"Aram" (Contén)

PERSOEIRO

Escritor e historiador ruso. Foi o representante máis destacado do sentimentalismo ruso, que reflectiu en Bednaja Liza (A pobre Liza, 1792). Como historiador escribiu, cunha visión liberal, Istorija gosudarstva rossijskogo (Historia do estado ruso, 1816-1826).

PERSOEIRO

Compositor armenio. Estudiou no conservatorio de Moscova, do que foi profesor desde 1951. Autor de obras nas que introduciu temas populares armenios, acadou gran popularidade polo ballet Gaiane (1942) e os seus concertos para piano (1936), violín (1940), e violoncello e orquestra (1946).

1. Relativo ou pertencente á fase laramiana.

2. Fase oroxénica que pregou, durante o Cretáceo superior, as montañas Rochosas. Foi a derradeira das grandes oroxenias de América do Norte.

MACIZO

Macizo de Romanía, situado nos Cárpatos orientais. O seu pico máis alto é o Rodna (2.300 m alt).

CAPITAIS

Capital da provincia de Sonda Occidental e da illa de Lombok, Indonesia (141.387 h [1990]).

PERSOEIRO

Escritor. Influído pola obra de Pablo Neruda, Octavio Paz e Walt Whitman, e relacionado co movemento poético da revista Mito, o seu estilo caracterizouse polo uso dun discurso cheo de imaxes propias doutro mundo, moi suxestivas. Iniciou a súa produción coa escolma poética La balanza (1947), á que seguiron Los elementos del desastre (1953), en que aparece o seu célebre personaxe Maqroll el Gaviero. Posteriormente escribiu Los trabajos perdidos (1960) e Summa de Maqroll el Gaviero (1973), onde se recollen todos os seus poemas entre 1948 e 1970. É tamén autor de diversas obras en prosa, como Diario de Lecumberri (1960), Caravansary (1982), La nieve del almirante (1986, Premio Médicis) e Tríptico de mar y tierra (1993). Galardoado coa Gran Cruz de Alfonso X el Sabio, recibiu o Premio Nacional de Poesía de Colombia (1983), o Premio Príncipe de Asturias (1997), o Premio Neustadt (2001) e o Premio Cervantes (2001).

PERSOEIRO

Rei de Acad (2291-2255 a C), fillo de Maništusu (2306-2292 a C) e neto de Sargón I de Acad. Chegou ata o Mediterráneo e someteu Alepo e Líbano. Acadou a súa vitoria máis grande sobre os pobos do altiplano de Irán (os gutis e os lullubis). Ao final da dinastía os gutis invadiron Mesopotamia (2191 a C).

MUNICIPIOS

Municipio de Madrid, situado ao L da cidade de Madrid e regado polo Jarama (6.287 h [2001]). A súa economía baséase na agricultura, a gandaría e pequenas industrias químicas e metalúrxicas. En 1937, durante a Guerra Civil Española, produciuse o asasinato de presos nacionais por parte de milicianos repúblicanos.

1. Relativo ou pertencente ao paramagnetismo.

2. Que presenta paramagnetismo.

CAPITAIS

Capital de Surinam, situada a 32 km da desembocadura do río Surinam, que forma un distrito urbano (183 km2; 233.000 h [estim 1999]). É un centro político e económico que exporta bauxita e produtos forestais. O centro histórico da cidade foi declarado Patrimonio da Humanidade pola UNESCO (2002).

1. Ornamento con que se cobre ou se reviste unha cousa.

2. 1. Cada unha das dúas caras dun muro ou parede.

   2. Cara labrada ou puída dunha pedra de cantaría.

3. 1. estiduras e demais enfeites que usa o sacerdote nos actos relixiosos. OBS: Tamén se designa coa expresión paramentos sacerdotais.

   2. Conxunto de panos e outras pezas de tea que gornecen un altar doutros obxectos que se colocan sobre el durante as funcións litúrxicas.

   3. Conxunto de panos con que se adornan as paredes da igrexa.

MONTES

Monte situado na parroquia de Valboa (Monterroso). O seu cumio acada os 598 m de altitude.

1. Relativo ou pertencente a un parámetro.

2. Que contén parámetros.

3. Que se representa por ecuacións que conteñen parámetros.