"FERE" (Contén)

referendo.

Arco da circunferencia que ten por corda o diámetro.

Número igual a s = (a-b)/2, dados dous números a e b.

Reunión celebrada en Teherán, do 28 de novembro ao 1 de decembro de 1943, entre os representantes dos países aliados (Churchill, Stalin e F. D. Roosevelt) durante a Segunda Guerra Mundial. Nela decidiuse para 1944 o Desembarco de Normandie e outro posterior no Mediterráneo. Tamén se iniciaron os preparativos para a ocupación e desintegración de Alemaña e o establecemento das fronteiras polacas. Abordouse a organización da futura ONU e a proposición de Roosevelt de confiar os papeis de policía internacional aos países reunidos e a China. Stalin confirmou a súa intención de unirse ao ataque a Xapón, despois de que Alemaña resultase vencida. Por último, garantizouse a independencia de Irán despois da guerra.

Reunión en que os participantes se atopan fisicamente lonxe e se comunican entre eles por algún sistema acústico ou acústico e óptico á vez.

Novela de Víctor F. Freixanes publicada en 1982 e gañadora do Premio Blanco Amor, o Premio da Crítica e o Premio de la Crítica Española. Trátase dunha obra de grande extensión, entre novela de aventuras e crónica histórica, provista dunha gran riqueza léxica e unha prosa moi elaborada. Ambientada nas cidades imaxinarias de Santiago e Vilanova de Alba, ao longo da obra reflíctese o continuo enfrontamento de elementos diversos, a terra e o mar, o poder e a loita pola liberdade, o ben e o mal ou a razón e os soños.

Asemblea de partidos e forzas de liberación de África, Asia e América Latina que se reuniron en La Habana entre o 3 e o 15 de xaneiro de 1966. Nela aprobáronse unha serie de resolucións que condenaban e combatían o colonialismo, o neocolonialismo e o imperialismo. Finalmente foi creado un organismo permanente de solidariedade tricontinental.

Modalidade de utilización das redes de ordenadores para permitirlles aos usuarios que se comuniquen en tempo real.

Reunións celebradas en Viena entre 1819 e 1820 presididas polo príncipe Metternich-Winneburg e ás que asistiron membros da Confederación Xermánica. Tiña como obxectivo terminar coas revoltas liberais alemás. Baviera opúxose a esta represión e puido conservar os seus réximes constitucionais.

Reunións celebradas en Viena entre 1853 a 1855 durante a Guerra de Crimea que tiñan como obxectivo solucionar o problema ruso-turco. En abril de 1854, Austria, Francia, Reino Unido e Prusia decidiron manter os límites do Imperio Otomán e os dereitos dos habitantes cristiáns. En xuño dese mesmo ano, Prusia deixou a conferencia por non amolar a Rusia. A conferencia desapareceu cando non se conseguiu a paz en Crimea.

Reunións internacionais que se celebraron en Washington en 1921 e 1922 para tratar os problemas do Extremo Oriente e do Pacífico. O Tratado de Washington, entre EE UU, Reino Unido, Francia, Italia e Xapón, acordou limitar o armamento naval no Pacífico. Polo Pacto das Catro Potencias, EE UU, Reino Unido, Francia e Xapón comprometíanse a celebrar consultas mutuas sobre calquera cuestión que xurdise naquela zona.

Reunión internacional realizada en Xenebra do 26 de abril ao 21 de xullo de 1954 para tratar os problemas de Extremo Oriente. Non se tomou ningunha resolución respecto á unificación de Corea e, en canto a Vietnam decidiuse a división provisional en dúas zonas e a celebración de eleccións ao cabo de dous anos co obxectivo de reunificar o país.

Encontro celebrado en Yalta entre F. D. Roosevelt, W. Churchill e J. Stalin entre os días 4 e 12 de febreiro de 1945. Ratificaron que só sería aceptada a rendición incondicional de Alemaña e que esta sería dividida en catro zonas de ocupación. Decidiuse tamén a reunión dunha conferencia previa á fundación da ONU en San Francisco en abril de 1945.

Reunión socialista internacional que tivo lugar na localidade suíza de Zimmerwald, preto de Berna, do 5 ao 8 de setembro de 1915. Aínda que houbo unanimidade na condena da guerra e da política da Unión Sagrada, dúas estratexias enfrontáronse. A esquerda, agrupada ao redor de Lenin, propuxo transformar a guerra imperialista en guerra civil revolucionaria, pero a maioría inclinouse pola reconstrución da Internacional Socialista.