"Eiré" (Contén)

1. Relativo ou pertencente a unha ribeira.

2. Persoa que vive ou naceu nunha ribeira.

1. Relativo ou pertencente a Ribeira de Piquín ou aos seus habitantes.

2. Natural ou habitante de Ribeira de Piquín.

1. Relativo ou pertencente a Ribeira ou aos seus habitantes.

2. Natural ou habitante de Ribeira.

PERSOEIRO

Trobador de orixe descoñecida. Puido pertencer á liñaxe dos Freire, señores de Andrade, que xa en 1220 tiña membros pertencentes á Orde de Santiago. Segundo a Tavola Colocciana e no Cancioneiro da Biblioteca Nacional atribúenselle dúas cantigas de amor. Activo entre o primeiro e segundo cuarto do s XIII, nas súas composicións “Oimais non sei eu, mia senhor” e “Pois eu d’atal ventura, mia senhor” trata o motivo da ‘coita’ que o trobador sofre pola falta de interese da amada, á vez que pensa na morte como solución á súa desesperación.

PERSOEIRO

Fotógrafo. Instalado en Nova York (1928), abriu o seu propio estudo (1950) e dedicouse ao retrato de persoeiros coñecidos do cine, a música ou o deporte, ademais de publicar en Look e Life. Tras o triunfo da Revolución en Cuba (1959), instalouse na illa para traballar co novo goberno. Fundou o xornal Gramma e publicou en Bohemia, Hoy, Cuba Revolución ou Juventud Rebelde unha fotografía documental dos feitos acontecidos na illa neses anos. Recibiu o título de Mestre Internacional da Fotografía de Prensa (1983).

GALICIA

Médico. Catedrático de Medicina da Universidade de Santiago de Compostela, participou na fundación do psiquiátrico de Conxo en Santiago, do que foi o primeiro director. Inventou diversos instrumentos cirúrxicos ou relacionados coa antisepsia. Publicou Memoria sobre las fuentes de conocimiento y método de enseñanza de anatomía patológica y patología general (1871) e Programa razonado de Anatomía Patológica y Patología General (1871).

PARROQUIA

Parroquia do concello de Vilardevós baixo a advocación de santa María.

GALICIA

Editor. Formado co impresor Pujol en Lugo, estableceu os seus obradoiros tipográficos na cidade lucense en 1851. Considerado o primeiro editor que planificou todo un proceso editorial en Galicia, dividiu os seus proxectos en dúas seccións, a relixiosa, a máis numerosa, e outra variada onde incluíu unha parte literaria, ensaio, manuais e grandes obras. Editou os xornais La Aurora del Miño (1857), do que foi director e fundador; El Correo de Lugo (1859), que dirixiu; El Diario de Avisos (1861 e 1865), El boletín del Clero (1861) ou El Gallego (1867). Editou Análisis de las aguas minerales de Lugo (1853), a publicación anual do Calendario de Galicia (1857), os almanaques Las Dos Asturias (1864) e El Reino de Galicia (1866), e o Boletín eclesiástico (1868), a primeira revista relixiosa editada en Galicia. Publicou os dous primeiros tomos da Historia de Galicia (1865-1866) de M. Murguía,...

PARROQUIA

Parroquia do concello de Taboada baixo a advocación de santa María.

IGREXAS

Igrexa parroquial situada en Taboada. Construída en estilo románico no s XIII, reformouse en 1927. Ten planta rectangular con cuberta a dúas augas. No interior destaca o arco triunfal de medio punto. Da primitiva construción consérvase unha ventá da cabeceira, algúns canzorros e a portada principal, en que destaca a porta de medio punto con arquivoltas e o tímpano decorado cunha escena de Sansón montados sobre un león, símbolo da vitoria de Xesús Cristo sobre o demonio. Remata nunha espadana de dous vans.

PERSOEIRO

Escritor. Membro de Nova Escola Galega e do consello de redacción da Revista galega de educación, é director da revista Golfiño e autor de diversos manuais sobre literatura e filosofía, ademais de traballos sobre a LOXSE. Da súa obra narrativa destaca Proxecto Pomba Dourada (1987), centrada nun futuro hipotético, e onde cobran forza a ciencia fición, a intriga e o humor, cun estilo próximo ao das novelas de aventuras, e a   colección de contos O gato Bógar (1989), A malvada María Xosé (1989), onde analiza o mundo das bandas xuvenís, A cor do elefante e outros contos (1994), Anxos en tempos de chuvia (1997) e A primeira máquina de fotos (1998). No apartado de narrativa para adultos destaca o conxunto de relatos breves Galería de esquecidos de Feliciano Lobelos (1993), en que retrata a xeración que viviu directamente a época da Transición.

1. Relativo ou pertencente a Viveiro ou aos seus habitantes.

2. Natural ou habitante de Viveiro.

1. Relativo ou pertencente ao mes de xaneiro.

2. Relativo ou pertencente a un animal en celo, especialmente aos gatos.