"RG" (Contén)

CIDADES

Cidade da península de Xutlandia, Dinamarca, na costa occidental fronte á illa Fanø (82.949 h[2000]). As bases da súa economía son a industria (alimentación e maquinaria), o comercio e a pesca.

1. Quitar a pel interior ás castañas.

2. Limpar toda a carne a un óso.

PERSOEIRO

Actor cinematográfico. Coñecido como Javier Escrivá, a súa primeira película, Molokai (1959), de Luís Lucía, deulle unha gran popularidade. Interveu nas películas La rana verde (1960), Milagro a los cobardes (1961), Isidro el labrador (1964), El vikingo (1972), El muñeco anatómico (1973), Tormento (1974), Juego de amor prohibido (1975), La noche de los cien pájaros (1976) e El tesoro (1988), e actuou en televisión. En teatro representou La muralla, de Joaquín Calvo Sotelo.

PERSOEIRO

Poeta ruso. En 1915 contactou en Leningrado co movemento simbolista e co poeta A. A. Blok, e en 1918 integrouse no movemento imaxinista. A súa poesía ofrece unha visión mística e pesimista da sociedade. Da súa produción destaca Radunica (1915), Inonija (1918), Moskva Kabackaja (Moscova das tabernas, 1924) e Kapitan Zemli (O capitán da terra, 1925).

1. Desfacer unha cousa pola perda dos elementos que a forman ou pola rotura dalgunha das súas partes.

2. Descolocar unha cousa.

3. Desfacerse unha cousa pola perda dos elementos que a forman ou pola rotura dalgunha das súas partes.

4. Descolocarse unha cousa.

1. Comida en que se come e se bebe en abundancia.

2. Diversión ou festa buliciosa.

PUBLICACIÓNS

Publicación aparecida en Barakaldo en 1985, editada pola Asociación Cultural Rosalía de Castro. Cesou a súa edición arredor de 1989. Imprimiuse nos obradoiros tipográficos do concello de Barakaldo. Coordinouna Andoni Vázquez Tierra. De periodicidade irregular, os últimos números foron semestrais e anuais. Publicación de emigrantes cunha finalidade cultural, incluíu artigos sobre literatura, cultura popular, música e arte galegas. Así mesmo, inseriu fotografías de motivos galegos, retratos de escritores e ilustracións de Castelao, Luis Seoane e Carlos Maside.

1. Relativo ou pertencente ás esparganiáceas.

2. Herbácea da familia das esparganiáceas.

3. Familia de plantas perennes, da orde das tifais, composta unicamente polo xénero Sparganium, que comprende 14 especies propias das zonas temperadas e frías do hemisferio N, e que só está presente no hemisferio S en Oceanía e parte do S de Asia. Habitan en medios húmidos e acuáticos, e caracterízanse por ter rizomas desenvolvidos e con escamas, talos erectos, follas lineais planas ou de sección triangular, e flores unisexuais monoicas de periantio trímero -de 1 a 8 estames e de 1 a 2 carpelos-, dispostas en inflorescencias, as masculinas nos glomérulos superiores e as femininas nos inferiores. A polinización é anemógama e dá lugar a un froito en drupa esponxosa, que flota e facilita a dispersión pola auga. En Galicia están presentes as especies: Sparganium angustifolium, en medios húmidos das montañas do SL; Sparganium emersum, en augas pouco profundas, e Sparganim erectum, en ribeiras e augas pouco profundas.

CAPITAIS

Capital da rexión de Alsacia e do departamento do Baixo Rin, Francia, na fronteira con Alemaña (263.896 h [1997]). Situada nunha fértil chaira na beira do río Ill, nun cruzamento de grandes vías de comunicación internacionais e cunha rede de canles navegables que comunican o Ill e o Rin co río Marne. O núcleo primitivo da cidade formouse nunha illa entre os dous brazos do Ill. É un importante porto, cunha grande actividade comercial. Tamén é o centro de transformación e distribución de numerosas materias primas. A industria está moi diversificada (metalurxia, alimentación, téxtil, química, madeira, construción naval e refinería de petróleo). Ten unha importante biblioteca universitaria (3 millóns de volumes). Campamento romano fundado por Druso no 12 a C co nome de Argentoratum, foi devastado no s V polas invasións xermánicas e no s VI reapareceu co nome de Strateburgum (‘cidade dos camiños’). Formou parte dos imperios carolinxio e xermánico. Pola Paz de Westfalia (1648), os terreos da...

1. Relativo ou pertencente a Estrasburgo ou aos seus habitantes.

2. Natural ou habitante de Estrasburgo.

CIDADES

Cidade do megyé de Komáron-Eztergom, Hungría, situada na beira dereita do Danubio, preto da fronteira con Eslovaquia (33.000 h [1988]). Importante centro turístico e administrativo. Estivo ocupada polos turcos entre 1542 e 1683. É sede titular do primado de Hungría. Do seu patrimonio cultural destacan o palacio real de estilo románico e a catedral neoclásica construída entre 1822 e 1869.

PERSOEIRO

Dramaturgo inglés. Creador da comedia de costumes na época da Restauración, da súa produción destacan The Comical Revenge e The Man of Mode or Sir Fopling Flutter.

PERSOEIRO

Escritor alemán. Autor neorromántico, da súa produción destaca a obra de teatro Alles um Liebe (Todo polo amor, 1910), a novela Katinka, die Fliege (Katinka, a mosca, 1911) e retratos literarios como Schattenbilder (Sombras, 1912-1917).

PERSOEIRO

Rei de Pérgamo (263 a C-241 a C). Sucesor do seu tío Filetero, independizou o seu reino do poder seléucida aínda que nunca tomou o título de rei. Durante o seu goberno ampliáronse os territorios do reino e iniciouse un programa de construción de edificios públicos. Foi mecenas do filósofo Arcesilao.

PERSOEIRO

Rei de Pérgamo (197-159 a C), fillo e sucesor de Atalo I. Aliouse con Roma na loita contra Nabis, tirano de Esparta, e contra Antíoco III de Siria, ao que lle proporcionou trala Paz de Apamea (188 a C) os territorios seléucidas en Asia Menor. Entre o 188 a C e o 166 a C enfrontouse aos gálatas, ao rei de Bitinia e ao rei de Ponto. Durante o seu reinado Pérgamo converteuse nun dos principais focos da cultura helenística.