"Cali" (Contén)

PERSOEIRO

Emperador romano (37-41). Fillo de Xermánico e de Agripina a Vella, criouse seguindo ao seu pai polos campamentos militares; neles recibiu o alcume de Calígula, diminutivo do lat calĭga ‘calzado militar que empregaban os soldados romanos’. Sucedeu a Tiberio como emperador coa axuda de Sertorio Macrón. Durante os primeiros meses inaugurou unha política de tolerancia, abolindo a Lex Maiestatis, reducindo o imposto sobre as vendas, devolvendo o poder de elección aos comicios e gobernando de acordo co Senado. Despois, afectado por unha enfermidade, o seu comportamento dexenerou e gobernou despoticamente. Á fronte do exército emprendeu campañas paródicas nas Galias e na Xermania, nomeou cónsul o seu cabalo e cando esgotou o tesouro imperial dedicouse ao asasinato de membros destacados da aristocracia aos que lles requisaba os seus bens. Chegou a proclamarse deus e recibiu culto en vida. Morreu asasinado polo tribuno da cohorte pretoriana Casio...

PERSOEIRO

Poeta e erudito en lingua grega. Exerceu de mestre en Eleusis e encargouse da ordenación da biblioteca de Alexandría. Froito deste labor foron as Pínakes (Táboas), uns catálogos de autores e obras. Escribiu sobre os temas máis diversos e está considerado como un dos autores máis destacados da literatura alexandrina. A súa poesía tentou desprenderse das formas poéticas tradicionais; na súa produción destacan Orixes, Hecale, A cabeleira de Berenice, Himnos e Epigramas.

PERSOEIRO

Escultor grego. Atribúeselle a creación do capitel corintio, idea que xurdiu despois de contemplar cómo crecían as follas de acanto ao redor dun cesto que se atopaba sobre unha tumba. Non se conservan obras orixinais nin copias.

1. Moble rústico, de gran peso e de dimensións desmesuradas.

2. 1. Obxecto de dimensións desproporcionadas.

   2. Animal de gran tamaño e de aspecto desagradable.

3. Máscara que se emprega para protexer a cara das picaduras das abellas, cando se castran as colmeas.

PERSOEIRO

Escritor romanés. Destacou como historiador da literatura, como biógrafo e como ensaísta. Cultivou tamén a poesía, a novela e o teatro. Publicou Cartea nuntii (O libro das vodas, 1933), Principii de estetica (Principios de estética, 1939), Bietul Ioanide (O pobre Ioanide, 1953), Estetică basmului (A estética do conto, 1965) e Conceptul modern de poezie (Concepto moderno de poesía, 1970), entre outras.

SEMANARIOS

Semanario de carácter satírico aparecido na cidade de Santiago de Compostela no ano 1909.

PERSOEIRO

Poeta elexíaco grego. As súas obras, escritas en metros dactílicos, son incitacións ao valor militar.

1. Peixe da familia dos calionímidos.

2. Familia de peixes da orde dos perciformes que agrupa formas mariñas, bentónicas e costeiras, de ata 30 cm de lonxitude. Distínguese pola presenza dun esporón armado de varias espiñas que prolonga o preopérculo cara a atrás. A familia comprende distintos xéneros, distribuídos por todos os mares cálidos e temperados; no Atlántico e no Mediterráneo son frecuentes os peixes do xénero Callionymus, coñecidos como escarpóns.

1. Relativo ou pertencente aos caliptoblastos.

2. Individuo da suborde dos caliptoblastos.

3. Suborde de cnidarios hidroideos que teñen como característica principal a presencia dunha hidroteca que protexe os pólipos. As medusas deste grupo son leptomedusas.

1. Diferenciación do ápice das raíces, en forma de dedal, que protexe o meristema apical do desgaste causado pola penetración da raíz no chan.

2. Nos mofos, resto da parede do arquegonio que recobre total ou parcialmente a cápsula do esporofito.