafortes, fórmula que perdurou durante anos. Estableceuse en Florencia ao servizo de Cosme II de Medici, onde gravou Caprichos (1617) e Feira da Impruneta (1620). En 1621 volveu a Francia, ao servizo do duque de Lorena, e gravou Pequena feira (1621) e as series dos Mendigos (1622) e da Nobreza Lorenesa (1623). En 1625 Isabel Clara Uxía solicitou os seus servicios, así que se trasladou a Flandres, onde gravou O sitio de Breda (1628), temática que retomaría en O sitio da illa do rei e O sitio da Rochelle. As súas últimas composicións foron Miserias da guerra (1633) e Suplicios (1634).

PERSOEIRO

Xurista e político. Foi membro do Consello de Lexislación (1793) e ministro de Xustiza (1799) do Directorio tralo golpe de estado de Sieyès. Napoleón Bonaparte nomeouno segundo cónsul (1799), arquichanceler do Imperio (1804) e duque de Parma. Presidiu o Senado e o Consello de Estado en ausencia de Napoleón. Foi un dos redactores do Código Civil francés (1801-1804).

PERSOEIRO

Xeneral francés, barón de Wagram, ao servizo de Napoleón, a quen seguiu á illa de Elba. Tomou parte na Batalla de Waterloo e a el atribuíuselle, como resposta á intimidación a renderse, a palabra merde.

PARROQUIA

Parroquia do concello do Irixo baixo a advocación de santo Estevo.

1. Relativo ou pertencente a Cangas ou aos seus habitantes.

2. Natural ou habitante de Cangas.

PERSOEIRO

Navegante bretón. Francisco I de Francia encargoulle a busca do paso do NO cara ás Indias. En 1534 saíu de Saint-Malo e tocou terra canadense en Gaspé, onde estableceu contactos cos indios, feito que lle deu o nome de descubridor do Canadá. En 1535 fixo unha segunda viaxe e chegou á desembocadura do río San Lourenzo, ao que lle deu este nome, e chegou ata Hochelaga, futura Montreal. En 1541 emprendeu unha terceira viaxe baixo o mando de J. F. de la Roque, con quen intentou fundar unha colonia.

PERSOEIRO

Militar e político peruano. En 1824 participou na Batalla de Ayacucho, e entre 1831 e 1841, nos intentos de invasión de Bolivia. En 1844, logo de enfrontarse cos xefes militares, derrocou o ditador Vivanco. Ocupou a presidencia da República entre 1845 e 1851 e entre 1854 e 1862. Deulle estabilidade política e económica ao país, creou un monopolio sobre a explotación dos depósitos de guano, e aboliu a escravitude dos negros e o tributo persoal dos indios. Promulgou a Constitución de 1860 que introduciu o sufraxio universal.

MUNICIPIOS

Municipio da provincia de Sevilla, Andalucía, situado ao O da cidade de Sevilla e á beira do río Guadalquivir (15.726 h [1996]). Constitúe unha área de expansión da cidade de Sevilla.