"AP" (Contén)

Irmán de san Pedro e pescador coma el. Foi o primeiro seguidor de Cristo. Evanxelizou Escitia (na actual Rusia), e aínda que este apostolado está sen confirmar, si se admite que estivo no mar Negro e na Ucraína. Segundo a lenda, un anxo mandoulle visitar a Mateo, cego e preso na Etiopía. Finalmente volveu a Grecia, e estivo en Macedonia e no Peloponeso, onde sufriu martirio: atárono a unha cruz en forma de aspa, sen cravalo, para que a agonía fose máis lenta; así foi, agonizou durante dous días e expirou ao terceiro.

Termo utilizado para designar a avaliación dos niveis de electrólitos (anións e catións) no soro e os trastornos que lle inflúen. Os valores do anion gap oscilan entre 8 e 18 miliequivalentes por litro nas persoas sas.

Xénero fósil da familia dos homínidos procedente do Mioceno medio de Turquía. Resulta difícil establecer as relacións evolutivas deste xénero, sen embargo, é probable que represente unha pola lateral da tribo Ponginae, polo que tería a súa orixe na dispersión dos Griphopithecus hai 14 M a por Eurasia procedentes de África. A única especie definida neste xénero é o A. meteai.

Revista bimensual francesa de xeografía. Creada por P. Vidal de la Blache (1891), recolle reseñas, notas bibliográficas, crónicas e artigos especializados en todos os terreos da xeografía.

Na mitoloxía india, deusa da abundancia e da liberalidade. Represéntase sentada sobre un loto, cunha culler de arroz na man dereita e unha cunca de mel na esquerda.

ariedade do paralelismo que se manifesta nunha relación de simetría, directa ou inversa, entre dúas proposicións diferentes cun mesmo contido.

Punto da esfera celeste oposto ao ápex e, polo tanto, de onde procede, no seu movemento, o Sol e todo o sistema solar.

Tratamento de enfermidades infecciosas con antibióticos ou, en xeral, con calquera axente antiinfeccioso. Para que un tratamento con antibióticos sexa eficaz, cómpre empregar un antibiótico ou antibióticos apropiados para cada infección, o que aconsella a práctica do antibiograma. A dose ten que ser suficiente e a duración do tratamento a adecuada.

Dise dos elementos, sobre todo aqueles dunha bobina, dispostos de forma que se reduza a un mínimo a súa capacidade parasita.

Doutrina ou actitude activamente oposta ao sistema capitalista. O conxunto de doutrinas anticapitalistas vén propoñendo unha substitución do sistema capitalista por alternativas colectivas de aproveitamento dos recursos que impidan a existencia da propiedade privada dos medios de produción e rematen coa división social do traballo coa finalidade de acadar unha sociedade sen clases. As de maior trascendencia histórica teñen sido o anarquismo, o socialismo científico e o comunismo. Tamén poden ser consideradas anticapitalistas determinadas tendencias do socialismo antes do seu decantamento cara a posicións socialdemócratas e as solucións escapistas promovidas por Fourier e outros socialistas utópicos do s XIX. A elaboración da crítica anticapitalista foi paralela ao desenvolvemento do capitalismo industrial dende o s XIX, sendo unha das máis elaboradas e coherentes a que realizou Marx na súa obra Das Kapital (O capital, 1867). As experiencias que tentaron implantar unha...

Sistema concebido para evitar que as rodas dun vehículo cheguen a patinar ao aplicarlle un esforzo de freada superior ao que lle permite a súa adherencia ao chan. O sistema actúa sobre o esforzo de freada aplicado a cada roda mediante un sinal electrónico de mando.

Xénero de mamíferos artiodáctilos da familia dos antilocápridos ao que pertence o antílope americano.

Persoa que se atribúe a autoridade propia do Papa mediante medidas irregulares, e que chega a ser competidor do lexítimo Papa.

Colorante que, mesturado coa alumina, proporciona un matiz escarlata. O seu diacetato utilizouse na medicina como laxante.