"To" (Contén)

PERSOEIRO

Bispo de Lugo (1961-1979). Doutor en Teoloxía e Dereito Canónico, foi vigairo xeneral do bispado de Nafarroa (1957), arcipreste da catedral de Iruña, bispo auxiliar de Lugo (1956-1971) e bispo titular de Dystis (1956-1961). Durante o seu bispado en Lugo restaurou o palacio episcopal e reordenou a distribución das parroquias eclesiásticas. Fundou a emisora radiofónica Radio Popular e participou no Concilio Vaticano II.

PERSOEIRO

Armador e home de finanzas grego. Cando se produciu a invasión turca (1922) emigrou a Arxentina, onde foi cónsul xeral de Grecia. Iniciou a súa aventura empresarial coa manufactura de tabaco e o fretamento de barcos mercantes. Foi o administrador de numerosas sociedades de todo o mundo e o principal accionista da Societé des Bains de Mer de Mónaco (ata 1967). Fundou a compañía de navegación aérea Olympic Airways e a marítima Olympic Cruises. A partir de 1967 foi un dos principais partidarios e sustentadores do réxime grego dos coroneis e en 1969 creou a compañía petroleira Omega.

PERSOEIRO

Conquistador. Participou con Nuño Beltrán de Guzmán na conquista de Nueva Galicia, da que foi gobernador e capitán xeneral (1536-1537, 1538, 1540-1544). En 1530 fundou Guadalajara co nome de Espíritu Santo.

1. Relativo ou pertencente á ondulación.

2. Que ondula.

3. Que se propaga por ondulación.

4. Perturbación progresiva que se propaga nun medio (material ou baleiro), a causa da variación periódica ou oscilación dunha magnitude física (posición dunha ou máis partículas, presión, densidade ou campo eléctrico) ao redor dun valor que se considera de referencia. Cando o que vibra son as partículas dun medio material, fálase de movemento oscilatorio.

5. Teoría segundo a que se explican os diversos fenómenos físicos de interacción e propagación enerxética ou material, asociando unha onda aos corpúsculos elementais que interveñen neles. A primeira teoría ondulatoria da física foi enunciada por Huygens en 1690 ao explicar os fenómenos de propagación da luz. Máis tarde, Hertz, Maxwell, Planck, Einstein e outros, resolveron a teoría ondulatoria da luz e a existencia do éter foi rexeitada. Einstein fixo reconsiderar a antiga teoría corpuscular de Newton e demostrou que a luz, e calquera radiación electromagnética, podía manifestarse en forma de onda ou de partícula. De Broglie enunciou en 1924 a mesma dualidade de comportamento para a materia en xeral, e así naceu a mecánica ondulatoria, base da denominada despois mecánica cuántica.

PERSOEIRO

Anacoreta. Fillo dun rei de Persia, algunhas fontes fano rei de Hungría. Viviu durante sesenta anos nunha cova e alimentouse só de dátiles. A tradición atribuíulle o tecido dunha túnica feita con follas de palmeira. Represéntase como un home vello e nú, cuberto coa súa barba e como atributos porta un caxato, unha palmeira, un cranio e, ás veces, unha coroa tirada no chan, alusión á súa orixe real. A súa festividade celébrase o 12 de xuño.

1. Fenómeno polo que o significante e o significado de certos signos lingüísticos teñen un determinado grao de relación de dependencia acústica. As onomatopeas que se integran na linguaxe como formas fixadas adquiren determinada categoría lingüística: interxeccións (ca!, bah!, paf!), substantivos (titac, cacaracá) e verbos (miañar, chascar).

2. Figura retórica que consiste en imitar sons reais por medio das palabras.

1. Relativo ou pertencente á ontoloxía.

2. 1. Que corresponde á orde do real, pero non por si mesmo, senón tal como é coñecido e comprendido polo home. Oponse tanto a óntico como a lóxico.

   2. argumento ontolóxico/anselmiano

      Proba a priori da existencia de Deus, establecida por santo Anselmo na súa obra Proslogium. O seu valor foi defendido ou rexeitado por diferentes filósofos, como M. Heidegger.