"Ise" (Contén)

Conxunto de procesos meteorolóxicos que dan lugar á desaparición ou ao debilitamento de ciclóns.

Desintegración da célula debida á acción de lisinas, a unha diferenza de presión osmótica, etc.

Claire-Josèphe-Hippolyte Léris de la Tule.

Transposición dos éteres alílicos dos enois ou dos fenois a derivados C-alílicos pola acción da calor.

Crotonización de aldehidos aromáticos (ou doutros aldehidos sen hidróxeno en posición α) con aldehidos alifáticos ou cetonas, en presenza de álcali, para dar aldehidos ou cetonas insaturadas. É un exemplo a obtención da benzalacetofenona: C6H5CHO+CH3COC6 H5 → C6H5CH=CHCOC6H5.

Termo usado por G. Ascoli para referirse conxuntamente aos fenómenos de próclise e énclise.

Teatro ou outro edificio de grandes dimensións destinado a espectáculos.

Grande anfiteatro da Roma clásica. Edificado en tempos dos Flavios, comezouno Vespasiano no ano 72, inaugurouno Tito no 80 e rematouno Domiciano no 82. Ata o s VIII coñecíase como Anfiteatro Flavio, pero a partir desta data comezou a ser coñecido como Colosseum, polas súas dimensións ou a causa dunha estatua colosal do Emperador Nerón alí erixida. Tiña cabida para 50.000 espectadores aproximadamente. O exterior ten catro pisos con arcadas decoradas con medias columnas con tres ordes superpostas: dórica, xónica e corintia; o piso superior, sen arcadas, está decorado con piares corintios. Unha parte das arcadas derrubouse por diversos terremotos. O edificio serviu como fortaleza durante os ss VI-XI e, posteriormente, as pedras de travertino, caídas ou arrancadas, serviron de material para outras construcións. O Papa Benedicto XIV consagrouno como lugar de martirio no 1744.

Institución teatral francesa creada en París a partir de 1680. Neste ano, Luís XIV ordenou a unión das compañías de l’Hôtel de Bourgogne e de l’Hôtel Guénégaud, co que se constituíu a primeira compañía nacional de teatro de Europa. En 1799 instalouse na Salle Richelieu e viviu un período de considerable esplendor, aínda que sempre estivo influenciada polo acontecer político da República, e así, despois da Revolución Francesa, pasou a se denominar Théàtre de la Nation. Desde o primeiro momento constituíuse como unha compañía cun repertorio orientado á realización de espectáculos a partir dos textos clásicos da literatura francesa e universal, e integrou no seu elenco actores, actrices e directores de prestixio, como Mademoiselle Clairon, Sarah Bernhardt, Coquelin, Jacques Copeau, Jean-Louis Barrault ou Antoine Vitez, que, sen embargo, remataron por abandonala ao pouco tempo. Nestes case catro séculos de existencia a compañía, que desenvolveu o seu traballo noutros teatros da capital francesa...

Asociación de estados creada pola Constitución francesa o 4 de outubro de 1958 que comprendía, ademais do Estado francés, as doce antigas colonias de África que optaran polo estatuto de estado membro e que aceptaran entrar na Communauté, é dicir, no Estado francés, con autonomía interna, pero sen soberanía nin independencia internacional. De feito, podían saír da Communauté cando o desexasen reivindicando a súa independencia. A súa existencia foi moi efémera, porque os estados africanos da Communauté accederon á independencia entre 1959 e 1960. Oficialmente non foi nunca disolta.

Organización internacional fundada en 1996 e integrada por Portugal, Angola, Guiné-Bissau, Cabo Verde, Moçambique, São Tomé e Príncipe e Brasil. Os seus fins son a promoción da lingua portuguesa e a cooperación cultural, social, científica e xurídico-institucional entre os países membros. Pretende tamén a constitución dunha plataforma común internacional nos organismos aos que pertencen os seus membros. Os seus órganos de goberno son a Conferência de Chefes de Estado e de Governo, o Conselho de Ministros, o Comité de Concertação Permanente e o Secretariado Executivo. A presidencia rota cada doce meses, mentres que o secretario executivo e o secretario executivo adxunto se renovan cada dous anos.

Sentimento de pena polo mal doutra persoa.

Organización dos países produtores de cobre fundada en 1960. Malia controlar máis do 50% da produción mundial, non conseguiu fixar nin unha política común nin un prezo do cobre no mercado internacional.

Ausencia total ou parcial da bóveda cranial, con exteriorización das meninxes e do cerebro (meningoencefalocele).