"AN" (Contén)

Documento sobre a Guerra Civil española de carácter histórico-doutrinal, publicado o 1 de xullo de 1937. Foi redactado polo cardeal Isidro Gomà e asinado por todos os prelados do estado español, agás o arcebispo de Tarragona e o bispo de Vitoria. O documento axudou decisivamente ao Movemento Nacional ao recoñecerlle ao alzamento unha lexitimidade patriótico-relixiosa contra o perigo comunista.

Conxunto de doutrinas elaboradas por Descartes. En Francia difundiuse a pesar da oposición do Santo Oficio, da prohibición real de ensinalo (1671) e da oposición de atomistas, empiristas e xesuítas. A rama máis vigorosa desta doutrina foi a de Malebranche. Tamén tivo seguidores nos Países Baixos (Heerebord e Lambert), Alemaña (Clauberg) e Italia (Fardella) durante os ss XVII e XVIII. Neste último século manifestouse a oposición contra o cartesianismo por parte dos filósofos defensores da nova filosofía natural, centrada en aspectos como a física mecanicista (dinamismo de Leibniz e a mecánica de Newton) e o innatismo (Locke e Berkeley). Con todo, a influencia cartesiana fíxose sentir ata o s XX, tal e como aparece plasmado no libro de Husserl Méditations Cartésiennes (Meditacións cartesianas, 1931).

Práctica baseada na interpretación do azar por medio das cartas de xogo e que consiste no prognóstico, emitido polo adiviño, dos feitos futuros concernentes a unha persoa. Empréganse as cartas ordinarias ou as simbólicas, chamadas do tarot. No primeiro caso, o adiviño identifica o consultor cunha figura do xogo tendo en conta a súa idade, o sexo e outras características persoais, e extrae, por un procedemento variable, as cartas que dan soporte á predición.

Residencia oficial do presidente dos EE UU, situada en Washington. Iniciouse en 1792 segundo os planos de James Hoban, aínda que no período 1949-1952 sufriu diversas modificacións. Ata 1902 denominouse Executive Mansion. Consta de dous pisos cun pórtico xónico na parte frontal do edificio.

Edificación situada en Santa María de Lamela, no concello de Pereiro de Aguiar, de probable orixe renacentista. Ten planta rectangular. Na fachada oeste hai unha torre de planta rectangular de tres alturas. Debido ao desnivel do terreo, presenta tres plantas na fachada norte e dúas nas outras frontes. A fachada principal é a oeste, na planta baixa está a entrada e unha escaleira de pedra que permite o acceso á vivenda; na segunda planta sobresae un balcón con balaustrada de ferro. O conxunto compleméntase con cortes, fonte de pedra, eira e casa para o servicio.

Entidade fundada polo Concello de Vigo o 26 de novembro de 1983 co obxectivo   de acoller e educar a nenos pobres.

Revista que apareceu en abril de 1994 en Rio de Janeiro como órgano de expresión da Casa de España. A publicación xurdiu baixo a presidencia de Antonio Maceiras Cela e Ana Cristina Halegua foi a editora.

Señorío fundado en febreiro de 1535 por García de Caamaño o Alto, membro da casa de Castro Caamaño de Noia e señor de Vilagarcía, de Rubiáns, de Vista Alegre e de Barrantes. Dous séculos máis tarde, en febreiro de 1761, o Rei Carlos III concedeulle ao VII señor de Rubiáns, Rodrigo Antonio de Mendoza Caamaño Barrionuevo e Monroy, o título de grande de España. A finais do s XVIII, ao morrer sen descendencia a IX señora de Rubiáns, Clara de Oca Mendoza e Caamaño, este señorío pasou xunto cos de Vilagarcía, Vista Alegre e Barrantes á casa da familia Ozores na persoa de Juan Ozores y Valderrama. As armas do señorío de Rubiáns son similares ás armas dos Caamaño.

Edificación situada na rúa do Vilar, en Santiago de Compostela, construída por Clemente Fernández Sarela entre 1747 e 1753 por encargo do cabido compostelán para o mestrescola Diego Juan de Ulloa. Consta dun amplo vestíbulo que funciona como elemento distribuidor das diferentes estancias con dúas alturas; a inferior acolle as dependencias auxiliares da casa, entre elas, as adegas; e na superior sitúanse os apousentos. Na fachada destaca a porta decorada con molduras e pináculos barrocos.