"GR" (Contén)

Partido político turco de centro-dereita fundado en 1983 trala disolución do Büyük Türkiye Partisi (BTP). Considérase sucesor do Adalet Partisi (AP). O seu primeiro líder foi Süleyman Demirel, substituído en 1993 por Tansu Çiller.

Berro que marcou o comezo da independencia de México, emitido polo cura Hidalgo na cidade de Dolores en 1810.

Unidade de medida da acidez do leite. Un grao Dornic equivale a 0,1 g de ácido láctico por litro de leite.

Obra que recolle fragmentos de doutrinas e opinións de carácter filosófico, normalmente ordenados a partir de criterios temáticos ou autoriais. A primeira compilación recollida é a obra perdida de Teofrasto Φυσικ ῶ ν δόζαι (Das opinións dos físicos). O seu interese reside en que contribúe a reconstruír períodos históricos pouco documentados. Pode clasificarse en: obras doutrinais, organizadas por temas; biográficas, por autores; e sucesións, que compilan series de autores de varias escolas. Tamén cultivaron este xénero Cicerón, Plutarco e Simplicio. OBS: A grafia <x> representa o son [ks].

Relativo ou pertencente aos doxógrafos e á doxografía. OBS: A grafia <x> representa o son [ks].

Compilador de opinións ou de sentencias doutros autores. OBS: A grafia <x> representa o son [ks].

Sistema de impresión semellante ao offset, do que se diferenza pola utilización dunha prancha especial que non hai que mollar con auga para manter sen tinta as zonas non impresas.

Empresa creada na Coruña en 1987. Desde os comezos centrou a súa actividade no desenvolvemento de contidos dixitais multimedia e audiovisuais. En 1997 produciu o CD-ROM Bicho, que recibiu o Trofeo LAUS de deseño e tres premios AGAPI, e en 1998 sacou ao mercado Quick Magic, un simulador de maxia, galardoado tamén co premio AGAPI ao mellor multimedia. No ano 2001 realizou, xunto coa empresa Megatrix S A U, o filme O bosque animado, a primeira produción europea de animación en 3D. Esta película, baseada na obra de Wenceslao Fernández Flórez, conseguiu dous Premios Goya na edición de 2002 á mellor película de animación e á mellor canción orixinal, interpretada por Luz Casal. Forma parte da Asociación Galega de Productores Independentes (AGAPI), da Asociación Española de Productores de Animación (AEPA) e da Federación de Asociaciones de Productores Audiovisuales de España (FAPAE).

Técnica de observación da posición, a constitución e as funcións das cavidades cardíacas e das válvulas, por medio da ecografía. Emprégase principalmente para a diagnose de valvulopatías, tromboses intracardíacas, defectos do tabique, estado funcional do miocardio e patoloxía pericárdica.

Rexistro gráfico, nunha pantalla de raios catódicos, da imaxe que se obtén por ecocardiografía.

Método que se empregaba para o estudo das estruturas intracraniais por medio do radar. Este termo introduciuno Leskell en 1956.

Rexistro gráfico nunha pantalla de raios catódicos da imaxe que se obtén por ecoencefalografía.

Relativo ou pertencente á ecografía.

Aplícase ao especialista que se dedica a facer ecografías.