"CIO" (Contén)

CENEBAD.

Compañía institucional creada en Madrid en 1984 polo Instituto Nacional de las Artes Escénicas y Musicales. Dependente do ministerio de Cultura estivo dirixida desde a súa fundación por Guillermo Heras, quen desenvolveu un amplo programa de actividades ata a desaparición da compañía, en 1993. Entre as súas iniciativas, destaca a renovación da escrita dramática a través de premios, de cursos e da posta en escena de espectáculos creados a partir de textos de novos autores, así como a realización de espectáculos con obras de dramaturgos significativos das novas correntes teatrais europeas e americanas. En Galicia participou na produción do espectáculo Caderno de Bitácora (1985), do Centro Dramático Galego.

Centro de investigación inaugurado o 25 de marzo de 1994 como Centro de Investigacións Lingüísticas e Literarias Ramón Piñeiro, dependente da Consellería de Educación e Ordenación Universitaria da Xunta de Galicia. Nel desenvólvense proxectos de investigación en humanidades, con especial atención á lingua e á literatura. Este centro, que conta con infraestrutura informática, cunha biblioteca especializada e cun importante número de investigadores (a súa maioría bolseiros), está dirixido e coordinado por científicos especializados: un coordinador científico (Constantino García González), un director técnico da área de lingua (Guillermo Rojo) e un director técnico de literatura (Anxo Tarrío). Mantén, ademais, contacto con outros investigadores de centros galegos e de fóra de Galicia. Entre os proxectos que se promoveron no Centro, cómpre destacar os seguintes: na área de lingüística, o Corpus de Referencia do Galego Actual (CORGA), base de datos gramaticais e léxicos; o etiquetador e lematizador...

CESID.

Sistema romano de medición empregado para a división de grandes áreas de terreo en parcelas, especialmente nas colonias. A superficie dividíase en cadrados de 200 xugadas (iugum), que formaban parcelas de terreo de idéntica superficie, e adxudicábanse aos colonos. Dispúñanse dun xeito análogo á colonia, cun cardus maximus, un decumanus maximus e unha serie de camiños que se dispoñían paralela e perpendicularmente.

Luz irradiada por unha partícula cargada que se despraza a través dun medio non condutor a unha velocidade superior á que tería a luz dentro do mesmo medio. Este efecto, observado por Pavel Čerenkov no ano 1934, foi interpretado por I. E. Tamm e I. M. Frank en 1937. A radiación de Čerenkov é especialmente visible nas piscinas de auga dalgúns reactores nucleares con coloración branca-azulada. Ten aplicación na detección de partículas de alta enerxía, como no contador de Čerenkov.

Fenómeno polo que as células epidérmicas dalgunhas plantas se recobren de filamentos, escamas ou gránulos cerosos que impiden o contacto entre a auga e a epiderme; deste xeito, facilitan que a auga esvare e que non se produzan infeccións provocadas por fungos, bacterias, etc. Nalgunhas plantas, como o carandaí, a produción de cera é tan grande que permite a súa recolección para aplicacións industriais.

Edicións do Cerne.

Acción e efecto de cesar.

Práctica consistente na adición de azucre ao mosto, co emprego de carbonato cálcico, co fin de enriquecelo e suprimir a súa acidez, para mellorar as características do viño resultante. Está prohibida en España. Inventouna o químico e enólogo francés Jean Antoine Chaptal (1756-1832), autor da obra Arte de facer viño.

ariedade patolóxica de ritmo respiratorio. Caracterízase por un período de apnea, seguido dunha serie de respiracións de amplitude crecente e outras de amplitude decrecente, para acabar novamente cunha pausa apneica. Foi descrita polo escocés Cheyne (1777-1836) e polo irlandés William Stokes (1804-1878).